تحديد المصير

الموت ماهو بالقنا الموت تأنيب الضمير=لانندرق في مندرق ولا حد قال الهمام
لا زالت اوزار الحرايب والله المولى نصير=والحرب خدعه والسلاح اللي يجمل ياسلام
اللي تجلا في حلب مايعدل اللي فالقصير=احداث لكن الوقايع غير مضمون الكلام
يسعى المناضل في حياته لاجل تحديد المصير=وان حط روحه في يده حتما تعداه الملام
خرق السفينه وانكره موسى ولكن جا بخير=والموت نعمه بالمقارن مع هوان الانهزام
مناورات وقصف واعلان المواجه والنفير=والتف منحا خط سير المعركه والاحتدام
بين المصايد والمكايد من يدار ومن يدير=اطرافها بالصين واتلاها على الجال الحرام
وحنا مابين المستشار وبين رفض المستشير=ومحاولات كل ابوها في حقيقتها هلام
وليا سلمنا نارها نبقى على حد الشفير=بين التواري والتنافر والشنا والانقسام
اللي يدور له كفن واللي مشخص بالحرير=والحظ الاوفر في زمننا منتحي يم اللئام

حياك الله يا أبو فهد
ويا هلا والله بك وبتواجدك الطيب
وحضورك الرائع
ومشاركاتك المتواصلة
والله يجعلك على العز والقوة دائماً
وصح لسانك ملايين

		المشاركة الأصلية بواسطة : السلطان اقتباس
	حياك الله يا أبو فهد ويا هلا والله بك وبتواجدك الطيب وحضورك الرائع ومشاركاتك المتواصلة والله يجعلك على العز والقوة دائماً وصح لسانك ملايين

صح بدنك اخي السلطان العزيز
شاكر مرورك وشعورك الطيب
وبارك الله فيك ولاهنت

مشاركه رائعه صح لسانك اخوي

صح لسانك
وعلا شانك
ولاهنت شاعرنا
على القصيدة الجزلة

		المشاركة الأصلية بواسطة : الهنوف. اقتباس
	مشاركه رائعه صح لسانك اخوي

هلابك يالهنوف وصح بدنك
شاكر مرورك وشعورك الطيب
بارك الله فيك ولاهنتي

		المشاركة الأصلية بواسطة : بنت النشامى اقتباس
	صح لسانك وعلا شانك ولاهنت شاعرنا على القصيدة الجزلة

الله يعلي مقدارك اختي النشميه
وصح بدنك
وبارك الله فيك ولا هنتي

دام عزّك ياوطن
-----------------------------

صاحب الحضورالأصيل
وكذلك القاف الجميل
صح لسانك وجاد بيانك