صدفة

بسم الله الرحمن الرحيم ..
...

الشوق ماله عمر يفنى وينعاد=له في الضلوع أن عاد وأن غاب رجفه
مع كل فرقا , له ورى الجفن ميلاد=وأن ماتت الفرقا لقى الشوق حتفه
جيت أقتل الفرقا من بلاد لــ بلاد=ملّ الطريق يشيلني فوق كتفه
وأنا بعد مليت من كثر ما أرتاد=هالشارع اللي كان لك فيه شرفه
تظمأ عيوني شوفك , وتشبع سهاد=عيّا الزمن يقطع ظماها بـ رشفه
لاوجهك أسقاها , ولا ذاقت رقاد=ماغير طيفك , طيفك اللي أعرفه
كنّه ظبي , وعيوني ظلال صيـاد=يجفل قبل يرتد للجفن طرفه
مشكلته أنه كل ما أشتقت يزداد=حتى ملا جدران وقتي وسقفه
وأصبحت أشوفه فـ أول الغيم لاجاد=وفـ أقصى الشفق لاطاحت الشمس خلفه
وفـي الأرض لانامت عقب صوت رعاد=وفي كل شباك ٍ صحت منه درفه
أتعبت طيفك لوم , واللوم مافاد=ويوم الأمل في شوفتك مات نصفه
نويت أسافر عنك بجروح ٍ جداد=وعمر ٍ من أوراق الزمن حان قطفه
نويت , لكن جابني الشوق منقاد=وجابك حنينك , والزمن سال عطفه
شفتك تبـسّـم لي خجل مدري عناد=وفي نظرتك شوق ٍ من الظلم وصفه
حسيت كني طفل , وعيونك أعياد=ياعيدي اللي له ورى الصدر رجفه
سـمّ اللقا صدفة , وأسـمّيه ميعاد=أنا أنتظرتك , وأنت مريت صدفه

جديد.. فــهد المساعد ..

لقلوبكـــم ..

قصيده جميله من أول بيت إلى آخر بيت

من أروع قصائد فهد بن مساعد

صح لسانه والله

والله يوفقك ويعطيك ألف عافيه يالساريه
على نقل كل جديد ومميز

صح لسان الشاعر

ويسلم ذوقك يا السارية على هالطرح الرائع والمميز

دمتِ في حفظ المولى

الله الله
يا السارية
على هذه المقطوعة الرائعة والكلمات الجميلة
ذوق فريد في الانتقاء
وتسلم يديك

الله الله يالساريه

قصيدة روعه

راقت لي

رووووعه

صح لساااااان الشاعر وسلم ذوقك ونقلك

تحياتي الغربي

^
^

رائعه وأكثر ^ ^


صح لسان شاعرها وسلم ذوقك يالساريه ماقصرتي

..




الغريق
النايفة
السلطان
معاند الجرح
الغربي
سديم الشدادي
خزامى نجد



كل الشكر على المرور العذب ..
جنآئن من اليآسمين لكم ..





..