|
|||||||||||||||||
الحب الحقيقي
هذه القصيده من البدايات ومنا سبتها انه حضر الشاعر محمد ابن شلاح المطيري رحمه الله لتسجيل حلقات من برنامج مضارب الباديه وذلك بدعوه من خالي الشاعر المعروف بسيس بن حديد رحمه الله وفي المساء ضيفهم واخذوا يستعدون لتنسيق القصائد والتسجيل في الصباح وسمعته يقول قصائد الحب ومدح الجماعه غير مقبوله فوالله ما ادري وش حصل بعدها المهم اني وجدت نفسي كاتب قصيدتين في ظرف ساعه الاولى فيها ذكر لاشخاص ممن رحلوا من القبيله والثانيه في كل بيت من ابياتها كلمة الحب المهم انه قراها وتعجب من مخالفة الطلب وموافقة المضمون وصورت للتيليفزيون وسجلت للاذاعه وهذه قصيدة الحب:-
قالوا لي اشرح مابقلبك من الشوق= وانظم لنا عقد المشاعر قصيده
فسر لنا للحب معناه موثوق=بين لنا ضره وبين مفيده قلت العفو ما فسر الروح مخلوق=حرفين مير الها معاني عديده الحب له معنى وله عدة اطروق= وكل يغني طرقه اللي يريده الحب عند اللي من الناس مطفوق=يقول شوفة من غطا الشعر جيده والحب طرد البيض في زحمة السوق= والحب متعه والسفر هو بريده والحب جمع المال لو كان مسروق= وعلى الملذه ماجمعته تبيده لكن هذا اللي من الحب ممحوق= حب زهيد وحب ناس زهيده الحب عندي عن مراد الجسد فوق= الحب عنوان الحياة السعيده الحب دين وعدل واحساس مع ذوق= الحب له في النفس لذه فريده الحب لله فرض من كل مخلوق= حيث انه الخالق وحنا عبيده والحب للمختار مثني ومطبوق= حبه وطبق سنة له مجيده وطاعة ولي الامر تسلم من العوق= مادام مسلم والسياسه رشيده وحب الوطن حفظه من الغدر والبوق=وش عاد وانت ارضك هي ارض العقيده والوالدين احذر يجازون بعقوق= خلك ذراهم في الليال البريده اخفض جناح الذل والهرج برفوق=واطلب لهم هدي وحياة مديده والحب للجيران ولضيفك حقوق= وعانيك خلك ريف قلبه وعيده والحب خل القلب للسر صندوق= وعن عرض غيرك خل نفسك بعيده والحب لو جنبت عن كل نقنوق= اتبع سديد الراي واترك عنيده والحب جمع المال تستر به افتوق= اظهر زكاة المال والله يزيده والحب لو حطيت ذود من النوق=عز وكرامه مابها من نقيده في مرتع نبته خزاما وزملوق= مالك خشير فيه ياكود صيده ولاني معيب حب لباسة الطوق= ان صرت مقبل والنوايا حميده الحب قوة جذب عاشق لمعشوق= اذا جرى حبك بمجرى وريده والحب دله خشمها خشم غرنوق= تقول محروقه ولو هي جديده لازايد ماها ولا البن محروق= يحمس ويفهق فوق نار وقيده وبهارها من غالي الهيل مدقوق= ذقها واذا جت لك على ماتريده فنجالها من يدك للربع مسيوق= في مجلس مافيه نفس بليده ومن كان ذا حبه فلا هو بمسبوق= الله يشهد والخلا يق شهيده وصلوا على المبعوث صادق ومصدوق= ماناحت الورقا بعالي جريده وعد المطر وعداد مالاحت بروق= وازكى تحياتي ختام القصيده
التعديل الأخير تم بواسطة جزاء دهيس ; 24 Aug 2006 الساعة 03:43 PM
|
24 Aug 2006, 05:46 PM | [ 2 ] | ||||||||
مؤسس شبكة الشدادين
|
الحب دين وعدل واحسـاس مـع ذوق=الحب لـه فـي النفـس لـذه فريـده الحـب لله فـرض مـن كـل مخلـوق=حيـث انـه الخالـق وحنـا عبـيـده والحـب للمختـار مثنـي ومطـبـوق=حبـه وطبـق سنـة لــه مجـيـده وطاعة ولي الامر تسلـم مـن العـوق=مـادام مسلـم والسيـاسـه رشـيـده وحب الوطن حفظه من الغدر والبـوق=وش عاد وانت ارضك هي ارض العقيده والوالديـن احـذر يجـازون بعقـوق=خلـك ذراهـم فـي الليـال البـريـده اخفض جناح الـذل والهـرج برفـوق=واطلـب لهـم هـدي وحيـاة مديـده والحـب للجيـران ولضيفـك حقـوق=وعانيـك خلـك ريـف قلبـه وعيـده والحب خـل القلـب للسـر صنـدوق=وعن عرض غيرك خل نفسـك بعيـده والحب لو جنبـت عـن كـل نقنـوق=اتبـع سديـد الـراي واتـرك عنيـده والحب لـو حطيـت ذود مـن النـوق=عـز وكرامـه مابهـا مـن نقـيـده فـي مرتـع نبتـه خزامـا وزملـوق=مالـك خشيـر فيـه ياكـود صـيـده ولانـي معيـب حـب لباسـة الطـوق=ان صـرت مقبـل والنوايـا حمـيـده الحب قـوة جـذب عاشـق لمعشـوق=اذا جـرى حبـك بمـجـرى وريــده والحب دلـه خشمهـا خشـم غرنـوق=تقـول محروقـه ولـو هـي جـديـده يا ما شاء الله يا جزاء تصدق إن موهبة الشعر نعمة وإن الشعار محظوظين بها ياليتني كنت شاعر والله لأسوي الهوايل وأحط اللي ما ينحط بيض الله وجهك .... وما كل من نظم شاعر وأنا أخوك بعض القصيد ما غير رصف كلام دون معنى وبعضه يشدك لقراءته وتطرب لسماعه الله يطول عمرك يالذيب |
||||||||
|
|||||||||
24 Aug 2006, 05:54 PM | [ 3 ] | ||||||||
عضو متميز
|
والحب دلـه خشمهـا خشـم غرنـوق=تقـول محروقـه ولـو هـي جـديـده لازايـد ماهـا ولا الـبـن مـحـروق=يحمـس ويفهـق فـوق نـار وقيـده وبهارها مـن غالـي الهيـل مدقـوق=ذقهـا واذا جـت لـك علـى ماتريـده فنجالهـا مـن يـدك للربـع مسيـوق=فـي مجلـس مافيـه نفـس بلـيـده مابعد هالكلام كلام يا بوسفر بيض الله وجهك وصح لسانك |
||||||||
|
|||||||||
25 Aug 2006, 12:42 AM | [ 4 ] | |||||||
عضو متميز
|
جمعت معاني الحب الحقيقي كله أخوي جزاء قصيدة في قمة الروعه وأنا الآن من المتابعين لقصائدك صح لسانك وبيض الله وجهك |
|||||||
|
||||||||
25 Aug 2006, 01:23 AM | [ 5 ] | ||||||||
عضو متميز
|
بدوي فاهم ووجهك ابيض يالنشمي حياك الله اليوم ودوم |
||||||||
التعديل الأخير تم بواسطة جزاء دهيس ; 25 Aug 2006 الساعة 01:27 AM
|
|||||||||
25 Aug 2006, 01:29 AM | [ 6 ] | ||||||||
عضو متميز
|
السلطان شهاده اعتز بها لكن تصدق اللي شبه كتابة القصيده بالولاده ماكذب الام وتركيز ومجهود ذهني جبار لكن اذا جت سليمه من العيوب نست كاتبها التعب حياك اخوي وانت ترى كلامك درر |
||||||||
25 Aug 2006, 01:30 AM | [ 7 ] | ||||||||
عضو متميز
|
البرنس وهذا فخر لي ان مثلك يتابع قصايدي حيااااااااااااااك مليون ومايوفون |
||||||||
26 Aug 2006, 01:53 PM | [ 8 ] | |||||||
نائب المشرف العام
|
صح لسانك اخوي جزاء وبيض الله وجهك على تلك الجوهره الرااائعه ممكن سؤال متى اصبحت تكتب الشعر وهل هو وراثه ام هوايه ؟؟ |
|||||||
|
||||||||
27 Aug 2006, 12:01 AM | [ 9 ] | ||||||||
عضو متميز
|
اخوي عبدالله صح بدنك اما بالنسبه لسؤال انا كتبت الشعر من بع الثانويه ولكني كنت اقرا وبشراهه وانا انصح اللي يبغى يكتب شعر او قصص او خواطر او حتى في مجال الخطابه ان يكثر من قراءة القران فوالله انها لتستقيم اللغة به ويفتح افاق واسعه امام الكاتب ولا انفي دور الوراثه تحيااااااااااااتي |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الحب الحقيقي | عيد الشدادي | المواهب والمحاولات الشعرية | 22 | 09 May 2011 03:16 PM |
الحب الحقيقي | نايف بن شداد | المنتدى الاسلامي | 3 | 23 Aug 2010 08:12 PM |
الحب الحقيقى | ابن مهرس2008 | القسم العام | 2 | 02 Oct 2008 11:13 PM |
( الحب ) الحقيقي | أخت الرجال | المواهب والمحاولات الشعرية | 13 | 25 Feb 2008 01:19 AM |
ماهو الحب الحقيقي ؟؟؟ | مواطن | القسم العام | 13 | 02 Oct 2006 12:45 AM |
|