لاحول ولا قوة الأ بالله

*يـا ليتنـي خدامـة بيـن اياديـك .. من شان اشوفك كل يوم برضايـا*



هذي قصيده مؤثرة لأم تشكي حالها بعد ان اودعها ولدها (الله يهديه) للمصحه
(دار العجزه) او كما يقااال ( دار النسيان) والبيت أعلاه يبكي حتى القلب القاسي
اترككم مع القصيده

وين انت يا حمدان امـك تناديـك= وراك مـا تسمـع شكايـا وندايـا
يا مسندي قلبي على الدوم يطريـك = ما غبت عن عيني وطيفك سمايـا
هذي ثلاث سنين والعيـن تبكيـك=ما شفت زولك زايـر يـا ضنايـا
تذكر حياتي يـوم اشيلـك واداريك = والاعبـك دايـم وتمشـي ورايـا
ترقد على صوتي وحضني يدفيـك =ما غيرك احدٍ ساكن فـي حشايـا
واليا مرضت اسهر بقربك واداريك = ما ذوق طعم النوم صبـح ومسايـا
ياما عطيتك من حنانـي وبعطيـك =تكبـر وتكبـر بالأمـل يـا منايـا
لكن خساره بعتني اليـوم وشفيـك= واخلصت للزوجه وانا لي شقايـا
انا ادري انها قاسيـه مـا تخليـك = قالت عجـوزك مـا ابيهـا معايـا
خليتني وسط المصحه وانا ارجيك = هذا جزا المعروف وهـذا جزايـا
يـا ليتنـي خدامـة بيـن اياديـك = من شان اشوفك كل يوم برضايـا
مشكور يا ولدي وتشكر مساعيـك = وادعـي لـك الله دايـم بالهدايـا
حمدان يا حمـدان امـك توصيـك =اخاف من تلحق تشـوف الوصايـا
اوصيت دكتور المصحه بيعطيـك = رسالتـي واحروفهـا مـن بكايـا
وان مت لا تبخل علـي بدعاويـك = واطلب لي الغفران وهـذا رجايـا
وامطر تراب القبر بدموع عينيـك =ما عـاد ينفعـك النـدم والنعايـا

(حسبي الله ونعم الوكيــــــــــــــل)الله يكون في عونها آميــــــــــــــــن

لاحول ولاقوة الابالله

وحسبي الله ونعم الوكيل

مشكور اخوي على طرح القصيدة

هذا حال الدنيا يابو عابد

لكن الله يعفينا مما ابتلاهم

اًمــــيــــن

لكـ خالص تحياتي

ابو نــفــالـ

يهبا الله يصلط علاه لكن مصيره يسوون ابه عياله مثل ماسوى بمه واشكرك على روايت القصيده لنا يابو نفال

لا حول ولاقوة الا بالله العلي العظيم

قصة مؤلمة ..

رغم قساوة قلبه لكن تظل الام بعطفها وحنانها مسامحه دائماً ..

\\
\

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا


الله الهادي ..


[ابو نفال]


كل الشكر لنقلك المتميز ..

بارك الله فيك ..

\\
\

لاحول ولاقوة إلا بالله العلي العظيم

قلوب قاسية لاتعرف الرحمة نسأل المولى عزوجل أن يهديها

وأن يجعلنا من هم يبرون بوالديهم أحياء وأموات

سلمت يديك أخوي أبو نفال

حمد زياد قاعد

صويب الوله

البرنس

الانسان ماله بعد الله الا والدايه وبالأخص أمه التي

تفرح لفرح ابنها وتحزن لحزنه والجنة تحت أقدام الأمهات

مشكورين على المرور

لكم خالص تحياتي

ابونفالـ

حسبنا الله ونعم الوكيل

والله يلقاها في عياله ومثل ما سوى يسوّى به

لا حول ولا قوة إلا بالله

لا هنت يا أبو نفال

ولا انت يالسلطان

مشكور على المرور

لكـ خالص تحياتي

لاحول ولاقوة الابالله العلي العظيم

ابونفال تحياتي

والله يعطيك العافيه