لاتظلم الحال

السلام عليكم جميعاً
من أراشيفي:
الخطاب موجه للكتاب فقط ..

والله مايوم قد فكرت في ذمك =ولا يدي لامست خامـــك ولا ادله
اسالك بالله من قبلي عرف رسـمــك ؟=ان كنت باقي على تقواك والمــله
لاتظلم الحال والاســـرار في كمــك =عطني عناوين ماتحوي وش العله
أخاف لو طبّت ايدينــــــي على رقمـــك =اطيح في رقم صعب اقراه واحــله
انا ابن آدم ترى مانـــــي ولد عمـــك =وانت الكتاب الذي معرفك انا والله
وان كان باطنك خاوي وش يكن حجمك =كتله من اوراق ! مابيها حشـا لل له
مادام سطحك تجرد من وضوح اسمـــك =يضل بطنك وكاد اجوف ولا قـــله!
وان كان لا بالله الا هاجســــي همـــــك =ففتح غلافك وفلّ المحتـــوى فــلّه
ماتقبل اوراقــك الحبر الــذي لمـــك =الا ونفسك تقل يازين ها الطـله
انا بشر لي دمــي والحبر هو دمـك =وان كان بك روح لجل الله قم صله
مانـي ببدر السما ترميه من زمــــــك =بين الهلالين تغشــى شُرفة الفـله
ولا آني اخوك راضع من ثُديّ امــــــك =لكني اعرف لسن السيف وآســـله
اختم سؤالي هل اسمي صاح من فمــك ؟= والا انت ملا تريد البدر توصـل له
لا ياكتاب بلا عنوان ما اضـمك =مثل الذي يشرب الشايي من الدله !
الحـل بيديك وايــدي لن تصـل يمـك =ان اعجبك ياهلا ، وان معجبك خـله !

صــــــــــــــح الــلــــسانك ياحــــمـــــــدان

أنا والله ماني من الكتاب
لكن اسمح لنا طال عمرك بالحضور والقراءة
والاشادة بتميز حرفك وجمال كلماتك

لا هنت يا أبو حمد
وصح لسانك اليوم ودوم

صح لسانك
واعتلى بالخير شانك
ولاهنت شاعرنا على القصيدة الرائعة

صح لسانك
قصيدة روعهـ

.. تسلم شاعرنا القديرعلى هاالابداع الامحدود..
الله يعطيك الف عااافيه .و يحفظك الرحمن

صح لسَانكْ أبيات روعهّ

دُمتْ ~

سعد الروقي
صح بدنك وقواك الله ..

ــــــــــــــــــــــ
السلطان بالتأكيد :
والله يحييك للقراءة وغيرها ..
ـــــــــــــــــــــــ
بنت النشامى
صح بدنكِ وحياكِ الله ..
ـــــــــــــــــــــ
أميرة أبوها
تسلمين ويحفظكِ المولى
لاهنتِ ..
ـــــــــــــــــــــ
حلوى القطن
نرحب بك في المقام الاول ويامرحباً الف على الرحب والسعة
وشاكر لكِ حضوركِ وقواكِ الله ..

،،،،،،،،،،،،،
تحياتي للجميع ..

صح إلسسانك وإعتلى بالخير شانك

شكري وتقديري