ياسر التويجري وشاعر المليون

الشاعر ياسرالتويجري في شاعر المليون

القصيدة الاخيره والتي اعلن انسحابه بعد القاءها من البرنامج



[ramv]http://www.buraydh.com/atheer/yaseer.rm[/ramv]

ولدت ساطي ومتغطرس وأحب الخصام= ولا أعترف في إدارة طبع والا مدير
أوجدت نفسي من اللاشي والانعدام= نبذت فالمجتمع لاني صريح وفقير
ماكان تفكيري الا كيف أخطف السنام= والحمد لله خطفت اليوم كل البعير
إن لم يكن مركزي بالصف الاول أمام= ماعاد تفرق معي لو كنت قبل الاخير
الله أكبر ولله البقاء والداوم= وهو الاله الاحدوهو السميع البصير
أخذت من مدرسة أحمد عليه السلام= مالاخذيته من مخاوى وزير وامير
وأخذت من تجربة عبدالعزيز الامام= وش يصنع العلم لاخاواه سيف شطير
واخذت من فلسفة هتلرعدم اللالتزام= وكسبت نفسي وريحت القلق والضمير
وابشرك حالتي دايم على مايرام= من ركعتين الفجر الين بعد الاخير
صحيح عندي تحفظ على بعض الانام= مثل معمر وابو مازن وتوني بلير
لكن انا مااحب اقلل الاحترام= واذهب ضحية طموح الغرب وانا صغير
قومية المسلمين اللي عليها الكلام= راحت معا خالد وعمرو وعلي والزبير
الله ولا ذل والتخوين والانهزام= ياعابدين العروش الوضع جدا خطير
يابو خلف كيف حالك عل حالك تمام= انسى القصيدة وهات علوم اخوي الكبير
شيخ عرفته وتقريبا لي اربع اعوام= يومني اجيه لا جاير ولا مستجير
يشوقني له نشوق الوسم عقب الحيام= في صفرة جوها ماهو بفية هدير
الشيخ ابو خالد محمد عداه الملام= اللي يصير من الاصرارمالايصير
حد الثماله اعزه لاعلي الحرام= اني احبه وحبٍ لودرابه يطير
يطير مثل الوحش لاضف ريشه وحام= وحول على الذايره بالجو مثل المغير
ان الملوك اذا اعطوك حب وغرام= خلوك من سائر الخدام يعني خفير
الا انت ياراعي التقدير والاهتمام= ياللي رحمت الصغير وشلت هم الكسير
اذا البلاط الامير والكنب والرخام= له شاعر يدهله في صبح والا عصير
فانادهلت الثرياوالقمر والغمام= وحولت اداهم طرف مشلحك مالي خشير
كفرت بالناقصه والغدر والانتقام= وامنت باانك حزامي بالنهار العسير
من لايقدر ثباتك مع عكاك الزحام = ماهوبوالله مقدر ويش معاني جرير
يارا س عيطا يمسك البدء قبل الختام= يالنادر اللي على صيد المكارم شهير
يالمهدي المنتظر بالحاجتين الجسام= المدة المسكته والاخذ بيد الضرير
ياسيدي ودي افهق لك ضلوع العظام= واعطيك شي بصدري وانت رجل خبير
اناتراني اعاني نوب من انفصام= يوثرعلى البرمجة في راسي المستدير
واصير احس اني البارود والا الحسام= في ساحة الشعر من تبوك لاقصى عسير
ممايسبب لبعض اعدائي الاحتدام = اللي يحسبون قرض الشعر مثل الشعير
والشعر وان كانه المقصودباول مقام= فالله يرحم ابو الطيب ويرحم زهير
روح التنافس وحب الشيخ والانضمام= ماهي بتعني لدى الكثرة نهاية مصير
والشاعر اللي معه عزوة خوال وعمام= تفداه وايل وترقب مستعدة مطير
والله فلا ينقهروالا يضيق ويضام= لاجاء اللززوالملاقى والقبس والنذير
وجمع الدراهم ماهي باكبر طموح الغلام = اللي جمع من قلوب الناس شي كثير
من حبني رغم تفويتي له الانخدام = واللي كرهني فهذا شخص ملعون صير
دام المعارك صغيره ماعلينا لزام = ينوب عن سيفي البتار اصغرجفير
قرات فيماقراته من بلوغ المرام = اللي ترك شي لله عاضه الله بخير

.............
فيديو

للحفظ إضغط هنا بزر الماوس الأيمن واختيار حفظ الهدف بإسم



وسلامتكم

بيض الله وجه ياسر عز الله قصيده رااائعه مافيها كلام

وعزالله الشيخ راح يدبر امور زواجه هههههههههااي

مشكور ابو بندر

ياسر التويجري

شاعر جزل رائع وقمة الإبداااااااااااااااع

تمنيت أن يستمر في المسابقة ولم يعلن أنسحابه

كانت قصيدة التي ألقاها أكثر من رائعه

تمنياتي لك بالتوفيق

متفائل

جزيل الشكر لك على نقل القصيدة

عساك ع القوة

بيض الله وجهك يا أبو بندر ولا هنت

وياسر شاعر كبير ولو إني مختلف على أسلوبه

في المهايط وكثرة المدح في نفسه .

صح لسانك ولسانك الشاعر يابوبندر

بصراحه انا لم اتابع البرنامج لكن سمعت عن هالقصيدة وشوقوني لها الكثير وشاكر لك يالغالي ريحتني من عناء البحث عنها .


تحياتي لك وتعيش وتجيب يا بوبندر .

يا كثر هياطه ياسر ويا كثر المعجبين فيه هههههههههاي


سلمت يا أبو بندر والله يعطيكـ العافيه ..!

لاتعليق اكتفي بردود غيري

ياسر شاعر مبدع بعيد عن عيوبه الاخرى

انا اثني على القصيده وشخصيته هو حر فيها

		المشاركة الأصلية بواسطة : الجازعية اقتباس
	لاتعليق اكتفي بردود غيري

بالعكس يالجازعية

يجب أن تعبري وتعلقي وتكشفي عن مدى ثقافتك

وهنا لو تلاحظين الأعضاء

لا يكتفون بسطر أو سطرين من الردود

وهذا الذي أشعل صفحات المنتدى وجعل الكثيرين يحبونه

اشكر اخوي متفائل على نقل القصيدة

بخصوص الشاعر ياسر


بصراحه

يحق له ايهايط

شاعر قوي ومتمكن

واثق من نفسه

جرئى

وهويشرف بلده في اي محفل

ولكم الشكر