يا لطيف الروح

يالطيف الروح قلبي مبتلا=في هوى حبك ولا غيرك رفيق
ما خلق مثلك ولا مثلك حلا=الحلا في غير شكلك مايليق
صبتني ثم صرت ملكك ياالغلا=من بعد ما كنت انا حرٍّ طليق
من سالني عنك يا ضبي الفلا= في وصوفك قلت لا والله شفيق
لو اوصف للقرايب والملا=قام كلٍ يقطع العهد الوثيق
عاف خله عن حلاك اللي علا=عن حلايا من يظن انّه سبيق
نور وجهك لو تبين وانجلا=كان كلٍ تاه والله مايفيق
من عشق مثلك عشق والا فلا=يوم زينك ناذرٍ ماله شقيق
ما سلا قلبي بغيرك ما سلا=كيف نسلى وانت لي نور الطريق
قلبي المسكين تايه مبتلا=ارحم اللي في بحر حبك غريق

وسلامة الغالين ,,

صح لسانك

واعتلا شانك

ولا هنت أخوي

ع القصيدة الجزلة

كفو والله يا شاعرنا
أبو سلطان
والله يبيض وجهك على هذه
الرائعة المميزة
وصح لسانك يا بعدي

بنت النشامى



صح بدنكي ولاهنتي على المرور الجميل

ارحب ملايين والله يابو عبد الله


وكفوك الطيب ووجهك ابيض ياسنايدي عسى ماتفقد غالي واشكرك على مرورك المميز ياالامير

.



سَلمتْ وَ دُمتْ مِنْ كُلْ سوُءٍ
حيّاكْ الله يَ وَلَّد روُقْ وَ صَّح الله بوُحكْ
وَ سَلِمْ منطوُقكْ علىْ تِلكَ الغزَليَّة الأنيِقَّة الفارِهَّة الجمَالْ
للهِ دُركْ وَ عساكْ علىْ القوُة دوُمْ لا حُرمنا صَافيْ قوافيِكْ


# فَايِف ستارز + لايِكْ

		المشاركة الأصلية بواسطة : اقتباس
	يالطيف الروح قلبي مبتلا=في هوى حبك ولا غيرك رفيق ما خلق مثلك ولا مثلك حلا=الحلا في غير شكلك مايليق صبتني ثم صرت ملكك ياالغلا=من بعد ما كنت انا حرٍّ طليق من سالني عنك يا ضبي الفلا= في وصوفك قلت لا والله شفيق لو اوصّف للقرايب والملا=قام كلٍ يقطع العهد الوثيق عاف خله عن حلاك اللي علا=عن حلايا من يظن انّه سبيق نور وجهك لو تبين وانجلا=كان كلٍ تاه والله مايفيق من عشق مثلك عشق والا فلا=يوم زينك ناذرٍ ماله شقيق ما سلا قلبي بغيرك ما سلا=كيف نسلى وانت لي نور الطريق قلبي المسكين تايه مبتلا=ارحم اللي في بحر حبك غريق

في بحر حبك غريق
في بحر حبك غريق
~~~~~
أسعد الله مساؤك شاعرنا أحمد ..
ماهذا العمق والإنغماس والتغلغل والربط والضبط ؟
أنت شاعر وربي شاعر وفيك إنسابية الشاعر الهادئ السهل الممتنع .
خاف ربك فينا ياشيخ ..!
لله درك يا أحمد .
صح لسانك وارتقى بيانك وإعتلى شأنك لاعدمتك لاعدمتك ..!

البواردي

المتالقه ساره الغيد صح بدنكي واشكركي على هاالقلم المميز والتعليق اللي يحفزنا نقدم ماهو افضل باذن الله

		المشاركة الأصلية بواسطة : البواردي اقتباس
	في بحر حبك غريق في بحر حبك غريق ~~~~~ أسعد الله مساؤك شاعرنا أحمد .. ماهذا العمق والإنغماس والتغلغل والربط والضبط ؟ أنت شاعر وربي شاعر وفيك إنسابية الشاعر الهادئ السهل الممتنع . خاف ربك فينا ياشيخ ..! لله درك يا أحمد . صح لسانك وارتقى بيانك وإعتلى شأنك لاعدمتك لاعدمتك ..! البواردي

هههههههه ارحب والله يابوحمد لازم اتعب واقدم اللي يسعدك ويسعد كل مطنوخ مثلك وشهادتك وسام على الصدر يااستاذ واشكرك على المرور اللي انار متصفحي والله ودمت في كل خير ياامير

		المشاركة الأصلية بواسطة : احمد الروقي اقتباس
	هههههههه ارحب والله يابوحمد لازم اتعب واقدم اللي يسعدك ويسعد كل مطنوخ مثلك وشهادتك وسام على الصدر يااستاذ واشكرك على المرور اللي انار متصفحي والله ودمت في كل خير ياامير

تسلم وتدوم ..
ودك بالصدق ، كدت أن أزعل عليك لكن عندما جاني إعتذارك هونت الزعل .
تمنيت لو حضرت مع النشامى بيضان الوجوه عساني ما اعدمهم
والله تمنيتك لو جيت لكن الجايات أكثر وأجمل والله يديم المحبة بين المطاليق أمثالك وامثالهم .
موفق وعساك على القوة ..