آخر مواعيدي

.
.

.. شطحات جده ..

مجرد خواطر لا تعتبر قصائد ..
بعضها لها موقف وبعضها طلب .ألخ
وكلن يفسّر على كيفه
ماحب أحتفظ فيها قلت بنزلها هنا قبل أمسحها

//

من كان يغدر فيك ياخيتي صرت
ادعي لك الله .. في حياته يهينه
وان كنت في عينك غريب وتغيرت
ماعاد تفرق .. بالمشاكل غبينه
تدرين والله وش منّه .. تاثرت ؟
مبحوح صوتك والحناجر حزينه
وش فايدة رقمك لو إني تعذّرت
وقلبي من الموضوع غاسل يدينه
يخون تعبيري ، ولو كان عبرت
والحق ضايع مدري ياخوك وينه
اسف لو اني ، بالرساله تاخرت
بس البلا لا احترت بينك وبينه

//

ياخي طلبتك لا تعيّب بالنصيب
دامك تعاف الحب لاتركض وراه
لا تقول ، ولا تعيد ، ولا تجيب
"انا حريصن دون ماتعطي وصاه"
ياعسى جرحك يصب ولا يطيب
جرحن بقلبك ياعسى تجهل دواه
عايش بجنبي مير ماحسك قريب
والبلا قلب المحب متكرر خطاه
بس تدري عاد في قلبي لهيب
يحرق ضلوع الصدر واحساسك كواه
كل مابغيت القاك ياخلي تغيب
وكل مابغيت انساك ضيّعت الحياه
شوف دمع العين مع خدي سكيب
شوف عض الناب من بين الشفاه
الفرق واضح كانها نبح وقنيب
والفرق واضح كانها ثوب وعباه

//

يلعننننن ابو حظّي ، ليا صار مقرود
ويلعننننن بنات الكول .. هذي وذيه
تدري وش اللي يخطف القلب ياسعود؟
لا شفت لي برقع .. بـ عين ابدويه !!

//

الا على طاري الطحاطيح يافلان
لي صاحب(ن) ياناس مافيه حيله !

سلمان طول الوقت داشر وطفران
عاطل وباطل .. مير يسوى قبيله !

//

لا زاد قلبي ياسعد في نياحه
ماعاد ينفع لا صحيبن ولا مال
تكفى ابي هالحين قول الصراحه
يالعنبوا حيك متى تصير رجال
هات القلم نبغى نقيس المساحه
نبغى نشوف الوضع باقي ولا زال
ماشفت من خوتك غير الوقاحه
جوّك مقلب كل يوم(ن) على حال
شفني وانا هالحين طالع سياحه
الا ان اسمك دوم يطري على البال
احاول اخفي الجرح واستر جراحه
عشان مايكسي الفرح وجه الانذال

//

عمري صغيّر مير راسي مشيّب
امن الهنوف اللي حياتي بيديها
كل القصايد من بعيد .. وقريّب
ماطاب كيف القاف .. إّلا عليها
غابت عن الانظار وحالي تسّيب
واكبر بلا شريان .. قلبي يبيها
مانته بطيّب .. وانا ماني بطيّب
عقب المفارق ( حالنا راح فيها )

//

" بما ان مطار جده بعد ماتنزل من الطياره تركب باص يوّصلك للصاله
وبنات الشيوخ على سيارات فخمه "

ناسن على آودي وناسن على باص
وناسن من الطفره .. تهل القصايد
ياللي تشيل الردف بالموتر الخاص
سرقة قلوب .. الناس عندك عوايد
ياليتني في بحركم .. يوم غوّاص
اسبح لك الامواج .. والوضع كايد
ارمي لك الديمن وترمي لي الهاص
واصير لك جندي .. وشرواك رايد
ياليتك بجنبي .. ب/كشته ومقناص
وأبدع القيفان .. سمن الشرايد
أطلق من البدوان قنّاية الشاص
وقت المنافع .. ماله ايّت فوايد !

//

الوضع طفره والغلا بالمصاريف
مير البلا هذي حقيقه .. وربك :

والله لو كان الدراهم على الكيف
ماشفتني هالحين جالس بجنبك !

//

لا جيت اخلي الدار تمطر بالامطار
مدري نحاسة حظ .. ولا قراده ..!!

//

اللي تحط الاكل ( حلوه ) .. ورزّه
واللي توزّع وجهها يقطع الرزق !

//

تقرا لي النكته .. وتضحك .. وتقرأ
وتموت بالضحكه ، وانا أموت خقّه !!

//

ياطراد لو بالمدح ماني بمحتار
ابوك خاذ المدح باول وتالي
خالد على كل المواقيف جبّار
يكفخ جناح العز بالطيب عالي
ماهي غريبه يامطانيخ الاحرار
يشهد على هالهرج رب الجلالي
للخيل فرسانن وللموج بحّار
والوصف ياكثره يدور بخيالي
مثلك يابو خالد للامجاد تذكار
ومثلك يابو خالد ليا غاب غالي
ان كانها بالشعر ولا الزمن دار
اجيب لك قافن وأخط الجزالي

//

اليا بغيت الحق حظرة معاليك
بينك وبين العز ياخوك : رابط !

البارحه تدرس وتسهر لياليك
واليوم بعد الله يابو زيد ضابط !

//


في داخلي خيلن تصول وتجوّل ــ ماجابها ضيدان ولا .. الزلامي
اسوقها لين المعادي .. تهوّل ــ وقت الفعل مهوب وقت الكلامي
رقيت فوق الضلع والغير حوّل ــ يوم ان ريقي للمشاريف ضامي
سجيت فكر البال والسيل طوّل ــ من كبره اللي ساق برق الغمامي
( ركز على الابيات بالحرف الاوّل ـ يطلع لك المعنى و وصل سلامي )

.
.

صحيح ربي خالق الناس من طين
.................... والفرق واضح بين وجهك ورجلي

ان كانها بالسن والعين بـ العين
.................... مافي احد من بين هالناس " مثلي "

.
.

.
.


ماخنتك الليله على شان يدرون
.................. خنتك وانا ناوي .. " أبيع المحبّه " !!

.
.

.
.

عضّت شفايفها وقالت : تغزّل
قلت العفو ماهي بحزّات الالهام !

قرّبت منها وقلت شآعرك عزّل
وش رايك الليله نطبق بـ ******

وأكبر مصيبه بعد مالذيب ****
كرهتها كره الكويتي لصدّام !!

.
.

الله يحفظك

مبدع ما شاء الله

متااااابعهـ بصمت و هدوووووء

دمت بخير و راحة بال

.
.

حيّاك هديل
ومتابعتك شرف وفخر لي ..

/


.
.
أحيان مستعجل / ومن دون / تفكير
ودّك تحط إلغاء ، وتضغط [ موافق ] !!

الوضع يا [ سلطان ] / محتاج تفسير
قامت ضلوعي وسط صدري تصافق !!

ليه البشر لا جات تذكرك بـ [ الخير ] ؟
" لازم عليك " اتصير ( أكبر منافق ) ..!!
.
.

.
.
.
.
.
.

كل ما أشوفك رحت بالصوت تمتمت :
عزّاه يا قلب(ن) ب/ ( حبّه ) تمادى !!

لو كنت ( تسمعني ) لامني / تألمت
ماكان تجهل صوت : بالشووق نادى !!


.

.
.

عادي ترى وان كان طفّيت نارك
.................... مير البلا للحال الاقشر .. رجعنا

العام اقول اهواك والدار دارك
.................... واليوم اقول ارجوك يازين بعنا !!

الظاهر انك صرت ( حسني مبارك )
.................... حاكم ، ولكن ( مالك ايّات معنى ) !!

قصيده قلتها بعشاء عمي البارح ..

( محمد بن سعد الشدّادي )

سـلام ياشيـخ الشداديـن مبخـور
................ بالعود الازرق مع زهـور البساتيـن
صفيت من قاف الجزيـلات طابـور
................ دام الجزاله فـي رصيـدي ملاييـن
باسم الذي خالـق سمـوات وبحـور
................ سبحانه اللي خالق الناس من طيـن
أسمك سميّه بالبشـر ساطع(ن) نـور
................ رسولنا اللي ثبـت الشـرع والديـن
اما أنت ربي كونـك فعـل وغـرور
................ يحق لـك لا صـار عنـدك براهيـن
من كثر ماماخذ من المجـد دستـور
................ صارت صفاتـك للمراجـل عناويـن
ياكم ضيفن جـاك ثـم راح مسـرور
................ وياكم طرقي جـاك يشكيلـك الديـن
كريم سبـلا مسعد(ن) كـل مقهـور
................ ياللي بطيبك تقسـم الطيـب نصيـن
أضرب بكفن تسنّهـا حـد ساطـور
................ وأطنـخ بعقلـن رجّحتـه الموازيـن
وادعس برجلك كل حاقـد وطرطـور
................ واتفل على كـل الوجيـه المعاديـن
يـوم المراجـل بالمهايـط وديكـور
................ شرواك حاز الطيب عنـد المياميـن
في كفك اليمنى كما الغيـث ممطـور
................ وفي كفك اليسرى تعيش المساكيـن
يا أبو فهد قسمك من الطيب مخبـور
................ تخضع لك المهره وتخضع سلاطيـن
ياحاكم الاشوار .. لا جـات للشـور
................ ياللي تحوم الجو .. حوم الشياهيـن
يامجبّر الخاطر ليـا صـار مكسـور
................ ياعارف ادروبي ليا قلت لـك ويـن
معذور ! لو قصّرت فالمـدح معـذور
................ شرواك وصفـه ماتشيلـه دواويـن
أزهم ابن هـذال ومشعـل ومستـور
................ وأرجع على ابن الذيب مع تركي الفين
والله لو نمدح بـك سنيـن وشهـور
................ تبطي بك القيفـان ماتمدحـك زيـن
ناقف ونضرب لـك تحيّـات بالـدور
................ ياحاتم الطائـي طليـق الحجاجيـن
المرجله ماهـي عمـارات وقصـور
................ والمفخره ماهـي رصيـد ودكاكيـن
الكذب في كـل المواقيـف محظـور
................ وليا بغيت الحق بختـم بـه الحيـن
عزالله انك شارح نفـوس وصـدور
................ وعزالله انـك شيـخ كـل الشداديـن
جاتك قصيده كلها احساس وشعـور
................ من فارس(ن) خيله تجـول المياديـن
لا ماعلي من شلة الهـرج والـزور
................ مغنينـي الله .. يالقلـوب المغابيـن
للشعـر قصاد(ن) وللجـرح دكتـور
................ كـل(ن) يسـير اليوم حسب القوانين
وختامها صلّوا علـى خيـر مامـور
................ امحـمـد اللـي كـان ختـم النبيـن

صح لسانك فااااااارس
مبدع
والى الامــــــــام
تقبل مروري