لا واقعودي راح مني خسارة

بسم الله الرحمن الرحيم

اأيها الاعضاء الكرام 00

اتمنى ان انظم معكم تحت لواء هذا الصرح العملاق

منتدى ربعي وجماعتي وتاج رأسي الاد شداد

وكلي أمل أن أجد بينكم طيب الاقامه وحسن الجوار>>

وأن أقدم مايلقى ولو جزء بسيط<<<

من اهتمامكم واطلاعكم ورضاكم000

مصافحتي الأولى
^
^
^
^
^

لا وا قعودي راح مني خساره=بارادتي أخذوه ناس ٍ رخومي
باالسوق دورناه جبنا قراره=على سنامه مردمات الشحومي
راعيه من لابه وفيهم جساره=لاد القريني مهلكين الخصومي
حده وراح هناك جود زراره=وحنا شرينا ما حضرنا نسومي
حطيت في يمناه ماهي يساره=ثلاثة آلاف ٍ بليا حسومي
وشلناه بعد انّا حكمنا فقاره=وعزومنا فاقت جميع العزومي
نعرض ونرمي قبل مبنى الاماره=مع الطريق اللي يسمى عمومي
نعرض وهم مايعرفون الاشاره=طحنا بناس ٍ ماتعرف السلومي
والقصر مدري ورد مدري زهاره=والوسم واضح ماجهلنا الوسومي
ومعي عيال ٍ ماتحب الخطاره=استاذنوهم بعد رمي السهومي
وأخذه رويغي والرخامه ستاره=من مالفة ناس ٍ تلقب خشومي
وسوى قباحة يعتبرها شطاره=حظه ردي ومنثبر ما يقومي
في فكرته يظن تبني عماره=ضعيف نفس ولا يسد اللزومي
يا جعل شكله يندفن فالزباره=وتكرم عن أشكاله وجيه القرومي
لا وا قعودي راح مني خساره=بارادتي أخذوه ناس ٍ رخومي

كاتم الونه

صح لسانك ياكاتم الونه
ابيات رائعه

الله يعطيك العافيه

أخي كاتم الونه




نقل متميز وأنتقاء أميز ولك تقديري

صح بدنك يارعد الجبوب والرائع كلامك الطيب

والله يعافيك ومشكور لك مني ارق التحايا

اخي خيال الشدادين مشكور على اطلاعك المتميز

الله يعطيك العافية لك مني التقدير والامتنان

كاتم الونه
مرحبا بك وباطلالتك الرائعة
وصح لسانك

أي والله حسافة

لكن هذي سلومنا وعرفنا


صح لسانك يا كاتم الونة يا ابن العم
منور منتدى لابتك وربعك

وأن شاء الله يطيب لك المقام بيننا

وافي الشدادي الله يبقيك يالغالي وصح بدنك

والله يعطيك العافيه على اطلاعك الرائع

لك مني التقدير والامتنان

اي والله حسافه ياحاتم لا منك وجبت لك على واحد قعود بثلاثة آلاف ريال

ويوم أعرست جاك بخمسية ريال من دون عذر ولا جميله

هذي قضيه يجب على المجتمع مناقشتها والا هي سلم طيب للي يستاهل

صح بدنك يابن العم والنور نورك

واتمنى ان أجد بينكم

طيب الاقامه والأخوهـ

هههههههههه يا هلا والله بشاعرنا كاتم الونّة
وقعودك لا تبيعه بخسارة ما أنت مجبور على بيعه

حضور جميل جداً وراقي منذ البداية
وقصيدة جميلة جداً ومحزنة

وعسى الله يعقل عليك قعودك وإلا يعوضك عن خسارته
وصح لسانك يا الذيب وفي انتظار الجديد القادم من قصائدك
والله يحييك تحية المطر