انا الذي خط قلمه

السلام عيكم ورحمة الله وبركاته

رد على عيار نار اتمنى ان تحوز على رضاكم

( وارجو من المشرفين تنسيق القصيده)

يامرحبابك يالحصان ابن الحصان ابن الحصان = نبغى السوالف والدعاوي يالسنافي مبهمه

الليله الليله قسى مافيه ذا الليله ليان = ابغى النوايا مجرمه وابغى الفعايل مجرمه

قصر النشاما عاليٍ ياعيد ماهو بالطمان = القصر عامر تحت حكامه وجيشه وخدمه

مادام سلطان استوى من فوق عرشه واستبان = فالواجب انا نحتزم دونه ولازم ندعمه

والرجم اله هامه وكلن يبتغي فوقه مكان = احدٍ قصر عن هامته واحدٍ بها رز علمه

وانا عسفت امهار هاجوسي وجودت العنان = وانا الذي في صفحة الشعر الجزل خط قلمه

واللي قصر لو هو فلان ابن فلان ابن فلان = يصبح وجوده عندنا ياصاحبي مثل عدمه

وانا ترا ماني حزامك كان فيك الوقت زان = انا حزامك لاصبحت كل الليالي مظلمه

وانا هنا رجلٍ تكان ومن وقف مثلي تكان = واليا فتشت الجيش تلقاني حضرت بمقدمه

رجلٍ صريح وواضحٍ شعري كما سهيل اليمان = اقدم وواردها على الجمه بليا همهمه




الشاعر/ سامي بن عايض الشدادي الحارثي

أرحب يا بن عايض أرحب

يا هلا والله بك وبشعرك الجزل الجميل الرائع

وصدى إبداع .. لـ صوت الغربي

وكفو كفو كفو ونعم بك وبربعك وشعرك وصح إلسانك مدد بلا عدد ..


فايف ستار لعيونك .

صح لسانك

ابدعت اخووووي

لاهنت

اخوي/الذيب
صح لسانك واعتلى شانك
قصيده رائعه والاروع منها نسق الغربي لاحياء الشعروالمنتدى
تحياتي لشخصك الكريم

وانا عسفت امهار هاجوسي وجودت العنان
وانا الذي في صفحة الشعر الجزل خط قلمه
وانا اشهد يالذيب انك من اللى يعسفون مهار الفكر وينقون فرايده وانك من اهل الشعر الجزل والمعاني القويه والدليل الرد القوي والاسلوب الجميل في الرد اللى يبيض الوجه كفيت ووفيت وامتعتنا بهالرايعه والله يعطيك الف عافيه وصح لسانك مليارات
تقبل تحياتي,,,,,

صح لسانك
\..................................\

		المشاركة الأصلية بواسطة : الذيـــــب اقتباس
	السلام عيكم ورحمة الله وبركاته رد على عيار نار اتمنى ان تحوز على رضاكم ( وارجو من المشرفين تنسيق القصيده) يامرحبابك يالحصان ابن الحصان ابن الحصان = نبغى السوالف والدعاوي يالسنافي مبهمه الليله الليله قسى مافيه ذا الليله ليان = ابغى النوايا مجرمه وابغى الفعايل مجرمه قصر النشاما عاليٍ ياعيد ماهو بالطمان = القصر عامر تحت حكامه وجيشه وخدمه مادام سلطان استوى من فوق عرشه واستبان = فالواجب انا نحتزم دونه ولازم ندعمه والرجم اله هامه وكلن يبتغي فوقه مكان = احدٍ قصر عن هامته واحدٍ بها رز علمه وانا عسفت امهار هاجوسي وجودت العنان = وانا الذي في صفحة الشعر الجزل خط قلمه واللي قصر لو هو فلان ابن فلان ابن فلان = يصبح وجوده عندنا ياصاحبي مثل عدمه وانا ترا ماني حزامك كان فيك الوقت زان = انا حزامك لاصبحت كل الليالي مظلمه وانا هنا رجلٍ تكان ومن وقف مثلي تكان = واليا فتشت الجيش تلقاني حضرت بمقدمه رجلٍ صريح وواضحٍ شعري كما سهيل اليمان = اقدم وواردها على الجمه بليا همهمه الشاعر/ سامي بن عايض الشدادي الحارثي

ونعم ياالذيب
قصيده جميله
صح لسانك
تفضل بقبول فائق الاحترام

صح لسانك يالذيب ردودك وافي وجزل لاخلى والله ولا عدم ياعزوتي

صحت ابدانكم

والعتب على المشرفين

تحياتي لكم

ونعم يابوعايض وصح لسانك ملايين ولا فيك حيله