قصيدة لمن يحب البر

كتب الشاعر / فارس عايض الشدادي
هذه في العشر الأواخر من رمضان عام 1425هـ وهو طالب وكانت إجازة المدارس مدة
العشر الأواخر فكان الجو غيومٌ وأمطار وكان الشاعر لدية ظروف منعته من الذهاب
إلى البر فكتب هذه القصيدة:-

تهيض ضمير الشعر وأقدم على القيفان = ليصخر معانــي والقـوافــي مــوازنــها
وأنا لا طرالي طاري ٍ قلت ياورعـــان = عطونـي قلــم بأكتـب قصــيده وألحنــها
وأنا اليوم في قلبي طرة شوفة الصمـان = وشوف الفياض إلي كسى العشب باطنها
وشوف البيوت إللي تشيد على العمـدان = وشوف الحلال إليا إنتشر فـي مواطنــها
وشوف الرجال إللي تكلم على المـيزان = هـــروجٍ تونــس قبــل ينطــق موازنــها
وأنا اليوم بالي صابه الضيق والحرمان = حدتنـي ظروفـي فــي ديــارٍ مأوطنـــها
عسى الله يزيد الصبر صبرٍ معه سلوان = وتفرج لمن نفسه عــن الشــين صاينــها
وصــلاة ربــي عـد مــزنٍ بـعد ربــــان = هطل من مغيب الشمـس حتــى مباينــها

وسلامتكم

صح لسان الشاعر ومشكور

اخوي على نقل القصيدة

كل الود

صح بدنك يا عبدالله

لكن وضح كلامك أذا بغيت ترد

صح اللسانك

يا فارس وبيض الله وجهك

ولاهنت

صح بدنك يالشاعر / بن جربان

صح السانك اخوي فارس
قصيدة جميلة الله يعطيك العافية
وتقبل تحياتي

هلااا ومرحباااا بـ شاعرنا الجديد

صح لسانك ونشوف جديدك ان شاءالله

كل المحبه

أخوي فارس

قبل ما أقول صح لسانك ،،،،

أسألك هل القصائد اللي تنشرها لك أو ما هي لك ؟

إذا هي لك ليش تتكلم عن صاحب القصيدة وكأنه شخص ثاني ما هو أنت

أنت تقول :

		المشاركة الأصلية بواسطة : اقتباس
	كتب الشاعر / فارس عايض الشدادي هذه في العشر الأواخر من رمضان عام 1425هـ وهو طالب وكانت إجازة المدارس مدة العشر الأواخر فكان الجو غيومٌ وأمطار وكان الشاعر لدية ظروف منعته من الذهاب إلى البر فكتب هذه القصيدة:-

والمفروض إنك تقول :

كتبت هذه القصيدة وكنت طالب ولدي ظروف منعتني من الذهاب وهكذا

لأن الصيغة اللي قاعد تكتب بها تدل على أن الشاعر واحد ثاني اسمه فارس غيرك

فالواجب إنك تتنبه لصيغة الكلام اللي تكتبها عشان الأعضاء يفهمون

الشاعر دائماً ذكي وفطن وما تفوته مثل هذه الأمور ....


وبعدين وأنا أخوك نسق قصائدك قبل ما تنشرها لأننا تعبنا من تنسيق القصائد

لا هنت يا فارس

أخوي السلطان القصايد لي

والرجل مايلبس ثوب ماهو له
لكن أعذرني وإنشاء الله ننسق الجديد لكي يحوز على رضاكم
رضاكم غايتنا

الله لا يهينكم ولكن للمعلومية القصيدة ليست منقولة
ولكم جزيل الشكر والعرفان