البارحة جو العنا كله ازعاج

اسعد الله اوقاتكم بكل خير

قصيده عابره اتمنى ان تنال اعجابكم

البارحه في الفكر فره ومزلاج=فكرٍ بها الدنيا تقلب مزاجه
فكرٍ يصورها ويبدع في الانتاج=وفي فوضوه ظلماه يوقد سراجه
البارحه جو العنا كله ازعاج=والهم زار القلب واحتل صاجه
اناظر الجوال وتطيح الابراج=والقلب عيا لايجيه ابتهاجه
قلب يدق ظلوع صدره والاسياج=لين ان ضلع الصدر زاد انعواجه
ياصاحبي بعطيك علمٍ ومنهاج=الرجل في دنياه يعرف خراجه
بعض العرب يضحك لك بسن وحجاج=وفي وسط قلبه نار حقد وسماجه
احذر من اللي في عروض العرب داج=ولا تتبع المقفين من شان حاجه
واليا طرحك الوقت قدام هراج=لاتامنه لو كان يضحك حجاجه
جنب عنه قدام يوقعك في احراج=وتخاوي اهل الغي واهل اللجاجه
دنيا الردى تنتج ملايين الافواج=والصقر مات وعاش فرخ الدجاجه
كم واحدٍ دمعه مثل عد هداج=وهموم قلبه مثل هب العجاجه
لكن يداري الوقت ويضد الامواج=ويشفق على وقت اللقاء والمواجه
وكم واحدٍ في دنيته لابسٍ تاج=لكن ماله عز من لبس تاجه
راعي نميمه عاش في الوقت دلباج=ويومي براسه مثل راس الخواجه
واليا سالته قال ماعاد يحتاج=عقله صغير ومثل حجم الزجاجه
وان كان ياراعي الحسد جاك مخراج=بقول لك بيتٍ رفيعٍ دراجه
حقدك على نفسك ومرجعك تحتاج=للي منول كنت تعشق احراجه
هدفك فالدنيا تسلل ومنعاج=وجمهورنا زود عليك احتجاجه
بديت قافي ثم وقف على آآج=وابا اختم القيفان في قوله آجه

أخوي

الغربي

صح السانك

قلت وبدعت

شامخ كما عهدناك

		المشاركة الأصلية بواسطة : ابن جربان اقتباس
	أخوي الغربي صح السانك قلت وبدعت شامخ كما عهدناك

صح بدنك يابن جربان

ومشكور على مرورك الرائع

تحيثاتي لك الغربي

صح لسانك على هالراااائعه

وبيض الله وجهك

كل الود

		المشاركة الأصلية بواسطة : عبدالله الشدادي اقتباس
	صح لسانك على هالراااائعه وبيض الله وجهك كل الود

صح بدنك يابو عابد

ووجهك ابيض

مشكور على مرورك الرائع

تحياتي لك

صح إلسانك يا مهندس الحرف

وبيض الله وجهك

الغربي
صح السانك وعساك على القوة
هذا الشعر الذي اقف له احترام
الف شكر يابوعبيد

الله يبعد عنّا وعنك الإزعاج

الغربي

قصيدة رائعة

صح لسانك وبيض الله وجهك

يعطيك العافية

ابوعبيد
صح لسانك وعلى شانك وبيض الله وجهك
انت مبدع الله يعطيك العافية ويحفظك لعين ترجيك
وتقبل تحياتي

الغربي

قصيدة ..عانقت ابراج التميز


والجزالة .. صح لسانك مدد

وتقبل ودي ..