اخذيني مابيني لسعد علوش

اخذيني اليـا عجبتـك بـس ردينـي=وان ما عجبتك خلاص اخذيني مابيني
ما دامني شفت فيك الطهـر و العفـة =بـاعيف نفسي ليــــا منـك كرهتينـي
اخذيني لو أعتبر من ضمـن أشيائــك =وأنــــــا باحـبـك و لا لازم تحبيـنـي
لابي علاقة و لابــي نظـرة و بسمـه =احساسي اني بقربــــك بـس يكفينـي
ولو اني انضفت لاشيائك غصب عنك =طلّي علـي يـــا غناتـي لا تخلينـي
تـــراي لا جــا المصامـد مـــانـي بهيّـن =تقـول كـن العـرب لعبـــة بيدّينـي
شخصيّتي مـن غرابتهــا و طيبتهـا =كن الزمن في تحـــــدّي بينـه و بينـي
اخذيني الشاعر اللي ما صدق حظـه =لا قلت يا حظ وينك قـال يـا وينــــي
اخذيني المبـدع المتفلسـف التحفـه =مؤمن و تضحك على العالم شيـاطيني
شهرة شكسبير و أفلاطـون و نيوتـن =لا قلت لي بيت شعر تطيح من عينـي
اخذيني العنصـــري اللي صدق متعنصر=من دون ربعي لـو أقطّـع شرايينـي
اخذيني اللي ليــــــا منـه طلـــب يعطـى =وتكفيـن لا مـن طلبتـــك لا تردينـي
تكفين يـا غايتـي يـا بهجـة الدنيــــا=ابــــاحرق قلوب نـــاسٍ مــــا تدانينـي
اخذيني بكل شـوق و قولــــي أحبّـه=وان شكّــكوا فيـك والا فــــيّ ضمينـي
قولي سعـد و الله انـه غالـي جـدا=وياجعل فدوه شبابـــي و آخــــر سنينـي
وأنا باصـدق كلامـك و اعتنـز بالله =وبـاقول للناس مــــا يعنيــــك يعنينــــي
وأنا علي نذر ما أرخص جيتك=و أنتي نذرٍ على رقبتـك إنــــــك مـا تخلينـي

قصيده قمه للشاعر القمه سعد علوش

صح لسان سعد

وسلمت يدينك يالجازي على النقل والاختيار الرائع

مودتي

		المشاركة الأصلية بواسطة : الغربي اقتباس
	قصيده قمه للشاعر القمه سعد علوش صح لسان سعد وسلمت يدينك يالجازي على النقل والاختيار الرائع مودتي

يسلمك ربي يالغربي

عاد سعد علوش من الشعراء المفضلين لديك

شاكره لك المرور

شاعر لاا ينقصه شي ابداااااع عرف كيف يوضف الكلمه
تكفين يا غايتـي يـا بهجـة الدنيـا
اباحرق قلـوب نـاسٍ مـا تدانينـي
اعجبني كثيرررررررررررررررررررررررررررررر

جميله جدا

صح إلسانه

وبيض الله وجهك يالجازي

ووجهك ابيض يابندر

شاكره مرورك

صح لسانه وصح فكرك وذوقك
اختيار راقي
الله يعطيك ألف عافية

صح لسان شاعرها وناقلها


مشكوررره على الطرح

يعطيك العافيه

تحياااااااااااااتي

سعد علوش شاعر كبير ومتمكن

وله الكثير من القصائد الرائعة

مشكورة يا الجازي

والله يجازيك بالجنة

السلام عليكم ورحمة الله وبركاته


صح لسان الشاعر

وسلمت الأنامل الجازي