عيون الجاذبية

السلام عليكم ورحمة الله وبركاته
اسعد الله اوقاتكم بكل خير
ابيات بسيطه
اتمنى ان تشفع
عن غيابي الغير مقصود
________________________________________________
عيون الجاذبيه
______________________________________
جيت لك بالشوق ساري مع سراديب الغداري ياعذاب المستخفي=شوق بالفرحه دعاني حاملٍ كل المعاني بالدروب الجرهديه
آهــ يارمح المطنا في خفوقي قد تثنا شوفتك مرباع شفي=ياجميل العود هود كل مانقبل تعود والليالي سرمديه
انكسر وجه المرايا من محاكيك الزوايا يوم جيناك متخفي=ماتفكر فالنقاده عادةٍ ماهيب عاده وانت ملح القابليه
الهروج اللي تردك كبها لارحم جدك جلسةٍ قربك تكفي=لا اقبلت كنها تشكا ليِن مع خطوة مضكا يالحون السامريه
ياهبوب النود هبي كل ماناديت لبي ليته الغالي يضفي=ضفني بين الحنايا ترتوي كل الضمايا ياحروف الا بجديه
سلت السيف المهند في رموشه لي مجند اه ياعين المصفي=عادة حروف المشاعر تستهيم لفكر شاعر في مراسيل التحيه
لا قبول ولا عطيه مانبا منكم خطيه ول يارمشٍ يرفي=كان عكرت النوايا والمحاني لك ضحايا صابني منكم شظيه
يالله اني لك دخيلك دعوتي لك واشتكي لك رافعٍ لله كفي=ردها ميقاد ضوي ساعةٍ بخيال نوي واتقهوى الشاذليه
قصتي فيها حكايه غايتي فيها البدايه ياحبيبي لا تقفي=لاتزيد الطين بله كلها بسباب زله ياعيون الجاذبيه
عود والحاصل كفايه لا تخلني روايه طحت في قاع المطفي=اترك الكبر وترفق قامت ضلوعي تصفق لا تسويها قضيه
فايز بن مشحن

رااااااائع رائع رائع شاعرنا

أعجبتني حيل و أطربتني تسلم يمينك أخوي و لا هنت جد الجد رائعة

دمت سعيد بكل يومٍ جديد

يا هلا يا بن مشحن ومرحبا تراحيب الأمطار يالشاعر الجميل المبدع
والله أعجبني هالطرق وأعجبني شاعره الجزل والفكرة جميلة وروحها عانقت ذائقتي كثيراً ,.

صح إلسانك مدد بلا عدد وأسعدك الله .

اخوي/فايز بن مشحن
كل عام وانت بخير
قل ياالله انه يسلمك ويسعدك يالطيب
هذا البحر يابن مشحن علي الحرام مايدخله الاشاعر كفو مثلك وشرواك
صح لسانك وسلم بنانك يابن العم
تفضل بيقبول فائق الاحترام

الله الله
يا أبو مشحن
من طوّل الغيبات جاء بالغنائم
وأنت راعيها يا الذيب

حياك الله بعد كل هذي الغيبة
وصح لسانك ملايين على هذه الرائعة
وإن شاء الله ما تكون آخر تواصلاتك معنا

.
.
صح الله لساانكـ
ابيات جميله ..كـ جمال حظورك
يسعدك ربي
.

صح لسانك أخوي
قصيدة رائعة وجميلة
يعطيك العافية ومشكور
دمت..

صح لسانك يافايز ملايين ومايسدون على الأبيات الجميلة

لاهنت ويعطيك العافيه

اشكرك على هالقصيدة ياابن مشحن
شاعر كبير ولك باع طويل في الشعر

صح لسانك
سلمت يداك
وننتظر جديدك