تعالي لعنبو جد الجفاء والبعد والصده

أعضاء وزوار شبكة الشدادين السلام عليكم ورحمة الله وبركاته
أقدم لكم هذه الأبيات المتواضعه من أرشيف شاعركم
الرحال عسى أن ترتقي لذائقتم الشعريه
وتحوز على رضاكم

تعالي يامنى قلبٍ على ذكرى غلاك يعيش=تعالي لعنبو جد الجفاء والبعد والصده
تعالي لعنبو جد العواذل لو يكونوا جيش=ترى الأيام بعيوني بعد فرقاك مسوده
ثوانيها دهر عاد الدقايق تنتوصف بأيش=وساعات إنتظار اللي يغار البدر من خده
تعالي كلك بذاك الدلع ويا الغنج والطيش=وحرام إني لأموت وناظري للغيد ما ألده
مدام إن السبب هذا تراهنه فدى عينيش=ولاتظحك عليك اللي تجيب العلم وترده
عليك الله وأمان الله من النسيان والتطنيش=وأنا من خلقتي ماقلت قولٍ غير أنا قده
تراها كلبوها نظرةٍ في غرو مدري ليش=يجوز إن السبايب ياجميله طولة المده!!
أو إن فالغرو شي إمن الحلا والقبله يحاليش=جذب له ناظري وأحسبتكم جيتو بحرجده
هذا اللي صار والله يالغلا وإن كان ما يرضيش=عسى ربي يعين المبتلا وش عاد في يده

مع تحيات الرحاااااااااال

صح لسانــك ملايييييييين وبيض الله وجهك


قصيده جزله من راس جـــزل


لاهنت لاهنت لاهنت

صح لسانك ياعزيز
وبيض الله وجهك القصيده ماطلعت عندي لأن المتصفح دابل تسبدي

لكن متأكد أنها رائعه

إلى الأمام يابو ضآوي

صح لسانك ولاهنت

قصيده جزله فيها من التمني والشوق ما اعطاها جمال الى ابعد الحدود

لاهنت يالغالي تحياتي

الرحال

صح الله لسآنك لين يرضى غرور الغياب اللي طالت مدته لعنبوا جده !!

حبك .. سبك .. صدر .. عجز .. جزل بما تعنيه الكلمه ْ

تغيب و تطول المده و تجيب سمان الهرج و أجزل بيوت الشعر .. لله درك


لآهنت .. لآهنت .. لآهنت

		المشاركة الأصلية بواسطة : بحر القوافي اقتباس
	صح لسانــك ملايييييييين وبيض الله وجهك قصيده جزله من راس جـــزل لاهنت لاهنت لاهنت

يامرحبا يا أبو سفر وصح الله بدنك ملايين
ووجهك أبيض ولاعليك زود وتستاهلون
كل جزل يالغالي والله لايهينك
على الحظور والمرور
المشرف

		المشاركة الأصلية بواسطة : الغريق الشدادي اقتباس
	صح لسانك ياعزيز وبيض الله وجهك القصيده ماطلعت عندي لأن المتصفح دابل تسبدي لكن متأكد أنها رائعه إلى الأمام يابو ضآوي

يامرحبا يالغريق صح الله بدنك ووجهك أبيض
وهذا من طيبك وإن شاء الله نكون عند حسن الظن
دايماً ولانستغني عن عودتك وحظورك
مره أخرى تقبل تحياتي

		المشاركة الأصلية بواسطة : وحي الألم اقتباس
	صح لسانك ولاهنت قصيده جزله فيها من التمني والشوق ما اعطاها جمال الى ابعد الحدود لاهنت يالغالي تحياتي

يامرحبا ياوحي الألم وصح الله بدنك والله لايهينك
وأنتم تستاهلون كل جزل وخير وهذا من طيبك
ومشكور على حضورك

		المشاركة الأصلية بواسطة : عــادل اقتباس
	الرحال صح الله لسآنك لين يرضى غرور الغياب اللي طالت مدته لعنبوا جده !! حبك .. سبك .. صدر .. عجز .. جزل بما تعنيه الكلمه ْ تغيب و تطول المده و تجيب سمان الهرج و أجزل بيوت الشعر .. لله درك لآهنت .. لآهنت .. لآهنت

يامرحبا ياعادل وصح الله بدنك وإعجابك وإشادتك تعني لي الشي
الكثير ومن له جمهور مثلك وشرواك لاتستغرب منه
الأهتمام بما يرضيهم ويفيدهم ويطربهم
لأنهم هم الدافع الرائيسي له
ومن جاء ما أبطى على قولتهم والحمد لله على الموهبه وكل شي
والشعر رساله وفضفضه عن مابصدر الشاعر
والله يجملنا ويعينا على رضاكم وألف شكر
على حظورك المتميز والمشرف
دايماً

صح لسانك ملايييين يالرحال وبيض الله وجهك

ولعن ابو جد الجفا والبعد والصده

شاعر مبدع ولاهنت على حضورك المميز

وفي انتظار جديدك