ركبة سوداء شفايف سوداء سروال وفانيله وإلى متى ؟؟؟

السلآم عليكم ورحمه الله وبركآآته




لفت نظري مؤخرآ انتشآر برودكآست bc عن موضوع ( السعودية ام ركبة ) وصآرت النكت اووفر
لدرجة يجيني باليوم 13 bc عن هالموضوع وطآحو فيهآ طيحة .. وبصرآحة هالشي مو جديد على مجتمعنا السعودي!!


محشش بالطيارة ورااكبه جنبه وحده لابسه تنورة قصيره فوق الركبه،ويبغى يتميلح ويتعرف عليها ،،،قام سألها
:مرحبا- انتي سعوديه؟ ابتسمت وقالت:صح عليك ،لكن وش دراك؟قال:ركبك سود

بالله وش يضحك بهالنكتة؟
وجبتلكم بعض الاشياء اللي من جد تحززن
ولاحظو ان اللي كآتبين هالاشيآء او حاطينها اساسا هم سعوديين انفسهم !!
يعني بالله ركبة حليمة تسوى وجه سعودية؟؟

هذآ كلآم ينقآل عن مذيعة الاسفنج و تعمم على بنات السعودية كلهم ؟؟
بعض الناس مصيبتهم ما يعرفون قيمة الكلام اللي ينطقونة

يعني مدري وش اقول .. "السعوديات اقل جمالا من جميع دول العالم واجسامهم من الوزن الثقيل" ؟؟

على اي اساس جبت هالكلام ؟
مشكلتنا احنا العرب عامة وخاصة بالسعودية كل واحد يفتي من راسه

مافي منطق ولا دليل ولا اثبات او دراسة مثلا او اي شي يخليني ممكن اصدق كلامه!

وتطورت الركبة السعودية وفتحتلها اكاونت بالفيس بوك!
ولايفوتكم وش كاتب لها الاخ بعد
بعني بذمتكم يا عالم


هل تردى الحآل بالمرأة او البنت السعودية انها صارت "تقآس" بلون ركبتها !!؟
هل هذا بنظركم المعيآر اللي يخليها افضل او اسوأ من غيرها ؟
يعني انا استغرب من هالهجوم القوي وخآصة على بنات السعودية مدري ليه يعني ...


والمشكلة انه 90% غلط !!
ويكون اللي كآتبه او منزلة او مخترعه اسآسا واحد ثوبه ما غسله له شهرين و شعره مغبرر وماعنده الا 3 ريال في جيبه!

انا بالمناسبات وبالاماكن العامة اشوف السعوديات بكل امانة وصراحة عاديات ! ماراح اقول كلهم صارووخ جمال ولا كلهم ركبة سودا !!

في بنات والله انهم قرطآس من البياض .. مو كلهم .. وبعدين هالسعودية اللي انت وياه تتكلم عليهاآ

ما سآلت نفسك .. هي وش نظرتها لك انت يا السعودي ياللي كاتب هالكلام ؟؟
*
شوفو بعض البنات للاسف ردو على هالموضوع بالـbc اللي انتشر مؤخرا :



الشاب السعودي .. مغزلجي



و شفايفه سودا


--
الشاب السعودي .. نفسيته خايسه
و شفايفه سودا
--
الشاب السعودي .. عقله صغير
و شفايفه سودا
--
الشاب السعودي .. مايملى عيونه إلا تراب
و شفايفه سودا
--
الشاب السعودي .. خروف
و شفايفه سودا
--
الشاب السعودي .. سلتوح
و شفايفه سودا
--
الشاب السعودي .. يخق على الشغاله " كفوه "
و شفايفه سودا




يعني بالله وش استفدتو كل واحد يسب بالثآني ؟؟
هل هذي اخلاقكم .. انا ما اقول ما تضحكون ما تقولون بس انتووو فاهمين الموضوع غلط يا جماعة

في نآس ترسل هالموضوع كـ مزحة او نكته وتقول عادي خلينا نضحك .. بس بعضهم يكون راسلها و مصدقق انها واقع وينسى انها انعكاس عن مجتمعه!

ترآ يا عالم في هجوم على البنت السعودية بكل مكان .. ومن ناس سعوديين -صحافيين وغيره ..
يشوهون صورة البنت السعودية انها كذا وكذا وكذا ..مرآآ يتكلمون عن العبايات ومرة انها تخاف من اهلها
و لا النكت اللي تجي سعودية راحت تقابل خويها وسعودية ركبتها مدري ايش

اكتبو سعودية باليوتيوب وشوفوا

لاحظوا ان الموضوع لتشويه صورتها بدآ يوصل للاعلام العربي مو بس الخليجي او السعودي !!

ما يجيبون الا الاشياء الـ (سلبية) ! والمشكلة اللي يكتب او يقول او يعرض هالاشياء هو سعودي
او قنوات اصحابها سعوديين!

وبعضهم يجيبه من واقع وهم نسبة 5% والاغلب كله صواريخ وتاليف !

ويقولون لك تحسين صورة المراة السعودية بالخارج و غيره .. شوفو الاجانب وش كاتبين عنها هذا وهم اجانب!
شفتو فضيحة جنسية ؟؟ شفتوو حالة فقر ؟؟ شفتوو سب فيها ؟؟

اكيد لآآ

لان البلآ مو تحسين صورتها بالخارج المفروض نشتغل على تحسين صورتها ببلدها باالاول !

كل مكان الاعلام - الانترنت - حاليا البي بي كلها نكت و كاريكتيرات و سخافات سب فيهآآ وتشكيك في قدراتها وتفكيرها ..


ليش النظرة السلبية لهآ ؟؟
يآخي ما قلنالكم ادعموها ولا تساعدونها الحمدالله ما نحتاج احد .. بس ارتقوا بتفكيركم عنها شوي
هذي السعودية هي امك وهي اختك وهي بنتك !
وانتي وياها ياللي تنشرون هالكلام برودكاست و مدري وشو يعني اني (انا ركبتي مو سودا ومالي دخل فيهم )
كيف ترضين يقولون هالكلام عنك او عن اي واحدة سعودية؟؟
ويا عالم ترا في اختراع اسمه ليزر حتى اللي عندها مشكلة الركبة بتسوي تبييض وتفتك
يعني من جد ماتو الناس اللي يعانون من هالمشكلة اصلا الحين عمليات التجميل والتصليح والسمكرة بكل مكان !
احس لما اقرا هالكلام عن البنت السعودية كانني راجعه بالزمن 30 سنة ورا!

انا اللي ينرفزني "مستوى التفكير" اللي وصلنا له مع احترامي للكل!
اخر شي تركنا العالم وقعدنا على "شفايفه سودآ " لا "ركبتك سودا" و "تلبس شلحة" وانا "البس سروال وفانيله" !
اتمنى يكون في رقي شوي في نظرتنا لمجتمعنا ولنفسنا علشان الناس تحسن نظرتها عننا
ترآ في ناس يبون وقاصدين يشوهون صورة البنت السعودية لغرض في نفس يعقوب!
ويطول كلامي بهالموضوع لان بعض العقول للاسف متحجرة وماراح تتطور..
مدري وش اقول بس .. اترك لكم حرية الرآي
واختلاف الراي لايفسد للود قضية..


,‘
,‘







وخلصنآ من أم ركب جينآ لـ إبو سروآل وفنيلهَ ..!
إبو سروآل وفنيله بالمطعمَ ..!
إبو سروآل وفنيله ف البنك ..!
إبو سروآل وفنيله على البحر وصآر رومنسيَ ..!


إنآ م إدريَ وين المضحكَ بهآذي الاشيآء اعتبرهآ كلهآ تفاههَ
وأغلب الـ bc آلآن عن ابو سروآل وفنيلهَ !!!

وزيَ ماقالوا أعطونا فرصصه لدول الخليجَ البآقيه انهآ تستهزآء بنآ
ونصير مضضحكه عندهمَ ، شكرآ مجتمعنآ وآصلوآ بتفآهآتكمَ

آتمنى يرتقى مجتمعنآ من هذه الاشيآء ومآنسآهمَ بنشرهآ
وف النهآية يآزين إبو سروآل وفنيلهَ بجميعَ حآلآتهَ

*
منقول مع بعض التعديلات الخفيفة
وهذا طلب زميلة المهنة الأصيلة شمس

لم نرَ شعبًا ضحك على نفسه
ثم أضحك العالم عليه مثل بعض السفهاء من شعبنا
ولكن لانقول إلا اللهم اصلح الحال
والله المستعان
اللهم الهمنا ، والهمهم الرشد ..

كل الشكر والتقدير للرائعة بخلقها
المتألقة بتواجدها
الحيوية في عطائها
بنت الشيوخ
اسم على مسمى
بارك الله في زميلة المهنة .. والأخت الغالية ..

نقد في محله ويستحق النشر والإشادة به


هذا هو النقد البناء يا بنت شيوخ وجزاك الله خير
والمشكلة في هالشباب اللي عقولهم جوفاء ويتلقفون كل جديد بعلاته
وبعضها ضدهم وينشرونها ولا يفهمونها


شكرا لك يابنت شيوخ

		المشاركة الأصلية بواسطة : شمس الأصيل اقتباس
	لم نرَ شعبًا ضحك على نفسه ثم أضحك العالم عليه مثل بعض السفهاء من شعبنا ولكن لانقول إلا اللهم اصلح الحال والله المستعان اللهم الهمنا ، والهمهم الرشد .. كل الشكر والتقدير للرائعة بخلقها المتألقة بتواجدها الحيوية في عطائها بنت الشيوخ اسم على مسمى بارك الله في زميلة المهنة .. والأخت الغالية ..

ياهلا بالأصيلة

وبعض هالسفهاء وأنا أختك
إذا تكلم اي شخص من جنسيات آخرى بـ الشاب السعودي
مثلاً قاله أنت ياابو سروال وفانيلة تتفلسف عليّ
يعصب ويهايط ويسوي فيها
طيب مو أنتم من البداية اللي عطيتوا الشعوب الآخرى
انطباع شين عنكم
عطيتوهم أن بناتكم ركبهم سوداء ولبسهم قروي وووو
وبناتنا عطوهم إنطباع ان شبابنا شفايفهم سوداء
و24ساعه عليه سروال وفانيله
والثوب والشماغ وقت المناسبات

*
منوّرة الموضوع يالأصيلة
لاعدمت هالتواجد

		المشاركة الأصلية بواسطة : قطري أصيل اقتباس
	نقد في محله ويستحق النشر والإشادة به هذا هو النقد البناء يا بنت شيوخ وجزاك الله خير والمشكلة في هالشباب اللي عقولهم جوفاء ويتلقفون كل جديد بعلاته وبعضها ضدهم وينشرونها ولا يفهمونها شكرا لك يابنت شيوخ

يافشيلتنا عند اهل قطر
من ناحية النشر الله لايوريك
ينشر وبقوووه وعلى باله دمه خفيف
واحط ع البنات
وأنّي مستلمّهم تنتيّف
أنا والشباب بالأستراحة
والمشكلة هو نفسه ما يخلو من عيوب
مشكور ع التواجد
ياقطري

طيب وش فيها السروال والفنيلة ليه ينتقدون كل شي
يعني وش يبون يلبسون الرجال فستان مثلا

والركبة السوداء دائمأ اللي ينتقد هو اللي ركبته سوداء يعني ركبته مثل القمر بيضاء مثلا

شكرا لك بنت شيوخ
ع الطرح الجميل
ماقصرتي يالغلا

شكرا لك

طيب
ام الركب السود
وهل ذلك ينتقص منها واقع او يقلل منها

من يكتب ومن تكتب
معرفات مجهولة
اذن هنا مساحة شاسعة لكل شي مهما كان
حرية على حساب الاخرين وعلى حساب الاساءة لهم
بالمنطق متى شاهد ركبها السود
يعني الامر هنا اما شاهد لفتاة تقرب لة بحكم الوضع العائلي
او شاهد ركبة وحدة من اجل شهوة وزنا والعياذ بالله
اذن الامر كلة استخفاف بالعقول وقلة اداب
وسب من الطرفين
وهنا لانقول إلا الله يهديهم ويصلحهم



شاكرة لك بنت الشيوخ موضوووووعك المميز والله يعطيك العافية

والله ما اراه
هذه حملة لمحاولة إثارة البنات
وتشجيعهم على التبرج لإثبات العكس
الحمد لله على إننا بنات مسلمات محتشمات
وهذا الكلام لايثيرنا
يوم مالقوا عيب قالوا ركب سود تشويه لجمال
وحشمة البنت السعودية المحافظة
من تكلم عنا ناس حاقدة على بنات أرض الحرمين
لحشمتهم وإحترام البنت السعودية للرجل السعودي
وغير سعودي لتربيتها الإسلامية
ونرد عليهم بقول
قولوا ما شئتم فنحن نعرف من نحن
(رحم الله إمرئ عرف قدر نفسه)
ولن نقلل من إحترامنا لشبابنا
وكل مايقال على السنة إخواننا للإيقاع بيننا
ونحن على ثقة بأن شبابنا لايقبلون
على أخواتهم وأمهاتهم كلمة تمس كرامتهم
شكراغاليتي على طرح مايقال وقد قرأنا ولاحظنا
الكثير حتى حملات عالمية ضد العباءة السعودية
ولاكن لانقول غير اللهم أدم علينا الستر والعفاف
وأجعل كيد من يكيد لنا في نحره ،وأحفظ بلادنا
من كيد الكائدين
تقديري وإحترامي

ههههههههههههههههههههههههههههههه
ههههههههههههههههههههههههههههههههه


مدري انا طبيعيه ولا بس الموضوع ضحكني
وخصوصاً
آن آلطرفين يتطنزون ع بعض وهم بالنهاية وآحد

آعتقد آنهآ سمآجه لاآكثر من آلطرفين <~ فوزيه آلدريع روحي آرتاحي


تعالي هاك ي قميله ع الموضوع القميل+تقيم

قد يكون من بداء بهذه التفاهات وليست النكت لايكون سعودي او انه سعودي سفيه لايعي ماكتب ونشر فهو يتكلم عن الام والاخت والابنه والزوجه؟ومازاد تفاهاته انتشاراً شباباً ينطبق عليهم المثل القائل مع الخيل ياشقرا
بنت شيوخ شكراً لك