|
|||||||||||||||||
حنّا العرب ..
السلام و الرحمه عليكم و بركات الرب من الأرشيف .. تقبّلوها . . مدخل .. حنّا الشعب العربي المسلم حنّا الشعب اللي بس يحلم !! . . الحبر و القرطاس و الفكره و ترتيب الكلام =اشياء : تخلق للشعور احساس تأنيب الضمير يا كيف خطوات الحروف اسرع من آخطاة الأنام ؟!=يا سرع ما طاها و يا ذا الادمي مالك مصير اخذت يا الشعر المساء نورٍ يشق ابه الظلام =و خلّيت من جف احّبره يبصر و لا هو بالبصير !! و زرعت فوق اوراقه الجردا و هيّضت الغمام =في مزنةٍ وبلى وصل من خيرها قبل البشير ثم احقلت ريضانها فُلّ و رياحين و خزام =والعشب تحت آظلالها عن لالها به يستذير يا هاجسي هيّا بنا عزمك ابي معه الهمام=اما تعليّنا السما و الاّ توسدنا الحصير ذا صاحبك متحزمٍ بك و انت خذني لك حزام=يا لو ماني اسمو شيخ و لاني في داري امير لكنّ بلّغ من بلشنا ان مركزه الامام !!=يبطي و هو ما نالها يبقى و مركزه الاخير ذكرت بسم الله و بعد الله يا الجمع السلام=من هاجسٍ يفرق بشعره عن هواجيس الشعير حنّا العرب اصل الفخر و الحق و السيف الحسام=اول و ذي اول عساها تذكره و انتَ بخير القدس ما عادت تنوح آتعودت انها تضام !!=شف وجهها كله فرح تلبس قناع و تستعير بغداد يا صرح الحضاره و التأخي و الوئام=يا صفحة العلم المذوّب من على جال الغدير حسني يا عبدالله مُعمر مات أيا سوء الختام=بشّار ما ذآ العشم عدّل ترا وضعك خطير هذا هذيه لا هذاهذي لا لا مابه سلام=غدت عروبتنا ما بين آزناد و السيف الشطير الغرب دقّاته كثير و كثرها فك اللحام =و العين مفتاح العقل و الراي يلحق للشوير نظرتك يا خشم العرب حكمه ما مات الاب دام =انتَ يابو متعب وريث المُلك و انتَ الذخير ابوك أسس مبدأه و آحنا على ابل و خيام =ولم الشتات من الشمال الين تاصل في عسير و اخذتم العهده منه يا جعلها فيكم دوام =انتم هلى العوجا كعام العاديه وقت الهجير مرئيتك حكمه و رأيك حول جمع الانقسام =تدل بأن همك لحق العُرْب يا عين الضرير لم العرب تكفى نخيتك قبل لا نصبح ركام=في وقت اصبح شانها يصغر و هو عرفه كبير لا يحسب الجاهل بنا و آحنا على مر العوام =الخيل تصهل في مرابطها و تارد كل بير نشرب من الدم المصفى لين يروا كل ضام =مثل الدلال اللي نقندها عقب حزة عصير النفس ما تغلى لاجل حاله و لا فيها تسام =ترخص لاجلها كل نفسٍ من مجند لا وزير الاسم واحد لو تفرقنا اسامي و اهتمام =و الجار من جاره و جار الجار للحزه مجير قضيت من قولي و قِلّ قولي يسبب احتدام =بين الضلوع اللي تكن آشهيق ثم تزفر زفير الحزن حاله ساميه يصعب على بعض العوام =مثل الصقور اليا احزنت رفت جوانجها و تطير و تاخذ لها في عالي القمه على قل الزحام=و ترأف على حال الكبير اللي تشوف انه صغير عدّيت شعري يوم اغلبكم تهنّى بـ المنام =و انا على بنك الشعر كني على بابه خفير تدري متى يصبح معك ضيقه لا رتبّت الكلام ؟!=اليا آنخلق لـ شعورنا احساس تأنيب الضمير . . مخرج ..
حنّا اللي كنّا و ما كنّا نشجب نستنكر نتكلم !!
|
08 May 2013, 11:00 PM | [ 2 ] | |||||||
عضوة متميزة
|
رد: حنّا العرب ..
صح لسانك ولاهنت ع القصيدة الرائعة .، .،.،.،.، |
|||||||
|
||||||||
09 May 2013, 12:27 AM | [ 3 ] | ||||||||
|
رد: حنّا العرب ..
صح لسانك يا عبدالرحمن .لله درك,بيض الله وجهك على القصيدة الجزلة تستاهل التميز+والتثبيت |
||||||||
|
|||||||||
12 May 2013, 10:31 PM | [ 4 ] | |||||||
شاعر
|
رد: حنّا العرب ..
فارسة الاحلام , شيهانة المرقاب صح الله ابدانكن و شكراً على التشريف دمتم , |
|||||||
24 May 2013, 08:56 AM | [ 5 ] | ||||||||
|
رد: حنّا العرب ..
جميل جميل جداً هذا النص ياعبدالرحمن لله درك حقيقه اعجبني كثيراً نص احترافي من الطراز الرفيع له ثقل شعري كبير صح الله لسانك حتى ترضى تمتلك مساحات من الابداع المتقن واسهبت فيه بشكل سلس دمت بخير |
||||||||
|
|||||||||
30 May 2013, 09:46 PM | [ 6 ] | ||||||||
مؤسس شبكة الشدادين
|
رد: حنّا العرب ..
هلا بك شاعرنا العزيز أبو عيفان والله يحييك ويحيي ما جيت به وشاركت والله يبيض وجهك ويعلي قدرك |
||||||||
|
|||||||||