مداهيل الحرف

		المشاركة الأصلية بواسطة : احمد الروقي اقتباس
	مرحبا باالامير فيصل وصح لسانك حتى ترضى وسجل متابعتي وتقبل مروري واحترامي ياالاميرر

الله يرحب بك على فضله وصح الله بدنك

ومرحبابك والله ومسهلا يا أحمد

ومتابعة اللي مثلك وشرواك تشرفني ..

		المشاركة الأصلية بواسطة : عذب المعاني اقتباس
	ما قصرت يا أبو زايد ولك قدرك ومكانك لكن للأمانة هناك تقصير كبير منك ومن أغلب شعراء الشدادين في منتداكم

مرحبابك يا عذب المعاني

ومثل ما قال شليويح العطاوي

الشيخ يدمح لي ثمانين زله - - واللاش ماني عن زراياه داري

وأنتم خير من يعذر الرفيق ، وإن شاء الله ما حنا بمقصرين مع منتدانا ..

برا الهم حالي وإنصرم قلبي المشحون
وروض الحشاء جفت سواقيه وغروسه

آلا وآعذاب العين يوم أدبروا يمشون
فراق ٍ حصل مرت ثوانيه منحوسه

.. مجاراة الشاعر / أحمد بن محمد بن معيكل العجمي ( النادر )

وأنا ما براني غير من للفخت ينوون
وقد ذي رحايلهم على المور ممسوسه

ولا ادري ليا راحوا متاهم علي يلفون
جعله الجرد خد ٍ شعاهم نبا عسوسه

آلا يا وجودي حال دون العلوم علوم
بغت تستوي لي مير الأقدار لدّتها

وأنا عادتي لا شفت درب الهوان آشوم
أجنّب وأعز النفس لا أجرح كرامتها

عليك الله أكبر يا زمان المره واللاش
أشوفك على أهل الطيب فاطرك تشعبها

وكور الصقور اللي منوّل ماهيب تناش
تهمقابها بوم الخرابه وحلّ ابها

محى الله من يجحد رفيقه وينكره
وصيته بفعل الخاملات يشيع

كنت أحسب المعروف يبقى مدى الدهر
وأثر الجمايل في الرخوم تضيع

وآعذابي من تفرّاق الضعاين
ساعة ٍ مرت على روحي ثقيله

يوم قفّوا خاطري بالحيل شاين
كن في كبدي من الفرقا مليله

هلا هلا يامرحبا يافيصل توي وقفت على باب مداهيل الحرف وسيرت بالمملكة العامرة وماوجدت إلا كل علم غانم ولقيت الترحيب الطيب وتقهويت من قصيدك عساك دايم سالم .وعرفت المكان اللي ماكنت عنه عارف وبرجع مابين فترة وفترة أمر دارك عساها دايم غانمة والسلام

هلا وغلا ب اخوي الامير فيصل صح لسانك حتى ترضى وبيض الله وجهك هذا اللي اقدر اقوله والتعليق لو نبي نعلق عجزنا على التعليق والله دمت مبدع اخوي فيصل وتقبل مروري واحترامي ياالامير

الله يحييك يا أبو زايد
والله يبيض وجهك اليوم ودوم
على هذه المشاركات والعلوم الغانمات

		المشاركة الأصلية بواسطة : رجل السلام اقتباس
	هلا هلا يامرحبا يافيصل توي وقفت على باب مداهيل الحرف وسيرت بالمملكة العامرة وماوجدت إلا كل علم غانم ولقيت الترحيب الطيب وتقهويت من قصيدك عساك دايم سالم .وعرفت المكان اللي ماكنت عنه عارف وبرجع مابين فترة وفترة أمر دارك عساها دايم غانمة والسلام

حياك الله ومرحبابك يالذيب
وتشرفني متابعة المطاليق اللي مثلك وشرواك
ومرحبابك مليون ..،

		المشاركة الأصلية بواسطة : احمد الروقي اقتباس
	هلا وغلا ب اخوي الامير فيصل صح لسانك حتى ترضى وبيض الله وجهك هذا اللي اقدر اقوله والتعليق لو نبي نعلق عجزنا على التعليق والله دمت مبدع اخوي فيصل وتقبل مروري واحترامي ياالامير

حياك الله يابو سلطان وصح الله بدنك
ومرورك يشرفني طال عمرك ، ولاهنت يالمبدع ..،

		المشاركة الأصلية بواسطة : السلطان اقتباس
	الله يحييك يا أبو زايد والله يبيض وجهك اليوم ودوم على هذه المشاركات والعلوم الغانمات

مرحبابك يابو عبدالله ووجهك أبيض يا سنايدي ..