سحابة وبارود

.





مُفرداتْ جميِلّة وَ حُضوُرٍ راقِ يَ إبنْ عيِفانْ للهِ دُركْ
وَ دّع تِلكَ السحابّة تُمطِرُ عَذباً زُلالْ وَ لا تدّع البَاروُد يًبقيِها
جَدباءْ فَـ المطّر يُغرِقْ الأرواح وَ يجعلهَا حيّةُ كَ أرواح الأطفالْ ببرائِتهمْ وَ عُنفوانهمْ

يستاهل والله شاعرنا أبو عيفان
كل احترام وتقدير وإشادة
وهو من الشعراء الرائعين المبدعين
والله يحفظه ويرعاه

#


شكراً من الأعماق .. حضوركم أجمل

#


حضورها أجمل أشيائي الغراميّه
و غيابها و الله لا ما كان أبد عادي

يجيبها كل ّ ما هبّت شماليّه
يحنّ صدري لها من مفرق الوادي

*



البلا إنّي كريم و دق ّ باب الكريم
له دلالٍ يسطّرها في صبح و مسا

ودّي أنساه و أنسى عشرته من قديم
لو يمحّيه صوره .. صوت ما ينّسا

كنت لولاه ما أعرف ذا جحيم و نعيم
من معلّمك يا آبو عود ليّن ، قسا ?!

في فضا الكون لك هيبه و أمرٍ عظيم
و الله ما غيرك حبيّب و شيخة نسا

-



لا تسهري ما أحبّ أنام لـ حالي
لو بيني و بينك مُدن مبنيّه

أجمل وصل اللي يمر ّ البالي
كريم في جمعيةٍ خيريّه

سلمت وسلم غاليك
سلمت ولا هنت يا ابن عيفان

وعساك على القوة اليوم ودوم

~



لو ما بقى لي شي و أترجّاه
بـ أموت لا صار الأمل مفقود

ما آبي من الدنيا سوى إيّاه
و ذيك الوساع الناعسات السود

-



من يناديني ، أسمعه
كنّه .. مناديني !

أقول : وش هو رجّعه
ما عاد .. يبغيني !

معه و لو ماني معه
ما بيني و بيني !

من كثر ماصرت أتبعه
ما أدري أنا ويني !

*


ماني من اللي لا بغى شي ينشاف
و إليا بغيته صعب تقدر تشوفه
أنا من اللي ياقف بـ كل مشراف
لو كان ما يقوى و عيّت ظروفه

حتّى لو إنك يا هوا خاطره ، عاف
النفس ، أدنا ما عليها تعوفه
شيٍ عليه الحول و العام قد طاف
إلاّ بقاياها و أثرها في جوفه

صدر المُحب عامر و راعيه مضياف
كل ٍ مساييره يجونه ضيوفه
إلاّ أنت عدّك غير و خلافك خلاف
لو قال ما همّه و كثرت حلوفه