الطير وابن قضعان

هذي القصيده للشاعر المعروف ضيدان بن منصور بن قضعان يقول شريت لي طير وسألت صاحبه عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير


ناديت له بأسمه الجديد فواز فواز .... فالتفت الطير على ضيدان وقال له :


ضيدان أنا أسمي دهام ما هوب فواز
.........................أما أدعني يا دهام ولا بلاشي
ما هوب حق تغير أسمي بلا أرماز
.....................وأنا عذاب الخرب لا أقبلت حاشي



فرد عليه ضيدان قائلاً :

لعيون بعض الناس سميت فواز
...................أسم يشابه لاسم صعب المناشي
اللي غلاه بثومة القلب حزاز
.....................تقبل له طعوني وتقفي عطاشي


فرد الطير :
ما أرضى تسميني عليها ولا جاز
......................تغيير الإسم إلا بذبح الكباشي
إذبح تميمه وأقلب الإسم فواز
...................إذا ذبحت الكبش ما صار ماشي


فرد ضيدان :

قلت فواز تكفى فكني بالتلعواز
...................الحل عندي وأسمع العلم كاشي
لازم تشوف اللي لها القلب ينحاز
.................عقب (ن) تجي فواز ولا شلاشي


فردالطير :



يالله مشينا والعمر يبغي إنجاز
....................يا ما نجز بالهدي ولا عراشي
قم جهز اللي ذاخرينه وممتاز
................وعلي الطلاق إن عزبته من معاشي

وعنما وصلا الا التي سمي الطير عليها شال ضيدان البرقع عن الطير وقال له هذي اللي سميتك عليها فقال الطير :


أنا أشهد إني يابن قضعان فواز
......................واني بعد فواز جاني خراشي
ياحظ قلبك يوم في حبها حاز
.......................كحيلة ما عاشرة كل لاشي
ياليتني رجلٍ لو أمشي بمعكاز
...................وأنخاك وأنخى مبعدين المعاشي
وأنهض لطيف الروح وأجلا لشيراز
................وأقضي بقايا العمر ما أحتر جاشي
في شرع أبن حنبل بتأكيد ابن باز
..................معروف راعي الحب قلبه هشاشي
وأنا لوصل ملوع الشيخ معتاز
....................أعوز من فراق السبوق الرواشي
أبا أتمنى والتمني به الغاز
..........................ياليت جنحاني لخلك فراشي
أو ليتني بيجر على الورك هزاز
..........................ولا قلم بين الجسد والقماشي


وســـــــــلامتكم ,,,,,,,,,,,,,

القناص
والله رائعه القصه هذي والابيات
انا قد سمعتها من واحد من الاصدقاء واعجبتني
بيض الله وجهك يوم نقلتها لنا في المنتدى

يعطيك العافيه

تحياتي لكـ ...

سلمت يالقناص
على هذه القصه والابيات
والله يعطيك العافية يابعد حيي

القناص مر من هنا ويقول

الله يسلمكم من الشر

هيا مع السلامه

تشكر يالقناص على هذة الابيات

مشكور اخوي القناص

على الطرح القصيده

الراااائعه وصح لسان الشاعر

ضيدان على القصيده وحياك الله

القناص مر من هنا ويقول

شكرا للجميع على تشريفهم الموضوع

هيا مع السلامه

ما شاء الله عليك يالقناص

متميز دائماً في مشاركاتك

وهذا الحوار الشعري بين الطير وابن قضعان

من أجمل المحاورات وأمتعها

ومن الأمور التي تستند على الطرافة والمزحة

مشكور ياقناصنا