محاوره بين الجفر والحاشي

[size=4]هذه محاوره جرت بين كل من الجفر الاربد والحاشي الاملح [/size]

أنا الجفر وابوي راعي الجماله=تيس ومعروف على طول الازمان
تيس ومعروف عمه وخاله=معربن ساسه والأصل حيوان
أنا الحاشي وأبوي أصل الاصاله=بعير ومعروف مع الأنس والجان
والله خلقنا قدمكم ياالحثاله=والنا الفخروالعز في كل الاوطان
حنا الاصل والفصل والكل قاله=قبيله الماعز لناقيمه وشان
وأبوي اله قرون وابوك ماله= وابوي يروي القرن لصار عطشان
عند العرب يلجفر انا مكانه=حنا عطاياالله لوكان مكان
أبوي يمشي في الصحاري لحاله=وأبوك لجت المواقيف جبان
أبوك ياالحاشي يشين فاله=مقيده يديه ومربوط حيران
لنفك قيده جودو له عقاله=ورغوه مغطي الراس تقول سكران
ابوك وسط الشبك حالته حاله= ولاانا يجفر ابوي فنان
لوربطوه الناس وشدو حباله=يفك حبله ثم يسري كحيلان
يزين ابوك عند التبن والنخاله=وابوك عبى واصبح البطن مليان
واذ شبع فيكم يسوي نذاله=قام يتهبدكم على غير برهان
واما انت ابوك يلجفر عند الزباله=لشاف له قرطاس تقول جيعان
أكل من القرطاس ونطح عياله= ومن النطح يلجفر تعبان مرضان
ابوي كل شعيب صاله وجاله=يرقى المراقي كنه الطير حوران
وأبوك خله لرشاء والمحاله=وعلى ظهره يركب حضرن وبدوان
ابوي فاد مع العرب الشكاله=ولا انت ابوك يجفر خسران خسران
في الشبك ابا احطك ولا أقبل كفاله=وش عرضك يلجفر لطويلين الايمان

بقلم النشمي

صح لسانك يالنشمي.. من جد انت لها .. ياخي انت موهوب ولا انت داري..
طور الموهبة .. ونميها راح تصير مبدع
بس.؟؟ وين طلبي..

مشكوره على المرور والشرطه بعد
وطلبك بعد العيد انشاء الله

صح لسانك يابو عيد

تسلم يا خالي وبيض الله وجهك

فعلاً أنت موهوب وقاعد تستحدث مسرحيات هزلية

لشخصيات حيوانية وهذا هو قمة الإبداع

أرجو أن نرى مشاركات أخرى

كأن تضع مشاركة بين بوش وأسامة أو بوش وصدام

أو بين شارون وياسر عرفات أو غير ذلك من الشخصيات

صقل الموهبه من اهم درجات الابداع
قصيده جميله
شاكرين لك اخوي ونتمنى نشوف الجديد

مشكور اخوي انت موهوب

مثل ماقالو الاخوان الله يعطيك

العافيه

الله يعافيكم جميع ومشكورين على المرور
وياسر عرفات راح في الرحله ياابونوره مودي اتلحقه يقولون قبل يموت رجع براطمه الى وضعها الأصلي
لنها قبل يموت كانت على الهزاز

مشكور ياالنشمي على هذه المشاركه الجميله