سم الذي خلف ... المحاجي تفافيق

سم الذي خلف المحاجي...تفافيق = قومن تبي تنزع عن الراس تاجه

قصيده ورساله شعريه لسيدي خادم الحرمين الشريفين الملك \ عبدالله بن عبدالعزيز حفظه الله ورعاه.
يسعدني أن اصافح بها منتدى الشدادين العزيز الذي يشرفني التواصل معه...والقصيده نشرت يوم امس الأثنين

الموافق21 \ 5 \1429بجريدة الرياض..وللأطلاع عليها على الرابط التالي

http://thawabzaid.com/king.htm


-------------------------------------------------------

اليا نوا لي والي العرش توفيق = بابن من الرحمن شفت انفجاجه
اللي خلق كل الملا دون تفريق = ويلقى التقي عند الحساب انبهاجه
قالو شدايد...قلت من دونها طويق = عبدالله الكايد...ذراه وسياجه
أنت المليك اللي ملكت المخاليق = فايض وفاكم والعدل من نتاجه
في نظرتك حكمة زعامه وتدقيق = بعد المدا فيها صواب انتهاجه
نظرة تأني... في مداها التوافيق = ولا هنت ياعدلن رفضت ازدواجه
فضايل الرحمن في ذاتك اتليق = الحق طبعك... والتصنع سماجه
شمس الوفا منكم شعاع ومشاريق = تغنيك عن ليلن شعاعه سراجه
الكايدات المبهمات المغاليق = اللي بها العارف يزيد انزعاجه
تمسي مماليكن... وتصبح معاتيق = وردت قراح الما... وعافت هماجه
يغسل عناها وابلن نوه امويق = تسمع وحيف السيل.. قبل اندراجه
هذاك ابومتعب زبون المطاليق = طب الجريح... اللي تعذر علاجه
سم الذي خلف المحاجي تفافيق = قومن تبي تنزع عن الراس تاجه
وانت الملك عز الخوي... ساعة الضيق = ولايرسم اوسوم الجفا في حجاجه
ترجح موازينك على الصدق....تصديق = والصادق اليا جاك عندك خراجه
القلب من دونه ضلوع ومعاليق = والنور ما غط السحاب انبلاجه
وانا بعد طوقني الحمل تطويق = منصاي من يصمل نهار المواجه
أمظلل المشراف....راس الشواهيق = أتعب محيطه من مشابه وداجه
امشرع ابواب الحظوظ المواثيق = ومن شاف عبدالله يشوف انفراجه

-----------------------------------------------

شعر \ ثواب بن زيد بن نجا الحارثي.

ثواب بدون تعليق
سجل اعجابي بشخصك وبشعرك

صح السانك يابو زيد

ويكفيك شرف ان هذه القصيده

تحمل اسم ابو متعب حفظه الله.

صح لسانك يابو زيد

أنت شاعر دايم جزل

ولا تستغرب عليك هذه الجزاله والجماليه الموجوده بالقصيده

والله يحقق لك ما تريد

صح لسانك ياثوب ابن زيد

رااائعه

تحيتي

قصيدـه جدآ رآئعه

أبو زيد صح لسانك عزيزي

صح لسانك يابوزيد

قصيده جزلة من راعي جزلات

بيض الله وجهك ولاهنت

تقبل مروري وتقديري

صح السانك يا أبو زيد قصيده جزله

شهادتي فيك مجروحه

صراحه بدعت يا أبو زيد في حفلة الحرث الي أقيمت في الرياض

بمناسبة ترقيت أفراد الشرطه العسكريه

والله أنك أسعدت كل الحضور ذيك الليله وخاصه الحرث الموجودين

الى الامام أخوي ثواب والله يوفقك وحنا معك

تقبل مروري وأعجابي الشديد بك

أخووك

... المحـــــكوم ...

صح لسانك يابو زيد

وبيض الله وجهك على القصيده الجزله

تحياتي لك الغربي

صح لسانك يا ثواب

.
.
.
.
.
.
.
.