الهموم : قصيدة للشاعر حمد السعيد

يا الهموم اللي علي أثقل من هموم الركايب=ساعد الله قلبي الي مرتكي لحمول همي

يا الظروف الي علي وين ما وجه الصعايب= يا كثر ما مسحت الدمع منها براس كمي

يا الجروح الي يجي هذا و ذاك العام طايب= كل ما هبت ظروف الوقت شمي و شتشمي

من عرفت العلم و الضحكات ننهبها نهايب=لا قافلنا الزمن قمنا علت الضحكة نسمي

و ان ضحك و جه الزمن تقلى مثل شرواي هايب=إي أهابك يا زمن و إن سقت ضحكاتك يمي

منك و أنا و ان زنت بعيوني يا بو وحيين تايب=أدري إنك لا ضحكت ألقاك طاعن ولد عمي

تشتكي من سطوتك و تقول من شقر الذوايب=و كل جرح يهون غير جروحك مات دمي

بس تنزفنا هموم و نضحك بوجه القرايب=و من نشدني مالي الا بخير و همومي بدمي

و انت يالي منك ثلثين الخفوق أصبح خرايب=دام بعثرني زمان الذل ما يغيرك لمي

لمني تكفى ترى ما عاد فيني لمصايب=يا خلف جدي و ناس و الا يا ريحته أمي

لا تخليني و أنا شفني شباب براس شايب=كان انت أقفيت مع هالناس محدن لديمي

مثل مال للهم سبه للفرح تبقى سبايب= انت يا فرحه و يا ضحكة و يا مدري شسمي

انت أخر ما بقى للي في الحيا من حبايب=في زمان ما نشد والله عن مدحي و ذمي

الزمن كم واحدن قبلي موريه العجايب=و المصيبه كنك اللي مع زماني صرت همي

صح لسان الشاعر حمد السعيد

وسلمت يمينك اخوي أبن مهرس 911

يعطيك العافيه وبيض الله وجهك

صح لسان الشاعر حمد

ومشكور اخوي على هالاختيار الراائع

كل الود

سلمت يمينك يا أبو حماد إختيار رائع وموفق

والشاعر حمد السعيد صاحب الجزلات في جميع قصائده

ونتمنى منك المزيد وعساك على القوة

:؛:



صـــح لسان حمد السعيد ..

شاعر جزل وخلوق ..

ماننحرم من جديدكـ ..




:؛:

الله يا حمد السعيد

هذا الشاعر تستهويني قصائده وتعجبني حروفه

وهو من الشعراء القلائل الذين بمزجون قوة الاحساس بقوة التعبير

لا هنت أخوي ابن مهرس911

شاكر ومقدر مروركم الجميل
تحياتي ,,,