قصيدة للشاعر محمد الفيحاني

ما سمح قلبي يروح ولا يرى =زول محبوبه ولو هو من بعيد
اه واويلاه ياليته درى =كيف حبه في حشا روحي يزيد
او درى أني منه قد حالي برى =ذايب بالي عقب ما هو حديد
وان من الابعاد موحي المقبرى =يحفرونه لي وموقن بالوعيد
يالزيمي قول للي يحفرا =ويوسع الملحد علشان اللحيد
ويحجز بيني وما بين الثرى =عن عظام ناحلات كالجريد
وانت يادفان ياللي تقبرا =يامهيل التراب بالسرعه مجيد
حط من فوق القبر حتى يرى =بنيتين كالنصايب له شهيد
يعرفون القبر من جا ينظرا =يعرفونه قبر مذبوح الوديد
قبر من صان المودة واسترا =قبر من لا خان عهد للعهيد
من صبر للحب حتى بترا =زرع قلبه واودعه حب حصيد
تم عامين بجوفي ينسرا =نسر ملهوف الضواري في المصيد
كود ليمن جاه علمي يذكرا =وانعتوا قبري لمعلوقي وكيد
ياتي لقبري ويذكر ما جرى =يوم خلاني وسط قبري وحيد
وان سمح الدمع ودي ينثرا =فوق قبري عبرة مثل الوليد
اه منه لين صد ودبرا =رايح عني وخلاني فريد
كيف قلبه ساعته ثم اصبرا =كيف رجله له مشت فوق الصعيد
والذي هو غادي دونه ذرا =فدوه عن كل من جاله ضديد
كيف أجل لو مات وانا ارى =كان طريت السلب طر العنيد
واحترقت وكان قلبي قد وري =شب نار كنها نار الوعيد
تحتطم وسط الضمير وتسعرا =ما يبردها لو الثلج الجميد
ثم تلقاني على روس الذرى =نايح مع كل قمري يشيد
لين غرد طال نوحي واطهرا =وان هجع جريت انا نوحي سهيد
وانهمل وانهل دمعي وامطرا =مقلتين العين وادعاها هميد
ما هقا اني عقب موته في الورى =عايش والا وانا مثله فقيد

تسجيل حضور وقراءة ...ولي عودة

الأخت بسمة ....شكرا جزيلا

وأنا بعد القراءة أقول :

كانت قصيدة من القصائد الجميلة ولها وقع طيب في النفس

وكان احتيارك لها جيد جداً يات مشرفتنا

فسلم الله يداً قامت بنقلها

:؛:



صح لسان شاعرها ..

وتسلمين بسمة عالذائقه العذبة ..

عوافي يالغلا ..




:؛:

صح لسان شاعرها وتسلم يدك بسمه على النقل الجميل
تحياتي ,,,

مشكوره اختي وصح لسان شاعرها

اختيار موفق

كل الود

الروعة بتواجدكم

اشكر لكم كلماتكم

لكم تحياتي