|
||||||||||||||||||
كل الوجيه
الاخوه الكرام اداري واعضاء
( شبكة الشدادين الرسميه) اسعد الله اوقاتكم بكل خير اطرح على انظاركم هذه القصيده المتواضعه وعسى ان تنال اعجابكم والسلام عليكم ورحمة الله وبركاته إن جادت الدنيا بصاحب هلا به=وإن راحت الدنيا بصاحب فداها وحق السؤال اللي فراسي جوابه=يبشر بها وارقى على مستواها كل الوجيه اليوم صارت تشابه=ما تختلف للمحتزي لا حزاها يقوله اللي داب الأيام دابه=وكيف خياراته بعد ما قراها عن الخطأ دل الطريق وصوابه=ومن القدى مد القدى لا وفاها ما عاد فالدنيا حقيقي غرابة=لا خابت الهقوى على من هقاها الرجل لا عايش من أول شبابه=متاعب الدنيا عرف مقتضاها يعرف مساراته ويحسب حسابه=ويغنيه فال الطيبة عن قفاها دنياك لو سدت جناح الذبابة=ما كانت الخيبة على من رجاها دنيا مصالح تفتقدها الذرابة=اصلح وصالح ما تجنب عداها ريال يفقدها مقام المهابة=وريال بامكانه يبيع اشتراها اقل ما فيها يزيدك كآبة=وأخير ما فيها بزيد بغثاها والسيف أبو حدين داخل جرابه=والغانمة ما تنقص اللي رعاها وأن بخلت الدنيا بصاحب محابه=هذي عوايدها وذلك كفاها
التعديل الأخير تم بواسطة السلطان ; 10 Feb 2021 الساعة 10:15 AM
|
10 Feb 2021, 10:01 AM | [ 2 ] | |||||||
عضوة متميزة
|
رد: كـــــل الوجيـــــــــه!؟
صح لسانك شاعرنا الكبير جزل البيان وتسلم على هذه القصيدة المميزة وهذا العطاء الرائع |
|||||||
|
||||||||
10 Feb 2021, 10:25 AM | [ 3 ] | ||||||||
مؤسس شبكة الشدادين
|
رد: كل الوجيه
يا هلا ويا مرحبا تراحيب المطر يا أبو محمد والله يحييك ويصبحك بكل خير وبيض الله وجهك على هذه القصيدة وعلى هذا التواصل المميز دائماً |
||||||||
|
|||||||||
10 Feb 2021, 11:30 AM | [ 4 ] | ||||||||
عضو متميز
|
رد: كل الوجيه
سلمت وسلم غاليك يا شاعرنا المتميز أبو محمد وبيض الله وجهك على هالقصيدة الجزلة وأنت راعي العلوم الغانمة كلها |
||||||||
|
|||||||||
11 Feb 2021, 06:26 AM | [ 5 ] | ||||||||
مراقب عام
|
رد: كل الوجيه
صح لسانك جزل البيان شاعر جزل متمكن في تصوير الأبيات الشعرية ومفرداتها العذبة |
||||||||
|
|||||||||