يازعيم الحب استلم

ياهلالالالالا وغلالالالالالا
بزعيم الحب والله انك ماقصرت
تعبتني اليومين هذي ثلاث مساجلات في اسبوع ؟؟!!!
انا طالبك لا عاد تزودها عطني فرصه شهر شهرين
وبعدين يمكن ابدا انا هههههههههه

على العموم صح لسانك وهذا ردي بقصيده سينيه
اعذرني واعذروني يااعضاء المنتدى اذا لم تعجبكم
نبدا باسم الله




هذه قصيده زعيم الحب الموجهه لي
السلام عليكم ورحمة الله وبركاته
هذي القصيده بوجهها للرهاوي لأنه عزيز وغالي
ورده والم وهي طرت على بالي وبكتبها لكم مباشره اذا فيها غلط نعدله في المرة الجاية

يا هلا بك ياالرهاوي سـم سـم= من زعيم الحب لك حب وقـدر
اقلط ارحب فوق منثور الدسـم =قاله اللي ذاق طعنـات وغـدر
من هنوفٍ حطت بقلبـي وسـم =هل دمعي من قساهـا وانحـدر
زادت أوجاعي وزاد السم سـم= كنت قبل الحب صعبٍ ما انقدر
قلبي القاسي من الصخر انقسـم= لين جاني من كتب لي في القدر
قلت زان الحال والحـظ ابتسـم =وانتهى همي وفارقـت الكـدر
واثر لي في اللوح موتٍ ينرسم= حكمة اللي في عبـاده مقتـدر
فوق جمر البعد وتقطيع النسـم =قام يضحك صاحب الوجه الودر
يا الرهاوي شف لنا حل وحسم= مع عنودٍ وصفهـا مثـل البـدر
راهية بالزين وتقسيـم الجسـم =من غصون البان مركوزة صدر
والله إن الها على المبلي قسـم =ومن بنات البيض حازت ما ندر
فارقه بالحسن من شكل واسـم =وعندها حبـي ودمـي منهـدر

وهذا رد الرهاوي على زعيم الحب

مسهلا وسهيل مرسال الوسم = تستهل به المزون وتستدر
سقوتا من سلسبيلا مستسم = وان سكر سيله كسر ساق السدر
لاسرى الساري وفي المسرى عسم = يرتسم له ف السماء سلسال در
من يسآءلني يبي يدفع رسم = ويخسر رسومه ويسري ما قدر
طلسمي له لين سرّه ينطسم = لين يستبرم وراسه يستدر
بالطلاسم والبلاسم نتسم = من سلوك المس وسلوك المدر
استبحني لين اسوي لك مسم = تستحي ما تستحي ساقي هدر
وكان جسمك قدم مسعايه جسم = بالسياسه جسمك القاسي ..فدر
النساء يابن النساء ماترتسم = لين تمسك راسك ...الا ماندر
بالاناسه والسياسه والوسم = تستحلّ اسوارها سقف وجدر
يازعيم الانس سجنك فالقسم = من سموم السلّ في دمك خدر
استلم رد الرساله سم سم = يظهر الملاس ما وسط القدر

لاتزعل من كلمة ابن النساء لا اقصد بها سوء فانا وانت وجميع البشر ابناء للنساء
من اباءنا فلا تكترث انما استدلينا بها لان القافيه حدتنا عليها

طلسمي لـه ليـن سـرّه ينطسـم=ليـن يستبـرم وراسـه يسـتـدر
بالطـلاسـم والبـلاسـم نتـسـم=من سلوك المس وسلـوك المـدر
استبحني لين اسـوي لـك مسـم=تستحي ما تستحـي ساقـي هـدر

هههههههههه الله يكفينا شرك يالرهاوي

والله منت بسهل وأنا أخوك

خفف على زعيم الحب وخل سحرك على خفيف ههههههه

صح لسانك ولا هنت يا شاعرنا وإن شاء الله يكون لك ديوان

في شبكة الشدادين لكن في الأول لازم تراجع المواضيع المثبتة

في قسم الإعلانات والخاصة بالشعراء .

الرهاوي

كل شاعر في الشعر جاله قسم........وانت قسمك فيه زاد اعن الشطر
صح لسان زعيم الحب وصح لسانك على الرد

صح لسانك أخوي الرهاوي

سقوتـا مـن سلسبيـلا مستـسـم=وان سكر سيله كسر ساق السـدر

صح لسانك فعلا القصيده جزلة وصح لسان زعيم الحب عز الله ان قصيدته جزله .

اخوي الرهاوي في البيت اللي انا ذكرته كلمة (( مستسم )) يمكن انك غلطت في كتابته .

تحياتي لك ولزعيم الحب .

صح لسانك ياالرهاوي

صح بدنك يابو عبد الله

اعوذ بالله سحر هههههههههههههههه

(ان من البيان لسحر)

شكرا لك وشكرا على اطراءك المستمر

نسال الله ان يوفقنا معكم ويكون لنا ديوان قريبا جدا

شكرا لك من الاعماااااااااااق

هلا وغلا بابو دهيس

صح بدنك يالغااالي وصح لسانك

اشكرك على تواجدك وبيض الله وجهك

هلالالالالالالالالالا وغلالالالالالالالالا
مشرفنا الغاااالي والشاعر بدوي فاهم

شكرا لك يالغالي اما بالنسبه لكلمه( مستسم)

معناها لربط البيت الثاني الشطر الاول والثاني

شكرا لك يالغالي وانا تونااااا نتعلم منكم يااساتذتنا

صح بدنك وبيض الله وجهك

الله يالرهاوي..
الظاهر أنك ساحر..
خيال ...وطلاسم
المهم القصايد رائعة..
صح لسانك ولسان زعيم الحب