ما قيل في الشدادين شعراً

السلام عليكم ورحمة الله وبركاته
صباح الخير يا عيال عمي
والله يوفقكم ويسدد خطاكم فكرة جميلة جداً أن يكون هناك موقع للقبيلة يكتب فيه كل ما يتعلق بالشدادين من بطولات وقصص وتاريخ
فشكرا للجميع


وأنا حبيت أن أشارككم في إنجاح هذا الموقع
بكتابة هذا الموضوع
وهو مخصص لما قيل في الشدادين من الشعر أي..
أن كل عضو يكتب ما يعرفه من مدح الشدادين ولو كان بيت واحد فقط

وأنا أول من يبدأ

يقول الشاعر

يا زينهم حوالي النار جلاس =الاد شداد والاد الحطيبي

ويقول الشاعر

الاد شداد الصقور المغذاه = أهل الفعايل صدق ما هي سناوي

وأترك المجال مفتوح للباقين
والله الله نبا نملي صفحات الموضوع بالقصائد والأبيات

بيض الله وجهك يالجبل

والقصائد التي وردت في الشدادين لا تعد ولا تحصى

ومثل هذا الموضوع قد طرح منذ وقت طويل وتعاون فيه

الأعضاء وقتها بكل ما يعرفونه من الشعر في الشدادين

وأتمنى من أحد المراقبين أو مشرف القسم وضع الرابط

لزيادة الفائدة والإبقاء على هذا الموضوع للمشاركة عليه

بارك الله فيك أخوي الجبل وننتظر جديدك

مشكور اخوي الغالي اتمنى من ابن

مهرس اقفال الموضوع القسم فيه الكثير من القصائد

أتمنى من الاخ ابن مهرس ما يقفل الموضوع
لأنه حلو مره وإن كان مكرر عادي هذا من أبسط حقوق القبيلة علينا
نعيد ونزيد في ذكرها الطيب ونمدحها والمدح عمره ماينتهي وإن كثر
وأتمنى الكل يشارك مع أخونا الجبل ...

وربعي بني شداد ياللي تعتـزي جـاك الفـرج=ربعـي بنـي شـداد والله مايخلونـك طـريـح
ياكم عقيـد(ن) لا سمعنـا نعتـزي قلبـه مـرج=اليا سمعنا نعتزي خطر(ن) من حصانـه يطيـح

مشكوووووور الموضوع مره حلوووووو

هذا البيت من قصيدة للوالد يوم مر الديرة يقول

يا دار عينتي الشدادين يا دار = أهل المراجل والسلوم العريبه

الموضوع جداً طيب أخوي الجبل

ويستاهلون الشدادين المدح والعلوم الغانمة

وهذي من عندي أبيات قالها الشاعر عبيد بن سلطان الشدادي

عجير بن مهرس وعايض ومحماس=يروون حـدّ المرهفـات السلالـي
ومفلح فعوله مالهـا عـدّ وقيـاس=سمّ العدا وإن جـا نهـار القتالـي
ومبارك اللي بالفخر مالـه أجنـاس=وشرار بن سعـد كريـم السبالـي
ربعٍ قروم وللفخـر تلبـس لبـاس=وبأفعالهـم نعتـز طـول الليـالـي
شيوخنا اللي يوم الأريـاق يبّـاس=على ظهـور مصرعـات الحبالـي

ونتمنى مشاركة المزيد من األأعضاء بما يحفظون عن الشدادين وما قيل فيهم

يا دار عينتي الشدادين يا دار=أهل المراجل والسلوم العريبه

مطلع القصيدة عاجبني بالحيل ياليت تجيب القصيدة كامله لاهنت يالجبل

الشدادين يستاهلون المدح بس نبي مدح من شعار
خارج القبيلة يكون احسن ويذكر اسم الشاعر وابياته
بدال ما الواحد يمدح ربعه لان مدح الاجناب تاج وشهادة للقبيلة
ولكم مني اعطر التحيات

وهذي قصيده مني في مدح الشدادين

وعز الله انكم تستاهلووون اكثر من قصيده

على هذا الرابط

قصيده مدح الشدادين

نصيت رباً له هل الدين يسعون = في بيته الى ما دخل فيه نجّاس
رباً وحيداً ما خلق معه مقرون = رافع سبع باسط سبع خالق الناس
ودعيت اله يارب طالبك انا العون = تعينني بعد اصبح الفكر محتاس
تسكّرت كل المداخل بكيلون = وقدّامها وقفت عساكر وحرّاس
لاني بلا دايخ ولاني بمصخون = والاطاب لي حلو الكرى والتهواس
أقوم واقعد وادرج الراس بالكون = وتشره علىّ الناس من كل الاجناس
ولا همني لو قالوا الناس مجنون = لا صار طيبي جن ..لاباس ...لاباس
وقلنا عساها مشكلة وقت وتهون = ويصفي لنا جو الشعر بعد الاعماس
وقامت هجوسي تبدع القاف وتصون = كل القوافي في تراتيب وقياس
الشعر راحت بال للي يسجّون = عن سيرة الدنيا ليا ثار مقباس
والشعر الي ياالمنتدى لو تسآلون = ورثاً من الجدان والعرق دساس
ابني هجوسي من تصاريف وشجون = لين سهلت عندي بكثر التمرّاس
ولاني من الي بالقصايد يمارون = واليا وصل للجد ما بان له راس
اليا قعد في مجلسا صار مامون = تلقاه لكبار السواليف ملاّس
وبعض العرب يمّه بالاسماع يصغون = ويردون له مابين راشف وغماس
قلبه من ذنوب الاجاويد مدهون = مثل الخياش الي من الزيت نداس
شعراّ غزير وشعر من دون في دون = ويابعد ريح العود من ريح ابو فاس
هجرس ياراسي دام للشعر مضمون = واليا بدا هوجاس يقفاه هوجاس
ياراكبا جيباّ شبح وابيض اللون = شاصاّ جديد ومركبه يجلي الباس
عبّه من البنزين خمسين جالون = من وسط جده وانتبه له من الماس
دس له ودس له لاتظريه بالهون = قطّع به الجنبان وطوال الارماس
وتنصّ دارا من قبل عصر فرعون = يفرح بها الطرقي ويزداد الا وناس
ديرة بن الحارث هل الطيب والعون = عون الرفيق وكاسبة كل نوماس
وسلّم على دار الشدادين مليون = ومليون ما تكفي هل الطيب والساس
وسلم عليهم عد ماهلت مزون = وعداد ما ينبت من العشب بسباس
وعداد ما سالت مساييل وبطون = وعداد ما نجني ثمر حلو الاغراس
تلقى رجالا بالمهمات يشفون = ولاني بلا كاذب ولاني بهلاس
لو مالت سلوم العرب مايميلون =على سلوما مادخلها تعكّاس
رجالهم دايم على الطيب مرهون = في ذا الزمان اللي تقوّس تقوّاس
من شبّته لين يتّدرج على الشون =للطيب شيخ وللمتاريس دهاس
وعيالهم تكرم عن النقص والهون = ومن يعترض في دربهم راح منداس
اللي درس واللي مع الذود يرعون = واللي يسوّي مثل عباس فرناس ؟؟!!
والنعم بالسلطان مهما تقولون = ما هيب توفي طيب الاصل والساس
ربعه جمهم مجمعا له يرودون =وخلا لهم في داخل النت مجلاس
سوالفا تدرج وشعراً له لحون = وخواطراّ يبدي بها مرهف الحاس
سجّيت معهم كن مالي ولا لون ؟؟!! = مالي عرب مالي قبيله ونوماس
ضيفا عليهم كل يوما يحييون = هذا وهذا بين مرخي ومسّاس
وتدرج سوالفنا على ما تحبون = حتى نسيت اني يالاجواد عسّاس؟؟ّ

[/QUOTE]

.
.
.
الرهااااااااااااااااوي

بيض الله وجهك يالرهاوي

راعي العلوم الغانمة والسوالف اللي ما نملها