معك رد ابن مستور شايله فالميراج

يقول الاخ العزيز/ فهد بن عجير الذيابي الروقي .

ألا يا رسولي فوق من يرهجن أرهاج = على الهون مروني عقب حوم ورهاجي
على عاديات الجو سودٍ سواد الصاج = و مطب السماء ما يحدث اصوات بالصاجي
دقيقة ترفق لين تسمع من الهراج = خذ كتابنا الميمون في ليله الداجي
مسيره وممشى ليل لين الصباح ابلآج = من الليل لين الصبح يبلى و ينباجي
تنصي رجالٍ فالمواقف ذرا وسياج = احصون الرجال اللي لها درع وسياجي
ليا من وصلت انشد هل العرف ما يحتاج = ترا من نشد ما ضاع في ليل الدلآجي
يقابلك قرمٍ والتراحيب منه أفواج = بعدها الصحون اللي بها اكباش وانعاجي
بعدها تفضل وسلم الخط ببتهاج = كتاب لبو حاتم مثل مسك الامزاجي
توجد يا بو حاتم من الوقت والاحراج= وترجي سنين فايته ما لها راجي
وتشكي من الغبه ومن قلة المخراج = غزير البحور ام الغبب و ام الامواجي
ترا الوقت يا صالح مثل باب ابو مزلاج = ليا منه أقفي عنك صكه بمزلجي
ولكن انا بقولك والقمر وهاج = على روس زيزوم الرياجيل وهاجي
لك انته ومثلك يستحق الفخر والتاج = ولا كن خطو اللآش ما اظن له تاجي
تمت بذكر اللي خلق للكبود علاج = كتابه وذكره فالحياة افضل أعلاجي

ردي عليها

الا يا رسولي فوق من يزعجن إزعاج = مع السرب ما هتمت لشاشات الازعاجي
معك رد ابن مستور شايله فالميراج = معنيه للي صاغ قافه على آجي
لبو فارس اللي له مع اهل الوفا مدراج = اعرفه مثل ما هو عرف سلم مدراجي
تحصله في بيت الشكاله على المنهاج = كريم السبال مكرم الضيف واللاجي
بعيد النظر راعي التراحيب والمبهاج = عريب الجدود اهل العطا والتبهاجي
عطه ردي اللي عن دروب الوفا ما داج = كلام الصحيح اللي مطرز بريتاجي
يا بو فارس الدنيا كوتني على الوداج = بعد موت منهو كان فالظلمة اسراجي
تشالت علي اسباع كانت لبوي انعاج = لاكن الله يعجل علينا بالفراجي
زمنا يا بو فارس سمج والبلا فراج = بغيناه يفرج هم ماهو بفراجي
هي المشكله فالناس والا في الابراج = تحير سوالي في مجرات الابراجي
ما شفت العدود ام المحالات والدراج = غدت ما بقي منها محاله ودراجي
حياة البداوه والطراوه هل المعراج = رمتهم مقادير الزمن جوف الاحلاجي
بعد ذيك الايام البسيطة عناهم راج = يروجه من لا له قبيله ولا راجي
مع كل هذا لا بعد والدروب افجاج = دروب الشكاله يا ولد روق منهاجي
صحيح ان به للعين نظره وفيه احجاج = تمقل يابو فارس ترا منت هلباجي
ترا الوقت ما سر المهلهل ولا الحجاج = ولا معك غير الدين مكسب ومعراجي

صح إلسان الشاعر الروقي


وصح إلسانك يا بن مستور

ولا هنت ..

صح لسانك ولسان الروقي

أسجل إعجابي هنا صوت وصدى ولا أروع

هنيئا لنا بك و لك كل الاحترام

الاخ / بندر و الاخ / زعيم الحب

صحت ابدانكم جميعا ... و شاكر لكم مروركم الكريم ...

صح لسانك يابن مستور

ولسان الروقي

وبيض الله وجيهكم

صوت وصدى رائع جداً

ابتسامة من الاعماق والله..

أنا تهلل اساريري وأفرح اذا

سمعت او شفت قصائد بهذا المستوى..

صوت وصدى من الطراز الفاخر ..

لله دركما ... هذا الشعر والا فلا !!

صالح مستور
بيض الله وجهك وصح لسانك انت والروقي
ابدعتوا وفقكم الله
وتقبل تحياتي

صح لسانك يابن مستور وبيض الله وجهك
ولا هان الروقي وقصايدكم جزلة ومليانة

الاخوةالافاضل/الغربي
ابوعبدالعزيز
محمدسعد
فيصل بن زايد
صحت ابدانكم وشاكر على مروركم

صح لسااانك

ولسان الروقي

وانشهد انك كفيت ووفيت ي

وسلمت يمينك

تحيااتي وتقديري

اخوك