عبدالله السميري

السلام عليكمورحمة الله وبركاته

هذي قصيدة للشاعر عبدالله السميري

البارحـه كلمتنـي بنـت مبلـيـه=معاملتها صراحـه معـي تعبانـه
قالت سلام وقلـت أهليـن يابنيـه=قالت بغيت البنات وقلـت غلطانـه
قالت بلاش دلـع رح نـاد بدريـه=وان كان هي نايمه صوّت لسلطانه
قلـت بصراحـه ترانـا عزوبيـه=والكل منا يابنت الناس فـي شانـه
قالت بسولف معك لو تسمح شويـة=تراني قبل اتصلبك كنـت طفشانـه
قلت اهرجي زيـن وصفـي النيـه=وانا بسولف عليـك أبنيـةٍ زانـه
قالت بغيت اسألك وش بعد سوريه!!=والهند كانك ذكي وش كثر سكانـه
قلت بصراحه ماأعرف الا البجاديه=وأعرف من حد مكه ليـن غيلانـه
قالت تحب؟وقلت أحب اللي حواليـه=وأحب ربي وأحب الKing واخوانه
وأحب ديني وأحب ارض السعوديه=محبـةٍ ماعطاهـا الخـل خلانـه
قالت بضحكه ورا اخلاقك تجاريه!!=أصلاً أنا يوم أسولف معك خسرانه
وأنت بدويٍ ماتعرف الرومانسيـه=وكل بـدويٍ حياتـه مالهـا خانـه
قلت اسمعي يابنت ان كنتي طبيعيه=والظاهر إنك يابنت الناس سكرانـه
أنا بدويٍ ماحنيت الـراس موليـه=إلا لربي عزيـز الجـاه سبحانـه
حنـا بـدو وان ثـارت الهـيّـه=نثبت اليا خالـط البـارود دخانـه
حنـا بـدو دايـم نارنـا حـيـه=نزعل اليا سكر راعي البيت بيبانـه
وحنا بدو اليا انكشف ستر السنافيـة=يفرح بنا الي خذوا ذوده وحيرانـه
حنا بدو اليا كوينـا ننضـج الكيـه=يفرح بنا الي يشوف الضيم بعيانـه
يالي تقوليـن بـدو اقـول يابنيـة=الاصل حنا وعز البيـت سيسانـه

__________________

والله من التنسيم في راس ها السميري

قصيده جميله صح لسان الشاعر عبدالله

ومشكور أخوي ع هذا النقل الرائع .,

الله يعطيك العافيه ..

تحياتي

يـالـي تقولـيـن بــدو اقـــول يابـنـيـة=الاصـل حـنـا وعــز البـيـت سيسـانـه

صح لسان الشاعر وصح فكرك وذوقك
قصيده رائعه
الله يعطيك ألف عافية

صح إلسانه وبيض الله وجهه ووجهك

ووجه من يقرأ ..

عبدالله السميري


شاعر كبير

يعطيك العافية

عز الله أنه شاعر وأسلوبه يعجبني

صح لسانه
وسلمت يمناك يا ابو سلطان

خالص تحياتي

بيض الله وجه السميري والله ان اسلوبه رائع جدا

اخوي ابو سلطان

يعطيك العافيه ولاهنت

صح لسان الشاعر

وكل الشكر لك على النقل والاختيار الرائع

تحياتي الغربي

شكرا لكم جميعا على قرائتكم للموضوع ..

تمنياتي لكم بالاستفاده .

تحياتي

أبو سلطان


أشكرك على مواضيعك السباقه


في قوة الطرح والمعنى والجزاله


تحياتي