يومين نودع رمضان

يومين ونـودع رمضـان توديـع = شهر اله عنـد المخاليـق مقـدار
فيه العبـاد اصيـام الله مخاشيـع = صوم وصلاة اقيام في كل الامصار
ياجعل جهد اهل التقى فيه مايضيع = ونصير يوم العيد من ذنوبنا احرار
العيد ماهو بالحلـى والطراطيـع = والعيد ماهو حفل عرضة ومزمار
والعيد ماهو جمع مال ومشاريـع = العيد عيد اللي عتيق مـن النـار
اللي سمع ماقال مـولاه ومطيـع = وماشي على الاسلام منهاج وشعار
اللي بماله غـاث نـاس مجاويـع = ويستغفر المعبود في وقت الاسحار
ولاقطع لحـوم المقفيـن تقطيـع = ودائم لسانه رطب من خير الاذكار
ولاضاع وقته في صغار المواضيع = يخاف يوم شاخصه فيه الابصـار
يـوم لهولـه يذهلـن المراضيـع = ولاتقيل الفديـة ولاتفيـد الاعـذار
يوم العباد حفـاه غـرل مصاليـع = والكل مشغـول بنفسـه ومحتـار
والحكـم خالقهـم ذلال مخانـيـع = سبحان من يعلم خفيات الاسـرار
احد بفعل الخيـر ميزانـه يريـع = واحد محمّل بالمعاصـي والاوزار
وتوزعت كتب المخاليـق توزيـع = ونصب الصراط وفوقه الناس عبار
احدّ من حـد السيـوف اللواميـع = على شفاء نـار تسعـر تسعـار
سالم ومخـدوش ونـاس مواقيـع = واللي سلم يعبر الى دار الاخيـار
في جنة فيهـا الحسانـا المفاريـع = حور العيون الله خلقهـن للابـرار
واشجاربنـواع الفواكـة مهانيـع = ومن اللبن ومن العسل تجري انهار
وايضا لهم فيها زيـادة وتشجيـع = نظرة لوجه الخالق الرازق البـار

الله الله ما اروع هذه القصيدة وبيض الله وجهك ولاهنت اخوي سعود

ونسال الله ان يعيده على الجميع بالصحه والسلامه

والعيد ماهو جمع مـال ومشاريـع=العيد عيد اللي عتيـق مـن النـار

اي والله هذا العيد والفوز في الدنيا والأخرة


الله يجعلنا وياكم من العتقاء ..

قصيدة أتت في العشر الاخيرة من الشهر الفضيل

في عشر العتق من النار وأستقبال عيد الفطر

أحتوت على كم من الحكمة والأيمان والجزالة اللفظيه

والبساطة في الطرح دون تكلف ..

صح لسانك مدد وبيض الله وجهك..

ياسلام ياسلام عليك يابو سعد
صح لسانك مدد
واسال الله ان يتقبل منا ومنك ومن جميع المسلمين
سجل اعجابي بشعرك وبشخصك الكريم
تحياتي لك

الله يا أبو سعد

أتى رمضان وأنقضى وكأنه لم يات إلا بالأمس

ما أسرع تسابق الأيام وما أكثر توديعنا لها ..!!

صح لسانك ولا هنت

وعسى الله يرزقنا فيه الخير والرضا والقبول

الله يعيده علينا أعوام عديدة ونحن بصحة وعافية ..

صح لسانك أخوي وسلم بنانك

صح لسانك ولا هنت يا أبو سعد

والله يعيده علينا بالخير

في كل عام

		المشاركة الأصلية بواسطة : ابن مهرس2008 اقتباس
	الله الله ما اروع هذه القصيدة وبيض الله وجهك ولاهنت اخوي ابوسعد ونسال الله ان يعيده على الجميع بالصحه والسلامه

مرحبا مليون بالاخ الراقي ابن مهرس 2008
نورت الصفحة بالحضور والمشاركة وفقك الله
حضورك شرف ومشاركتك غاية وكلماتك وسام غالي
لاعدمناك يالنشمي ، دائما تواجدك يثلج الصدر
تحياتي لشخصك الكريم

موضوع رائع بارك الله فيك ويا مصعب وداع رمضان

الله عليك يابو سعد قصيده في قمه الروعه

صح لسانك وكل عام وانت بخير

تحياتي لك الغربي