محاورة الغربي وبرق الوسم

السلام عليكم ورحمة الله وبركاته


هذه المحاوره جرت بيني وبين الشاعر المبدع رايد المطيري (برق الوسم)


وحبيت انقلها لكم

الغربي

ســـلام تسلـيـمـة وفــــاء مــــن شــاعــرٍ شــعــره جــزيــل=يـــعــــرف دروب الــمــرجــلــه واالــطـــايـــلات يــطــولــهــا
من شاف لي برق الوسم ياهل الوفاء واهل الجميل=بــيـــنـــي وبـــيـــنـــه قــــصـــــةٍ يــاعــرضــهـــا يــاطــولــهـــا

برق الوسم

يامرحبا بالشاعر الغربي على الوزن الثقيل=ترحـيـبـةٍ مــثــل الـعـســل والـطـايــلات يـنـولـهـا
بـرق الوسـم حاضروفـي داره ولاعنـده رحـيـل=والقصـه اللـي فايتـه عطنـي بعـض مدلولـهـا

الغربي

ظلـيـت معـنـا يالسنـافـي كــل يـــوم وكـــل لـيــل=وهرجـتـك تمـشـي مــع رجـــالٍ بـيـنـات فعـولـهـا
والـيـوم تـمـرح فــي ديــارٍ فوقـهـا خـيـل مـخـيـل=والارض نبتت من كثر قشع المطر وسيولها

برق الوسم

صحيـح هرجـك وافـي وانـا بعـد مـانـي بخـيـل=والطيب في هاك العرب ماهو جديد احلولها
لاكـن عـن دار السنـاء خايلـة بـراق المخيـل=والارض خضراء والورود الناعمـه بسهولهـا

الغربي

اشوف في هذا الزمن مافيه شيٍ مستحيل=واخاطـب العالـم يارايـد حـسـب قــد عقولـهـا
لـكـن طعـنـي يالمطـيـري لا تـلــف ولا تـمـيـل=كــم كلـمـة تـطـري عـلــي ولا نـويــت اقـولـهـا

برق الوسم

هـذا الزمـن غيـر مفاهيـم الكثيـر مــع القلـيـل=والله فـــرق بـيــن الـبـشـر بعقـولـهـا وادلـولـهــا
وانا على خبرك ماعيل ولااعترف باللي يعيل=ولاجيـت وسـط المعـركـه دق الطـبـل لخيولـهـا

الغربي

اتقـولـهـا واقـولـهـا ياصـاحـبـي والله وكـيــل=كم عالمٍ تهرج ولا تدري عن اللـي حولهـا
وانــا بـعـد ياصاحـبـي مـانـي بـرجـالٍ ذلـيـل=لي مع رجال الطيب وقفه سايرٍ مفعولها

برق الوسم

الهرج بين النـاس يالغربـي حصيـل مـن الحصيـل=وانــا مـعـك مـانــي وكـيــل الـنــاس هـــي وخبـولـهـا
خابرك من روس العرب والسيل لايخطي المسيل=مضـرب مثـل بيـن العـرب يضـرب علـى مجهولهـا

الغربي

يابـرق يامحـلا سواليفـك علـى الـطـرق الطـويـل=يوم ان بعض الناس تسمج هرجته من طولها
وانـا حزامـك فـي الليـال السـود ياراعـي الجمـيـل=ميـر احتـزم بـي فـي الشدايـد لــو تــدق طبولـهـا

برق الوسم

هـاذي شهـاده منـك يالغربـي وانـا عـابـر سبـيـل=والــقــرم مـثـلــك مـايـعــادل بـالــعــرب واسـمـولـهــا
طيب وساسك طيب الغربي عسى عمرك طويل=تحـمـي الـعـرب وقــت الـشـدايـد كـلـهـا وانـزولـهـا

الغربي

خــلاص بخـتـم قافـنـا يـابـرق واعـلـن بالرحـيـل=من عقب ماغصت البحور وقمت انقي لولها
انته عميل ماش غيرك يالمطيـري مـن عميـل=انتـه مـن القـروم الرجـال ومـن خيـار زحولـهـا

بيض الله وجهك يا ولد عمي أنت وبرق الوسم
والله إننا فاقدينه وصار يتغلى علينا
لكن لنا الله يا برق الوسم
صحت ألسنتكم ولا هنتوا يا بعدي

أعجبتني المحاوره

صحت ألسنتكم

الله يعطيكم العافية

		المشاركة الأصلية بواسطة : السلطان اقتباس
	بيض الله وجهك يا ولد عمي أنت وبرق الوسم والله إننا فاقدينه وصار يتغلى علينا لكن لنا الله يا برق الوسم صحت ألسنتكم ولا هنتوا يا بعدي

ووجهك ابيض يابو عبدالله

مشكور على مرورك المميز

ولاهنت

اشوف في هذا الزمن مافيه شيٍ مستحيل=واخاطب العالم يارايد حسب قد عقولهـا

هذا الزمن غير مفاهيم الكثير مـع القليـل=والله فرق بين البشـر بعقولهـا وادلولهـا

بيض الله وجهيكم على المحاروه الرئعه والقميه
فتل ونقض جميل منكم
اخوكم سهم المنايا

		المشاركة الأصلية بواسطة : شجــــــــــون اقتباس
	أعجبتني المحاوره صحت ألسنتكم الله يعطيكم العافية

صح بدنك ياشجون

ومشكوره على مرورك

تحياتي

صحت السنتكم محاورة راااااااائعه

دمت بود

حياك الله ياسهم المنايا

وصح بدنك

صحت السنتكم محاورة جميلة
تقبلوتحياتي

		المشاركة الأصلية بواسطة : البرينيسي اقتباس
	صحت السنتكم محاورة راااااااائعه دمت بود

صح بدنك يالبرينيسي

ولاهنت على مرورك المميز

تحياتي لك الغربي