قصيدة في بني الحارث

راكان انا من روس قوم لها طيب=من روس قوم تكرم الضيف و الجار
حنـا بني الحارث نعدي المراقيـب=فـي كـل ميــقاف وفـي كـل محضار
قـوم قـروم محتمــين المطـاليـب=مـن ينـشد الـعـربـان يمـين و يـســار
اهل الشجاعه من واهل المواجيب=ي ايام الاهـوال و ايــام الاعــســار
قـوم تــهــد وتشـبع الطـير والذيب =وقـوم لهـا في المـجد طـيب و تــذكــار
كم من حريب حط فوقه نواصيب=وكـــم حــريــب ذاق مـر و امــرار
فعولهم صعبه على الزير وكليب=والكف مخـــرومه كمـــا كــف مـــدرار
فعل الكرم فيهم وارياً مصاليب=واليا اقـبل الضــيف مـاقـدمـوا اعــذار
طلق الحجاج ومقدمين التراحيب=ربعي بني الحارث وافيـــن الاشـــبار
هــذا كـلامـــي وزين بترتيب=و صـــلاة ربـــي عــــد همـــال الامـــطار

الشاعر/سطام الجياشي

صح السان الشاعر

وسلمت يمين من نقلها

تحيتي

ونعم والله ببني
يستاهلون والله المدح والعلوم الغانمة كلها
ويستاهلون كل خير
وصح لسان شاعرنا سطام الجياشي
ولا هنت أخوي أبو راشد على نقل القصيدة لنا
والله يعطيك ألف عافية

تسلمون وماتقصرون ع المرور الكريـــم

وأكيد يستاهلون هالمــدح

أبو راشد لاهنت يا الغالي

وصح لسان الشاعر سطام الجياشي

الله يعطيك العافيه , وشكراً

أبو راشد لاهنت يا الغالي
وبيض الله وجهك على نقل القصيده
وسلمت يديك والله يعطيك العافيه