جدول الضرب الصغير سهلاً جداً .

هذه الطريق لجدول الضرب من 6 إلى 9
لأنه من 1 إلى 5 أعتقد أنه سهلاً جداً .
إذا طلب منك ضرب العدد 7 *8
الطريقة هي :
طبعاً أصابع الكف الواحد 5 أصابع إثن أصبعين حتى تكون تمثل العدد 7( اللي في السؤال )
وأصابع الكف الأخرى 5 أثن ثلاثة أصابع حتى تكون تمثل العدد 8 ( اللي في السؤال )
بعدها أضرب عدد الأصابع القائمة في الكفين في بعض
أي أضرب عدد الأصابع القائمة في الكف الأول وعددها( 3 )
في عدد الأصابع القائمة في الكف الثانية وعددها( 2 ).(خلوا الأصابع المثنية مثنية لها لزوم شوي)
الأن تكون المسئلة كالتالي :
3*2 =6 , كل أصبع مثني عن 10
يعني 6+50 =56 ( بدون كتابة خلوها حسابات في اليدين فقط )
إذاً حل المسئلة 8*7=56

جربوها سهلة جداً ....يمكن الشرح غير وأضح
بس أعد الطريقة فسوف تكون سهلة بإذن الله .

تمنياتي للجميع بالتوفيق والرفعة

وأنا تخصصي رياضيات مافهمت
طيب ممكن تعيد بشرح أكثر وعلى مثلاً
8*9
لاهنت أخوي ترا أول مره أسمع بهالطريقة

الأخت العزيزة / هدوء الشدادين
بالنسبة للعدد 8 إثني ثلاثة أصابع على شان 3 + الخمسة اللي هي أصابع الكف =8
وبالنسبة للعدد 9 إثني أربعة أصابع على شان 4+الخمسة اللي هي أصابع الكف =9
بعدين أضربي الأصابع القائمة في بعض اللي هي
2*1 =2
ثم أضيفي عليها الأصابع المثنية اللي في اليدين الثنتين جميعها وعددها 7 وهذه السبعة كل وأحد بعشرة يعني 70
يكون التاتج 2*1=2 +70 =72
إن شاء الله وصلت المعلومة أمل الرد في كلا الحالتين .
دمت بخير ,,,

الحمد لله وصلت المعلومة :6666:
وبجربها على 9*7
7 نثني اصبعين
و9 نثني 4 أصابع
بعدين نضرب الأصابع القائمة في بعض 3*1=3
ثم نضيف عليها الأصابع المثنية اللي هي 6 يعتي 60
3+60=63
صح كذا ^_^
مشكور وتعبناك معانا
الله يعطيك ألف عافية

طريقه ظريفه جدا يعطيك العافيه واعي
في انتظار جديدك

والله ياواعي لو أقعد أثني أصابعي قدام المدرس ليكفخني

نبي أسهل أسهل ههههههههه

سلمت يا ذيباااان

الله يعطيك العافية

واعي ماقصرت طريقة جيدة جدا هههههههاي

ما أحب الرياضيات

بس أعرف للضرب والجمع والطرح هذي الحسنه الوحيده اللي خذيتها من الماده خخخـ

ان شاء الله يستفيد منها اللي يحتاجها

أحسها حركة حلوه للمبتدئين الصغنونين يعني

بدال ماتعور راسك وانت تعلمهم خلهم يسوون كذا لين يفهمون

بجربها مع اخوي اذا روقت له ^_^

يعطيك العافية واعي

.
.

اعرفهاا
مرت علي من زماان
وفي طريقه لعد ارقام ثانيه اللي اكبر عن 9
بس ما تحظرني حالياً

يعطيك العافيه اخوي واعي

واعي

الله يعطيك العافيه هذي طريقه اكل عليها الدهر وشرب

تحيتي