آخر 10 مشاركات |
مختارات | قال تعالى: وَتِلكَ الأَيَّامُ نُدَاوِلُهَا بَينَ النَّاسِ |
|
||||||||||||||||||
ملحمة قبيلة بني الحارث
اليكم يا اخواني اعضاء وزوار منتديات الشدادين هذه القصيده الجديده او بالاحرى ملحمه شعريه كتبتها في قبيلة بني الحارث اليكم القصيدة ســـلام يـاربـعــي وفـيـيـن الاشــبـــار=قــومٍ لـيـا هـاجـت تــفــر قبــلاهــا ربعي بني الحارث مداويس الاخـطار=سقم الحريب ان كان دارت رحاها اهـل السـيـوف اللي على العظـم بتـار=كـم شيخٍ قومٍ راح حـذفـة عصاهــا ربـعـي لـيـا عـج الرمك تحتمي الـدار=فـي راي اخو حمده وراي عقداهـا وديـارنــا مـاهــي لـطـامـــع وغـــدار=حـامـيـنـهـا بـينـوس واللـي وراهـا سموا الشلاوى اللي لها صيت واذكار=الاد شــالــي حـامـيـاتٍ حـمـاهـــا اللـي لـيـا ركبـوا علـى قـب الامـهــار=اهـل الشوارب يقصرون بلحاهــا عــقيـدهـم شــيــخٍ وفــارس ومـغــوار=كـم مـن قبيلـة مـنـه نالت جزاهـا مقبول اخـو حمده ليا صـار مـاصــار=شيخ الشلاوى اللي تصادم عداها اهـل القنـا والـرمـح والشلـف الابتـار=واهل الخيول اللي تعزوى علاها منهم ذوي جعران مرخصة الاعمـار=يتذوقـون المـر مـن فـي نـحـاهــا منهم ذوي حنيتم كما ضلــع سنجــار=قبـيلـةٍ تبطش وتــروي ضـماهــا عيد العقيد اللي على الـجيـش كـســار=هذاك ابن عايش مزعزع نــداها منـهـم ذوي حــطاب لااشتبت الـنـار=ياما رموا يم الضواري عشاهـــا عقيدهـم دوخـي علـى الــقـوم دمــار=يدمر عروشٍ تتعب اللي بـنـاهــا ومنهـم ذوي معتب متيهــة الابـكــار=مثل الجبال اللي يذري ذراهـــــا عقيدهـــم ســــودان للضـــد جـــزار=هـذاك ولـد رمــاح ذابح طغاهــا ومنهم جثـايـث راكـبـيـن فــالاكـوار=كـم حـلـةٍ جـوهـا ودهنوا ثـواهـا عقيدهـم مـرزوق حــرٍ من احــرار=كــم حلـةٍ للقــوم يدمــر وطاهـــا ومنـهـم قنـاثـل والقناثــل لـهـا كــار=اهل السيوف اللي موضي سناها عقيدهم شــيــخٍ خــذا جــل وابكــار=مناحي اللـي كــم قــومٍ غــزاهــا ومنهم عواجيه كما الكــف مـدرار=وفعــولهــم محـدٍ تـراه يـغــواهــا عقيدهـم كســاب نـســاع الازوار=وبكل دارٍ محسن اللـي راعــاهــا والا احمداتٍ وقت وردٍ ومصــدار=تـارد على الجـمـه وتثبـت خطاها والا الجلاه اللي على الحرب تختار=تارد حياض الموت كــلٍ يراهـا وارجع على بنيوس قضـاية الثار=كـم مـن عقيد راح فــي منتهـاهــا اهل الفعول اللي لها الطيب يندار=سموا الرجال اللي بعيدن مداهـــا اهل القنا واهل الصقيلات الاسطار=تخلي سروج الخيل واللي علاها في راي ابن منصور صقر ليا طار=مريسي اللي كم غزوة سطاهــا منهم جياشه تحمي الحـق للـجـار=يـامـا رعـوا قطاعنهم فـي حجاهـا عقيدهم سيف ابن عاتـق ليا ثــار=اميـر زيــزوم المـعـارك وغــاهـا حول وهو خلف الركايب والاسعار=واخذ قضاه في كسر ساقه وداها ومنهم ولد شاهر عمى كـــل جبار= في وقعة ابـن فـيـهـد كــلٍ دراهــا صالح ولد عامر مرارن وتكرار=يغزي جموع القوم هو من حداهــا ومنهم شدادينٍ وشجعان واخيار=سقم الحريب تزبن اللي نصاهــــــا في راي ابن مهرس مبارك مع اعجار=من دونها العدوان تقصر خطاها اعجار بن مهرس منجين الاثبار=كم رجل طلق حرمته لو بغاها في مدح ابن مهرس فلانيب محتار=حول على العدوان هي في حراها ومنهم صلاخاتٍ ليا دقوا الطار=للحرب ماتجزع عليها عداهـــــا ومنهم متاعينٍ على روس الاشرار=تقضي عليهم حكمها في جزاها ومنهم شواحط والشواحط ورا الطار=يسمع بها اللي ماخلق في وطاها ومنهم عضاوينٍ ليا جار ماجار=عزوة ويندا فالشدايد نداها ومنهم مذاهب هم هل الماقف الحار=ياكم عدوٍ راح نسمة هواها والا اشبعه ربعاً لهم موقف سار=يجلون عن كبد المشقا صداها بنيوس غوريه كما السيل هدار=يشيل ماقدمه وينضح ثراها واقول فالعزوة نواصر وثمار=قومٍ جماجيم العدا هي غذاها منهم ترا الحسكان قومٍ لها اشبار=تعرفهم الاعدا وتعرف عزاها منهم ترا الموسي ليا سار الاقدار=يعرفهم اللي مالجا في ذراها وشعيث منهم نعم وجموع اجهار=سيوفها بالدم صدى صداها بريمان سطر فيه تاريخ باسطار=شيخ النواصر لاعدمنا نباها قومٍ لها بالطيب منزل وتذكار=وفعولها ماتنحصي لو حصاها وختامها سطام يقول فاسطار=ذكر قليل من الفعول وقراها ويقدم الاعذار للي يبا اعذار=ان كان جاب اشياء واشياء نساها اخوكم/سطام محمد ضيف الله الجياشي
|
18 Sep 2009, 01:51 PM | [ 2 ] | ||||||||
مؤسس شبكة الشدادين
|
الله الله يا أبو محمد والله ونعم القبيلة بني الحارث ونعم بجمرة العرب والملحمة غاية في الجمال والقوة والابداع ولا هي غريبة عليك يا شاعرنا وسلمت وسلم غاليك |
||||||||
|
|||||||||
18 Sep 2009, 02:30 PM | [ 3 ] | ||||||||
شاعر
|
والله والسبعة الانعام
بابن الحارث صح لسانك ياسطام وعلا شانك وبيّض الله وجهك علومك غانمة ولا هي غربيبة عليك تقبل مروري دمت بخير ,,, |
||||||||
|
|||||||||
18 Sep 2009, 03:14 PM | [ 4 ] | ||||||||
مراقب عام
|
قصيده جزله من شاعر جزله وصح لسانك وبيض الله وجهك. |
||||||||
|
|||||||||
18 Sep 2009, 03:56 PM | [ 5 ] | ||||||||
|
يا مرحبا يا مرحبا يا مرحبا ياالشاعر الجزل الطيب وبيض الله في الأرض والسماء وصح إلسانك مدد بلا عدد قصيدة فخريه رائعه وشامخه كشموخ بني الحارث وقبايلها وصح إلسانك مره أخرى .. |
||||||||
|
|||||||||
18 Sep 2009, 05:08 PM | [ 6 ] | ||||||||
عضو متميز
|
اخووي سطام صح لسانك وبيض الله وجهك. |
||||||||
18 Sep 2009, 06:39 PM | [ 7 ] | |||||||
شاعر
|
السطان اشكرك على هذا المرور الراقي ولاعليك زود وصح الله بدنك يابعدي |
|||||||
18 Sep 2009, 06:39 PM | [ 8 ] | |||||||
شاعر
|
ماعليك زود ياواعي وصح الله بدنك ووجهك ابيض يابعدي مرورك شرف |
|||||||
18 Sep 2009, 06:41 PM | [ 9 ] | |||||||
شاعر
|
الله يسلمك ياخيال الشدادين وصح الله بدنك ووجهك ابيض |
|||||||
18 Sep 2009, 06:42 PM | [ 10 ] | |||||||
شاعر
|
الله يبقيك يابندر ووجهك أبيض وصح الله بدنك مرورك فخر |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
من فرسان قبيلة بني الحارث | ابن مهرس | قبائل بني الحارث | 13 | 31 Mar 2012 08:41 PM |
مجد قبيلة الجياشة ( بني الحارث ) | سطام الجياشي | بحور القوافي | 12 | 12 Jan 2012 01:30 AM |
كتاب عن قبيلة بني الحارث | سطام الجياشي | قبائل بني الحارث | 12 | 08 Apr 2009 01:58 PM |
قصيدة في قبيلة بني الحارث | سطام الجياشي | قبائل بني الحارث | 8 | 08 Mar 2009 04:58 PM |
كتابة في قبيلة بني الحارث | ابن مهرس | قبائل بني الحارث | 16 | 08 Dec 2006 03:25 AM |
|