بارونة سموّ الاميرات

حبيت بارونة سمو الاميرات=واستاسرت قلبي وروحي وعيني
اميرة الغيد الحسان العفيفات=اللي هواها في فوادي دفيني
ياهاجسي مافات ياهاجسي مات=مابين شوق الذكريات وحنيني
عذب الكلام اللي يعبر عن الذات=لاجيت ابعناله يفز ويجيني
ابيات تصحى في مضامينها ابيات=وآهات تجذب من لظاها ونيني
ياكثر وناتي وياكثر الاهات=بين اعمق جروحي ولذة سنيني
الليل بيّت لكن الطرف مابات=حزين يالقلب المعنى حزيني
حسبي على سود الليال الطويلات=وشلون حدتني على الحاسديني
اللي يودون الخبر كل شمات=ويصنعّون من الوشايه كميني
كفرت باللي يصنعون الحكايات=وآمنت باللي يكفل العالميني
بعض العلوم ان جات وان كان ماجات=دحمتها سطوه بقلبٍ متيني
اقولها ماهي مجرد دعايات=ولاّ رجى في مدحة المادحيني
انا فدى رمش العيون الكحيلات=وانا هواها لو تبيّح كنيني
ارخصت لعيون المها كل مافات=وفرشت لا ستلطافها راحتيني
جمالها همّش جمال الجميلات=ودلالها جرّح حبال الوتيني
اليا طرت تفتح جميع الملفات=اللي بها شوقي بحزني رهيني
الله واكبر والليالي سريعات=ذكرت لي بيتٍ جزيل وسميني
ماودي ابدع به على الناس بالذات=لان الحسد والعين حقٍ يقيني
هذي وذيه والضلوع النحيلات=مثل القمر والشمس فوق الغشيني
العشق والعاشق هيام وملذات=والوقت وصروفه لها حسبتيني
حسبه عن الاموات وحساب الاموات=وحسبه مابين ام الكباير وبيني
الله وكيل الخلق ياعابد اللات=وكل الخلايق لاهيا ميتيني

شعــــر .. بشـــــــير الذيابي

الله الله الله يابشير الذيابي

ابداااااااااااااااع بكل ماتحمله الكلمه من معنى

صح لسانك وبيض الله وجهك على هذه المعلقه

وفي انتظار جديدك

تحياتي لك الغربي

تقف الكلمات عند هذه الأسطر الرائعه
أخوي بشير ما أقول صح لسانك صح لسانك مليون
والله مبدع ترابط رهيب ووصف في قمة الروعة
أسأل المولى عز وجل أن يحفظك ويجعلك ذخراً لهذا المنتدى

يا هلا والله وغلا بالشاعر بشير

هل هلالك يالطيب ومرحبا تراحيب الأمطار


وصح إلسانك مدد بلا عدد

قصيدة قمة في الروعه والجمال

دمت بود

صح لسانك ملايين

ولاهنت ولاهان مغليك

اخوي بشير

بيض الله وجهك وصح لسانك على القصيدة الرائعه ولاهنت

الله الله الله يابشير الذيابي

ابداااااااااااااااع بكل ماتحمله الكلمه من معنى

صح لسانك وبيض الله وجهك على هذه المعلقه

وفي انتظار جديدك

تحياتي لك

صح لسانك
وبيض الله وجهك
والله يعطيك العافيه

بشير الذيابي
قصيدة من الوزن الثقيل ومن
عيار الذهب الـ 24إحساسك المرهف
وكلماتك الرآآآئعة اضفت على القصيدة روعة
الجمال وعذوبة المعنى مهما تحدثت وكتبت لن
اوفي هذه القصيدة حقها تقبل مروري
دمت بخير ,,,

الله الله يا أبو محمد
شاعر ومن ظهر شاعر عسى الله يرحمه
وقصيدة غاية في الروعة والجمال
تسلم يمينك والله لا يهينك