مساجلة مع الشاعر الكبير محمد بن شايق

السلام عليكم ورحمة الله وبركاته

الله يمسيكم بالخير جميع اضع بين اياديكم هذه المساجله التي جرت بيني وبين الشاعر

الكبير والاستاذ محمد بن شايق القحطاني واتمنا ان تحوز على رضاكم

يقول ابن شايق

قال الذي غنا بيوت(ن) منقاه=يبصر بها راعي العيون الكفيفه
مرتبات(ن) كل بيت ومعناه=مر(ن) يثقلها ومر(ن)خفيفه
هاض الضمير وبيح القلب باقصاه=هواجس(ن)تقفي وتقبل نكيفه
مثل البحر لاهاج والموج يحداه=ينسف مجاديفه على جال سيفه
يعوي عوا ذيب سناء الصبح فاجاه=ياقف مواقيفه ويهرف هريفه
بين عليه الصبح واخلف نواياه=يقنب على روس الجبال المنيفه
عزاه ياقلب شقا الوقت عناه=ماعاد ينفعبه ربيعه وصيفه
يبغا زمان فات واقفت مطاياه=يبكي على ذيك السنين المريفه
اقفت وقفت بالرجال المسماه=ماباقي اللى نقطة في صحيفه
راحو هل المعروف والوجه والجاه=وهذا زمان يا فهد منه خيفه
عصر المصالح والخواطر مراعاه=ياشيب عيني شفت في الوقت شيفه
شفت الطيور اللي على شكل واشباه=حوايم تاقع على راس جيفه
اللي يرافق صاحبه لجل دنياه=مصالح بين الوجيه الكسيفه
ياكثرهم في عصرنا اليوم كثراه=حلوين الالسن والضماير صخيفه
بشكي على ابن رزيق والعلم ينصاه=والحارثي دايم علومه طريفه
حيثه من اللي ياقف العلم لاجاه=في ذا الزمن ياقل والله وصيفه
ابوه من صغره على الطيب رباه=ماصك بابه دون جاره وضيفه
والطيب مايصعب على مثل شرواه=من طيب ابوه وطيب جده خليفه
طيب وشهامه والنوايا مصفاه=وياحبني لاهل القلوب النظيفه
عسي الردي والاش والنذل يفداه=اضعوف الانفس والروابع ضعيفه
والمرجله جمر يباله مصالاه=كل يبيها مير والله كليفه
واخر كلامي في البدايه ومنهاه=عسي السعد والحظ دايم حليفه

الرد

برق(ن) سرا حيه وياحي مسراه=لاح وسمر بالعين وابطا رفيفه
شب وتكاشف واجهر الساري ضياه= لمعه وضوحه بين رجوا وخيفه
حنة رعوده والهبايب تحاداه=حنة وليف راح واقفا وليفه
ارخي وسبل وانتثر والحبر ماه=وقام يتحدر من ضلوع مريفه
خشوم سيله مع جروفه ومنحاه=عقابها بيض الدفاتر مريفه
حشمه لابن شايق وقافه ومعناه=شرد بنات الفكر تمسي عسيفه
الصاحب اللى يرفع الراس ممشاه=ومنه الهقاوي ماتصدر معيفه
حر(ن) تحوش السبع الانعام يمناه=عون الرفيق ودرع جنبه وسيفه
باح وشكي والعلم ماظن يخفاه=والقاف ماخلا لنا كود طيفه
هذا زمان الثعل والبوم والشاه=وقسم الذيابه منه كتف وغريفه
شق الفقر ياخوك ماشى يرفاه=ياخذ من الرجال فوق النصيفه
يضد ويحد السنافي على اقصاه=ويطعنه بالحاجه لاوقف نزيفه
اليا مشا يمشي على غير مشهاه=واليا قعد يقعد وحاله كسيفه
واهل المصالح يازبون المخلاه=بكره عليهم تبتطيح السقيفه
خوتهم تبرمج بلازم ومقضاه=واليا انقضت سدو نحرها بليفه
والوقت لامنه عطاهم مقفاه=كل يذوق ثمار مكره وزيفه
مايسلم اللي يغضب الله ويعصاه=بعد القبال يذوق غبن النكيفه
شله مجالسها نفاق ومحاباه=لوكبروها من رداهم قصيفه
زد قالها ابن سرور للخلد مثواه=احذر تري بعض المجالس مجيفه
قلته وعذري يابن شايق من الله=ثم منك كان البرق قصر رفيفه

بشكي على ابن رزيق والعلم ينصاه=والحارثي دايم علومه طريفه

كفو والله يابن رزيق
عز الله انه سند على رجال كفوو وشاعرن جزل

صح لسانك ولسانه ولي عودة للموضووع

أبن رزيق

شاعر متمكن أنت وابن شائق

وتشكرون على ذلك

صح لسانك يابن رزيق
ابيات جزلة ومساجلة
رائعة من شاعرين مبدعين

صح لسانك ياابن رزيق

ولاهنت على هالقصيدة الجميلة

ابن رزيق صح لسانك
وعلا شانك وبيّض الله وجهك
جزالة واسلوب رائع .
وصح لسان الشاعر ابن شايق
دمت بخير ,,,

يا مرحبا تراحيب المطر يا ابن رزيق
ويا هلا بك من جديد في هذه المساجلة الطيبة
مع الشاعر الكبير محمد بن شايق القحطاني
صحت ألسنتكم ولا هنتوا وننتظر منك المزيد

صـــح لسـآنك

..............

اخوي صالح بن هميجان ماعليك زود والله يجمل حالك شهادتك وشهادة الشعار الجزلين امثالك مكسب
كل شاعر يسعاله الله لايهينك ياذيبان
تقبل تحياتي,,,,,,,

اخوي خيال الشدادين الله يبيض وجهك واشكرك بالنيابه عن ابو شايق والله يعطيك الف عافيه
تقبل تحياتي,,,,,,