اشتاق لدله وبيض الفناجايل

اشتاق للدله وبيض الفناجيل=في ديرتن ماكل من جاء رغبها
في خايع ماسيروه المهابيل= باأرض ماجاها الـلاش ولاقربها
واطرب لصوت النجر وشوف المعاميل=ونار توقد والغضى من حطبها
وشوف الفياض عقب ما دمها السيل=والعشب غطاها وبرد لهبها
وريح الخزامى والنفل لاظلم الليل =ترتاح نفسك لو تزايد تعبها
وذود فحلها وسطها يتبع الحيل=مع خلفة تعطف لاجيت احتلبها
واجلس مع القمرا والجدي وسهيل=وعن المدن ابعد وعن كثرة نشبها
واجلس مع رجااال نشاما حلاحيل=ناس اخاويها واعرف نسبها
ناخذ ونعطي من جميل التعاليل= والسالفه لاجت محدن نهبها
وابعد عن الي يكثر القال والقيل=الي اذ جاء مصيبة هو سببها

بقلمي

مشكور اخوي صح لسانك
ولاهنـــــــــــــــــــــــــت

صح لسانك يا النشمي

وبيض الله وجهك

وابعد عن الـي يكثـر القـال والقيـل=الـي اذ جـاء مصيبـه هـو سببهـا

الله يازين ذيك المجالس..
النشمي انت موهبه ..

صح لسانك يا النشمي

وبيض الله وجهك

صح لسانك لكن الألف لا تزيد تنساه وخاصة فالقصيده وبيض الله وجهك لا كن عندي بعض الملاحظات عليها وهي
في خايع ما سيروه المهابيل = با أرض ما جاها الاش ولا قربها

والبيت الرابع والخامس وأخر البيت السادس والبيت اللي قبل الأخير كلها ينقصها حرف الألف وايصبح البيت مكسور

وسلامتك فأرجو تصحيحها لتظهر با الصوره المناسبه وشكرأ

مشكور اخوي وصح لسانك

قصيده جزله ونطالبك في المزيد

صح لسانك يا خال وبيض الله وجهك

الله يردك لديرة أهلك وربعك وتشرب عندهم فنجال القهوة

في مجلسٍ ما فيه قيلٍ وقال

جزل وراعي جزلات يا أبو عيد لا هنت

مشكور يالنشمي على هالقصيدة الرائعة