قصيدة الحفل - أحفاد يكملون مسيرة الأجداد

بسم الله الرحمن الرحيم

السلام عليكم ورحمة الله وبركاته..

هذه القصيدة ألقيتها في حفل إبن العم/ محمد بن نافل بن سعد الشدادي الذي أقيم بمناسبة شفاءه من إصابته الذي تعرض لها أثناء تأديته الواجب في حدودنا الجنوبية ضد المتسللين الحوثيين, وقد حضر الإحتفال جمع كبير من قبيلة ابن الحارث والقبائل الأخرى ونشكر لهم حضورهم ومشاعرهم الطيبة..

مبداي بأسم الله علام كونها = رب العباد ورحمته يرتجونها
الواحد الفرد الصمد فالق النوى=مدبر الأرزاق منشي مزونها
سبحان محيي الأرض من رايح الحياء = ومودع صحاريها تشابك فنونها
عقب المحل صارت جنان ٍ وخضرة = والبدو صوب العشب تدفع ظعونها
رب ٍ رحيم ورايف ٍ في عباده = أجاب دعوات ٍ إله يرفعونها
ما خاب عبد ٍ يلتجيبه ويزبنه = ينجيه من ضيم الليال وشطونها
يقول فيصل من هجوسه مثايل = نظم معانيها وضبط لحونها
سوات نظم اللول في عنق بيضاء = بيضاء ٍ من الخفرات تدعج عيونها
الشعر صادقني وأنا صادق ٍ له = ومحلا الصداقة كان طابت ظنونها
أرفع مقام الشعر ما اهفي مقامه = سوات ناس ٍ ملحته يسمجونها
ويعجبني البيت الجزل لا سمعته = وإن قلت لي كلمة لزوم ٍ أصونها
الشعر ورث جدودنا ورث أهلنا = ماهوب لعبة شلة ٍ يلعبونها
والليلة التاريخ حاضر ويكتب = في كتبه اللي ما بعد باح لونها
بطولة أحفاد ٍ مشوا بثر أهلهم = أمجاد جدّان ٍ لهم يكملونها
سلمت يا محمد وهذاه واجبك = وتنشر لك البيضاء بعالي ركونها
ولا هو غريب ٍ موقفك يابن نافل = وأنتم نواميس الفخر تكسبونها
وقدامنا جداننا يابن عمي = أرواحهم دون الوطن يرخصونها
يوم إنها بالخيل والجيش والقناء=ومسلبات ٍ للعداء ينقلونها
مع جيش أبو تركي لهم فعل بيّن =يوم الذياب السحم تضرس سنونها
مع الإمام الشهم صقر الجزيرة=خاضوا الحرايب وأرتووا من منونها
مسيرة التوحيد خاضوا جهادها = سيرة بطل كلا الملا يعرفونها
عبد العزيز الفيصلي طيّب النسب = قضى على الفتنة وركد جنونها
وخلى القبائل تتحد عقب فرقة = وسنة محمد سنة ٍ ينهجونها
ما جن بمثله لابسات اللثايم = أسطورة ٍ تبقى ليا أتلا زمونها
ويوم البوارق مع معزي تقدمت= وكل عزوة ٍ راياتهم يحملونها
لنا بارق ٍ معروف مهوب خافي = لا أختفت عقول الرجال وذهونها
في راي شيخ ٍ بالولاء بايع الملك = بيعة وفاء وإخلاص تشهد ضمونها
شرار بن مهرس مقدي السرايا = قاد الجموع وشيمته ما يخونها
تحت راية التوحيد يصهل حصانه =ما هاب دقلات الخصوم وحصونها
حنا بن الحارث هل السيف الأملح= وأهل الرماح اللي وساع ٍ طعونها
قبيلة ٍ مثل الجبال الرواسي = هوج العواصف ما تحرك سكونها
عاداتنا كسب الثناء من جدودنا = نمشي مماشيهم وناخذ فنونها
ونفتل ونقض حزة النقض والفتل= وإن كبرت القالة نسدد ديونها
إليا فتلنا صدق يا وي فتله = تصعب على اللي ودهم ينقضونها
وإليا نقضنا كل خافي تبيّن =لو كان روّاد الحيل يفتلونها
وكل القبايل مثلنا ما نسبهم= ونعم ٍ بهم في المعضلات وشطونها
دون السعودية نقف صف واحد=تحرم على عدواننا ما يجونها
يا دار أبو متعب عساكي عزيزة = حنا فداك من الليال وغبونها
حنا فداياكي وحنا جنودكي =والوعلة أم قرون نكسر قرونها
ولا همنا اللي في قفانا تكلموا = تموت الحيايا وسمها في بطونها
تمت وصلى الله على سيد البشر = ما غرد القمري بليّن غصونها

فيصل بن زايد بن مهرس

يا دار أبو متعـب عساكـي عزيـزة ..... حنـا فـداك مـن الليـال وغبونهـا
حنـا فداياكـي وحـنـا جنـودكـي ....... والوعلة أم قـرون نكسـر قرونهـا
ولا همنا اللـي فـي قفانـا تكلمـوا........ تموت الحيايا وسمهـا فـي بطونهـا

صح لسانك أخوي فيصل
قصيدة رائعة
أتوقع إنها أجمل ما قيل بهذه المناسبة
لا هنت

أنا أشهد أنك رفعت مقام الشعر يا شاعرنا المبدع دائماً / فيصل بن مهرس بالقصائد الجزلة وأنك صادق مع الشعر ومخلص معه وصداقتك معه طابت ظنونها , الله أكبر ما أجمل القصيدة وماأروعها , فعلاً هناك شعر حقيقي له معنى وله روح يجذبك عند سماعه أو قراءته , وفيه شعر سامج بلا معنى وبلا روح مجرد صف كلام من شخص مستشعر وليس بشاعر , بيض الله وجهك يا شاعرنا الرائع فيصل على قصيدتك الرائعة وعلى وحضورك وموقفك المشرف في حفل أبن عمك البطل / محمد بن نافل بن سعد الشدادي الحارثي , ننتظر قصائدك الجزلة بفارق الصبر فلا تبخل علينا بإبداعك يا أبن مهرس والله يوفقك دنيا وآخرة ويحفظك من كل مكروه اللهم آمين .

فيصل


لله درك يا رجل كيف جعلتني أقوم بقرائتها أكثر من مررة

لله درك يا رجل فأمثال هذهـ النصوص نادرة وصعبة ولا يجيدها إلا شااعر متمكن شرواك


فيصل


كل الشكر

فيصل


صح لسانك وعلا شأنك وبيض الله وجهك

ويستاهل بطلنا محمد


وينطيك العافية

شاء الله تبارك الله يا أبو زايد
القصيدة والله قمة في كل شيء
كفيت ووفيت وما قصرت
والله يبيض وجهك
وونعم بربعنا كلهم من دون قصور في أحد

فيصل

الله يبض وجهك ويحفظك شاعر متمكن ولا فيك حيلة ياأبو زائد طالت أيامك وكثر الله من أمثالك
بالقبيلة والدولة.

		المشاركة الأصلية بواسطة : شموخ شدادية اقتباس
	يا دار أبو متعـب عساكـي عزيـزة ..... حنـا فـداك مـن الليـال وغبونهـا حنـا فداياكـي وحـنـا جنـودكـي ....... والوعلة أم قـرون نكسـر قرونهـا ولا همنا اللـي فـي قفانـا تكلمـوا........ تموت الحيايا وسمهـا فـي بطونهـا صح لسانك أخوي فيصل قصيدة رائعة أتوقع إنها أجمل ما قيل بهذه المناسبة لا هنت

حياك ِ الله أختي شموخ شدادية

وشكراً على مرورك ِ الراقي والمميز

		المشاركة الأصلية بواسطة : سطام الشدادي اقتباس
	أنا أشهد أنك رفعت مقام الشعر يا شاعرنا المبدع دائماً / فيصل بن مهرس بالقصائد الجزلة وأنك صادق مع الشعر ومخلص معه وصداقتك معه طابت ظنونها , الله أكبر ما أجمل القصيدة وماأروعها , فعلاً هناك شعر حقيقي له معنى وله روح يجذبك عند سماعه أو قراءته , وفيه شعر سامج بلا معنى وبلا روح مجرد صف كلام من شخص مستشعر وليس بشاعر , بيض الله وجهك يا شاعرنا الرائع فيصل على قصيدتك الرائعة وعلى وحضورك وموقفك المشرف في حفل أبن عمك البطل / محمد بن نافل بن سعد الشدادي الحارثي , ننتظر قصائدك الجزلة بفارق الصبر فلا تبخل علينا بإبداعك يا أبن مهرس والله يوفقك دنيا وآخرة ويحفظك من كل مكروه اللهم آمين .

حياك الله يا أبو حماد

وشهادتك تعتبر وسام على صدري

وشكراً على الإطراء ولا هان راسك يابن عمي

صح لسانك يابو زايد قصيده في منتهى الروعه
لو قريتها في اليوم مئة مره مامليت من ترديدها
تحياتي لك تقبل مروري