يا قاري الأبيات بأعطيك الدلايل لا غديت

السلام عليكم ورحمة الله وبركاته ،،



نعتذر من الجميع على الغياب الذي حصل منا ولو بالتمنى لما فارقناكم ثانية .



ونترككم مع هذه النفصيحة .

ربي ولي الكون علام الخفاء بسمه بديت = وحضرت جزلات البيوت البارح وصفيتها


وأخذت منها في مواضيعن كثيرات وعطيت = حتى تبين لي هدف في وجهته مشيتها

ياقاري الأبيات بأعطيك الدلايل لا غديت = ولا أقول أنا عالم ولكن تجربه مريتها
الوقت لامنه مضى ما ينفعك كان وياليت = وفي غيبنا الأنفس تغادرنا حسب توقيتها
يالأدمي دنياك مثل الليل الأضلم لا سريت = والوازع الديني سراج ونور إذا قويتها
يالأدمي سيس بناك وجوده لامن بنيت = وأحرص على الميده وجودها ليا صبيتها
وأصبر بوقت الشده وتلقى ثمرها لا جنيت = وقدام تدخل بيتها أعرف مخارج بيتها
وحسن التعامل والأدب يعجل لك مع الناس صيت = والعكس ينقص قدرك مع الناس إذا حاكيتها
وأحرص على خوة رفيق الطيب لامنك مشيت = وأهل الردى ما ينفعون بشي لو خاويتها
وأختامها تمت وأنا في خاطري عشرين بيت = لكن بما قلى ودل أوفيتها وأنهيتها

وسلامتكم



أخوكم / فارس بن عايض بن علي الشدادي .

هلا يالله حية
مرحبا ملايين بالغايب الحاظر بكل علم طيب لصغير ولشايب
صح لسانك يافارس ولاتقطعنا بغيابك يازميلنا

صح لسانك

الله يعطيك العافيه

تقبل مروري

سلمت هذه الانامل ع الكلمات الرائعه

صح لسانك

تقبل مروري

صح لسانك ويعطيك العافية

قصيدة رائعة

دمت بخير

يا هلا والله بشاعرنا أبو عايض
نورت المنتدى بحضورك
بعد طول غيابك
وصح لسانك ملايين على هذه القصيدة
الرائعة والله يبيض وجهك

صح لسااااانك يافارس

وبيض الله وجهك

تحياااااااااااااااتي

^
^

أبيات رائعه بحق ..


صح لسانك والله يعطيك الف عافيه ..

صح لسانك وعلا شانك


يعطيك العافية
دُمت بحفظ الرحمن

ياهلا مرحبا بك

وصح لسانك وبيض الله وجهك