المذاهب الاربعة

أبدى بذكر الواحد اللي فوق خلقه معتلي=يعلم بما تبدي النفوس وكل خافي يعلمه
اطلبه يشملني بعفوه يوم في القبر انزلي=واقرب قريب يصك قبري والتراب يليمه
في يوم ما يبقى معي يا ناس يكود اعملي =إن كان خير مقدمه وان كان شر مقدمه
من بعدها صغت القوافي والشعر مسترسلي=وابني من بيوت الشعر ما يستوي لي وانظمه
وقطفت من زين الورود المثمره ما طاب لي =من هيض شاعر لا بنى له بني محدٍ يهدمه
والحمد لله ديننا الاسلام دين مكملي=نتبع رسولٍ خصه الله بالرساله وكرمه
بعثه الله رحمةٍ النا نبيٍ مرسلي=وكلٍ شهد برسالته حتى الطيور الحايمه
وحنا على الدين الحنيف ولا أحد عنه يغفلي =على الصراط المستقيم بفضل ربي ونعمه
احفاد ابوبكر وعمر واحفاد عثمان وعلي=والشرك وهل الشرك بإذن الله نقدر نهزمه
وأنا عرفت المذهبين الشافعي والحنبلي=والحنفي والمالكي وكل مذهب فاهمه
اختار منها ما يوافق للكتاب المنزلي=واللي يخالف ما اتعصب له وحقه مهضمه
واليا بديت مع الرجال ابدي على وجهٍ جلي=وقسمي من خيار القسوم بفضل ربي وكرمه
وان صار لي موضوع أشاور فيه رجلٍ عاقلي=اللي يجي بالحل لي والسر عنده يكتمه
واليا حضرت بمشكلة انقض حبلها ما فتلي=وراعي الخطى ما أجامله وابدي الخطى وكلمه
واقاربي مهما حصل منها ما وريها زعلي=عيبٍ على الرجال يزعل من لحمه ومن دمه
والجار لو يخطي عليه عن خطاه اتنازلي=الجار له حقٍ كبير وكل مسلم يفهمه
وافرح ليا جوني ضيوف ولا عليهم أبخلي=وإن شفت ضيفٍ عند جاري ما أنبسط لين اعزمه
وأنا رجل شاعر وأعرف اللي علي واللي الي=أقدم الشعر الحسن واللي سمعه يقيمه
واللي يبي شعر الغزل شعر الغزل ما هوب لي =أخاف يتسجل عليه ذنب وأنا ما أعلمه
وشاعر ما رد الا غزل لو هو سكت كان اجملي=ما يدري انه من عدى لا بد يعدى في غنمه
وكل البشر عندي سوا مسئول والا عاملي=نحب في الله مانحب الشخص من شان قلمه
وأخاوي اللي حافظٍ للدين رجلٍ فاضلي=راعي وفا والمخطيه ما قط زل بها فمه
ولا أخاوي كل واحد للنميمة ينقلي=هذاه ما بغى خوته واشره على اللي يزهمه
واليا بلينا به خوي أقول له ما جاملي=امسك لسانك عن مغيب وانتبه لا تظلمه
واللي ليا جات الصلاة وقلت صلوا يجفلي=واليا نشدته قلت وينك جاب عذر مولمه
هذا ترى ما له معي خوة ولا له قابلي=ولا أدخله في حلتي ولا يزل بها اقدمه
ولا أنازل من كرهت واللي أحب ما عاملي=هذي نصيحة عاقل قاسى الزمان وعلمه

يا هلا والله بشاعرنا الكبير
أبو سعد
والله يحييك من جديد بهذه العذبة الرائعة
والله كفو يا شاعرنا وونعم ألف مرة بك
وما بك شك ولا بطيبك وأخلاقك وأصالة معدنك
وعساك على القوة اليوم ودوم

وأنــا رجــل شـاعـر وأعــرف الـلـي عـلـي والـلـي الــي أقـــــدم الـشــعــر الـحــســن والـــلـــي ســمــعــه يـقـيــمــه

واللـي يبـي شعـر الغـزل شعـر الغـزل مـا هـوب لــي أخــــاف يـتـسـجـل عـلـيــه ذنــــب وأنـــــا مـــــا أعـلــمــه

وشاعر ما رد الا غزل لـو هـو سكـت كـان اجملـي مـا يـدري انـه مــن عــدى لا بــد يـعـدى فــي غنـمـه

وأنــا رجــل شـاعـر وأعــرف الـلـي عـلـي والـلـي الــي أقـــــدم الـشــعــر الـحــســن والـــلـــي ســمــعــه يـقـيــمــه

واللـي يبـي شعـر الغـزل شعـر الغـزل مـا هـوب لــي أخــــاف يـتـسـجـل عـلـيــه ذنــــب وأنـــــا مـــــا أعـلــمــه

وشاعر ما رد الا غزل لـو هـو سكـت كـان اجملـي مـا يـدري انـه مــن عــدى لا بــد يـعـدى فــي غنـمـه

قصيدة رائعة وجزلة ومن شاعر جزل وصح الله لسانك مليون
يا أبو سعد لكن في بعض الأبيات قسوة لشعار الغزل
ولكن الجزل والكفو لا يجيب إلا جزل
سواءً في غزل أو في أي
غرض من أغراض
الشعر
وأنا معك من جهه وأخالفك الراي من جهه أخرى مثلاً بعض شعار الغزل إذا تغزل هزل ودخل في أمور لايقبلها الدين ولا العقل
ويستحي الشخص الذي به ذرة رجوله يقول ما قال وشعار أخرون إذا قالو أبدعو بجزاله ووصف
لايمس شرف أحد ولا يسي لدين الإسلامي بشي والحب واجب في الحياة
وليس بحرام فلا تعم الجميع يابو سعد
وصح الله لسانك مرة أخرى

صح لسانك

والله يعطيك العافية

صح لسانك ولا هنت ياعايش قصيده جزله من رجل جزل وكفوا
والله لايهينك على ماقدمته
وزي ماقال الرحال الغزل الشريف والعذري اللي مايطلع مفاتن أحد ولا يمس شرف أحد ليس بحرام

الأخ العزيز رئيس الهرم السلطان يشرفني ويسعدني مرورك
وشهادتك وسام على صدري وانتم سندي وفخري
الاد شداد خاصة والحرث عامة وجميع أعضاء
منتدانا الغالي وزواره الآعزاء

		المشاركة الأصلية بواسطة : الرحال اقتباس
	وأنــا رجــل شـاعـر وأعــرف الـلـي عـلـي والـلـي الــي أقـــــدم الـشــعــر الـحــســن والـــلـــي ســمــعــه يـقـيــمــه واللـي يبـي شعـر الغـزل شعـر الغـزل مـا هـوب لــي أخــــاف يـتـسـجـل عـلـيــه ذنــــب وأنـــــا مـــــا أعـلــمــه وشاعر ما رد الا غزل لـو هـو سكـت كـان اجملـي مـا يـدري انـه مــن عــدى لا بــد يـعـدى فــي غنـمـه وأنــا رجــل شـاعـر وأعــرف الـلـي عـلـي والـلـي الــي أقـــــدم الـشــعــر الـحــســن والـــلـــي ســمــعــه يـقـيــمــه واللـي يبـي شعـر الغـزل شعـر الغـزل مـا هـوب لــي أخــــاف يـتـسـجـل عـلـيــه ذنــــب وأنـــــا مـــــا أعـلــمــه وشاعر ما رد الا غزل لـو هـو سكـت كـان اجملـي مـا يـدري انـه مــن عــدى لا بــد يـعـدى فــي غنـمـه قصيدة رائعة وجزلة ومن شاعر جزل وصح الله لسانك مليون يا أبو سعد لكن في بعض الأبيات قسوة لشعار الغزل ولكن الجزل والكفو لا يجيب إلا جزل سواءً في غزل أو في أي غرض من أغراض الشعر وأنا معك من جهه وأخالفك الراي من جهه أخرى مثلاً بعض شعار الغزل إذا تغزل هزل ودخل في أمور لايقبلها الدين ولا العقل ويستحي الشخص الذي به ذرة رجوله يقول ما قال وشعار أخرون إذا قالو أبدعو بجزاله ووصف لايمس شرف أحد ولا يسي لدين الإسلامي بشي والحب واجب في الحياة وليس بحرام فلا تعم الجميع يابو سعد وصح الله لسانك مرة أخرى

صح بدنك اخي وعزيزي الرحال وانا ليس ضد الغزل المباح
ويسعدني مرورك العطر

		المشاركة الأصلية بواسطة : رعد الجبوب اقتباس
	صح لسانك والله يعطيك العافية

صح بدنك والله يعافيك شكراعلى مرورك

صح لسانك

نص جميل وراق ِ وشاعر ذواق

تقبل تحياتي وتقديري

اخي العزيز الغريق سرني واسعدني مرورك وتعبيرك الجميل
وكما اسلفت في ردي على اخي الرحال عن شعر الغزل
العفيف فانا ليس معارض عليه والغزل بحر من بحور
الشعر يسبح فيه من يهواه0