قافٍ إلحاقي

اخواني الكرام كنت احسب اني قد سجلت هذه القصيد في هذا المنتدى من قبل وبعد مشاهدتي

لمشاركة الاخ سعد العضياني على قصيدتي التي تحمل عنوان هذا شان يعنيني بعيبه ونوماسه

وطلبه لهذه القصيده اولا يشرفني طلبه واتشرف بتسجيلها

ثانيا منتديات الشدادين عندي غاليه واتشرف اني اكون احد اعضاها واللي يعرفني من الاخوان يعرف ذلك0

اتمنى ان تحوز على رضى الجميع

يقول من ساقة هجوسه وساقي =فكره حروف ابيات قافٍ لحاقي
بعد افتكاري في نواحٍ عديده= وايام غيباتٍ وساعة تلاقي
وصمتٍ طويلٍ مايميز حدوده=مدري علامة رفض وإلاوفاقي
حامة هجوس القلب حومٍ غريبي = ولاحضت فيها لمةٍ وفتراقي
ونزلت في ميدانها لجل المها=واسوقها سوقة حنايا العناقي
الغايه اني سقت ماجاز سوقه=وصرفت بالي عن كثيرٍ بواقي
اللي سراها مافتحلي مجاله = واللي طلبها مايناسب مذاقي
لكن ياصفحات نشر القوافي= على سطورك وجهي كل راقي
مني لبن عياد صافي تحيه = وسلامٍ احلا من حليب النياقي
وشكري وتقديري وكل احترامي= ازفله ماطاب منها ولاقي
بنت الهواء ركبت على طائر الهواء=لمعانقة عشيق عشق العشاقي
ذاك الشطير اللي عرفنا سجله =صحيح من بعض الأقاويل ناقي
يابو فهد شف شمس قبل امس غاربه=ثم جالها غيبات بعد الشراقي
طال الزمان وغير الضن هاجسه=والحث والعجله تصرف حماقي
إن كاني غلطان عذري يقدم= وإن كاني مدل لاحضت تاقي
بيني وبين اللي مناجاه ساعه= يدفني يمه عضيم إشتياقي
وختامها مني سلامي يكرر=صفحة فواصل عبر قافٍ لحاقي

عواض بريكان الشلوي

يا هلا والله بشاعرنا الجميل
عواض الشلوي
والله يحييك يا الذيب في منتداك بهذه القصيدة الرائعة
يستاهل شاعرنا سعد تلبية طلبه وألف شكر لك

ابو بدر
صح لسانك ولا هنت
مميز دائماً قصيدك له نكهه خاصة
وبصمتك معروفه لكن عطنا من
الجديد تحياتي لك

صح لسانك ويستاهل سعد


ولاهنت

صح لسانك يابوبريكان

وبيض الله وجهك

والله لايهينك ياذيب

صح لسانك
وبيض الله وجهك
ابو بريكان
ويستاهل سعد تلبية طلبه
ولاهنت

صح لسانك وبيض الله وجهك قصيدة رائعه وراقية ورائقة

سلمت يمناك عددّا بلا مدد

لا تحرمنا جديدك ياشاعرنا المميز عواض الشلوي

		المشاركة الأصلية بواسطة : السلطان اقتباس
	يا هلا والله بشاعرنا الجميل عواض الشلوي والله يحييك يا الذيب في منتداك بهذه القصيدة الرائعة يستاهل شاعرنا سعد تلبية طلبه وألف شكر لك

المهلي مايولي الله يحييك اخوي ابو عبدالله

شرفني مرورك الرائع

الله يبارك فيك ويعطيك العافيه

		المشاركة الأصلية بواسطة : صقر المراجل اقتباس
	صح لسانك ابو بريكان وبيض الله وجهك وقصيده طيبه من شاعر وافي على العلم الغانم وعساك على القوه مبدع ومتميز

مرحبا اخوي صقر المراجل

صح بدنك يالغالي

ووجهك ابيض


اسعدتني بحضورك وتواجدك الرائع

لاهنت الله يبارك فيك ويعطيك العافيه

		المشاركة الأصلية بواسطة : سعد العضياني اقتباس
	ابو بدر صح لسانك ولا هنت مميز دائماً قصيدك له نكهه خاصة وبصمتك معروفه لكن عطنا من الجديد تحياتي لك

هلا ومرحبا

حياك الله اخوي سعد وصح بدنك

اسعدتني بتواجدك الرائع

الله يعطيك العافيه ويبارك فيك