اذا حد قال لك كل تبن بتزعل

اذا قالك احد كل تبن ! .

لا تزعل

::
::
::

لان التبن حلا قمه في الروعه
الاسم لك عليه شوي

حلى تبن خطوه بخطوه بالصور

::
::
::

:: المقادير ::

بسكوت ( اولكر او هلال )
علبة قشطه
بياله شاهي سكر
نص فنجال زيت
3 ملاعق حليب بودره
3 ملاعق شوكلاته بودره
نستله
شعيريه باكستانيه

:: الطريقه ::

1 / نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب ..

2 / ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره.. >> لازم ثلاث ارباع غيرة تخرب الطبخه

3 / نغمس البسكوت بالخلطه اللي سويناها قبل >>> ركزو زين عشان تطبقون

ونسويه ثلاث طبقات زي كذا ..>> لازم بعد ثلاث طبقات طبقتين مايصلح

طيب بعد مانسوي الكميه اللي قصيناها من البسكوت وخلصنا ....
نحطهم بالفريزر لمده ماتقل عن ساعه عشان تجمد الشكولاته وتتماسك ....

4 / نكسر الشعيريه الباكستانيه كسر صغيره مرره ونحمسها ع النار لحد ماتتشقر ....

5 / نطلع البسكوت من الفريزر ونغمسه بالنستله وبعدين يقلب بالشعيريه

نجي عاد لطريقة التقديم

نقصص من خيشة الرز او خيشة القهوه حبال زي اللي با لصوره لانه راح نستخدمهم بربط مربعات الحلا ....
( ماننسى اذا قصيناهم نغسلهم )

ناخذ الحبال ونربط فيهم المربعات ويطلع عندنا الشكل التالي

ربطناهم وخلصنا نجيب صينية التقديم ونحط عليها ورق الحلى وندهنها بشوية نستله ونحط عليها سميد

ونرص التبن فيها كح اقصد الحلى فيها

وبطلع عاد للشكل النهائي

ولو تبون خروف للتبن بعد موجود

المقادير

جونيور او كراوسآن مثل مانسميه ..نستله ..أعواد كبريت ....كاكاو مثلثات ..جوز الهند ..
وللتزيين / صبغه خضرا>>

الطريقــه

*تجيبون اللكروسان وتغمس بالنستله بعدين بجوز الهند ..

*بعدين تجيبو أعواد كبريت وتدخلونها من تحت الكروسان

بحيث إن رأس الكبريت يكون تحت يصير كانه رجلين

بعدين تجيبون الكاكاو وتقطعونه كل مثلث لحاله ..

وتاخذون مثلث واحد تدخلونه بعود أسنان ... بعدين تدخلونه بالكروسان وهذا الراس ..

تجيبون الصبغه تصبونها عالجوز الهند وتخلطوونه فيصير جوووز الهند أخضر..

بعدين تحطوونه في صينيه..وهذا العشب

وتصفون فوقه الخرفان..

ملاحظه يمكن الاستغناء عن الصبغه الخضرا بقليل من ورق البقدونس
الشكل النهـآآئي

يالبى التبن اجل
بقول لاهلي يوكلوني ع الطالع والنازل تبن

أسلوب جميل في الطرح والتشويق
تسلم يديك أختي الشيهانة
والله يعافيك ويكثر خيرك

طريقه رائعه
ولكن اخيتي ليه تشهينا بالحلا
ماراح اسامحك الين تحكرين لنا دله مهيله ومع هذا لحلا
وتعزميناالله يعينكم علي ضيفه وبعد تتحكم
ههههههههههه
بارك الله فيك
وتسلم يدك
ودمتي بحفظ الرحمن

هههههههههه وانا على بالي موضوع بالقسم العام

اسم الموضوع خطير

ويسلمو على الطبخة

والله يوم قريت الاسم قلت بغيره للافضل

بس شفت الحلا قلت اتاري التبن حليو

شيهانة اشكرك واشكر تواجدك المميز في الاقسام النسائية

الله والله رووووووووووووووووعه
لازم يتنفذ حلاء التبن قريبا
تسلم ايدك
تقبلي تحيتي

آشكرك ع مرورركَـــــ ..

يا السلطان

هلا والله في العاتي
ابشري في المهيله يا سنافيه

هههههههههه
شيهانه التبن طلع حلا
اصلا الحلى ما احبه
وان قال كل تبن تهاوشت معه
وان قال تعوذ من ابليس هذا حلى ظربته مره وحده

اهم شي نورتينا يا مزيج