اضرار بايسن كلك حركات

اضرار بايسن كلك حركات

تبون تعرفون ليش بايسن كلك حركات

وليش تسمية كلك حركات

شوفو

*,’

السلام عليكم ورحمة الله وبركاته

بايسن كلك حركات ... ليه ؟!! تعالوا معاي نكتشف السر ...
ومن البقالة اللي بجنبكم اشتروا علبة بايسن ...
وخلونا نعرف ... كيف نصير حركات ؟ .



علبة تشبه * البيبسي* إلى حد كبير ...
ختم من وزارة الصحة ..
' مسجل في ( وزارة ) الصحة '
مصنّع في مصنع ' أبو الجدايل ' بجدة


يعني وبكل بساطة منتج سعودي ..
طيب ما علينا ،، خلونا نقرأ إيش مكتوب على هذي العلبة الزرقاء
المهم ..
يا كثر التحذيرات المكتوبة على العلبة مرة بالأحمر ومرة بالأزرق .. تشكيلات تفتح النفس

خلونا نقراها :
.علبتين تقضي عليك ...
ياللي قلبك مريض ولساتك تطلب الدنيا أبعد لا يجيك شي ..
ويا أبو الضغط والسكر يرحم أبوك لا تاخذه ..

ويا أطفال ترا هذا شراب القوة والشجاعة وبعدكم صغيرين لا تشربونه ..
ويا حرمة يا حامل تراك ضعيفة بعدي عنه ..
أقول ليه ما يبيعونه بصيدلية ويصير بوصفة طبيب أحسن !!


آها الحين ،، وصلنا لمربط السر ..المكونات ,,
وأهم مكونين هم :
1)بنزوات الصوديوم ..
2)و حامض الستريك ..
.:. .:. .:. .:.
وهذي المادتين الله يطول لي بأعماركم من أقوى اللي تخليك

كلك حركا ت
عارفين ليه ؟!
أنا اقول لكم ...

فعالية المادتين....
بنزوات الصوديوم يستخدم ضمن مواد التحنيط
يعني ...
عندك جربوع لونه مميز وحاب تحتفظ بشكله
عندك ضب لونه عاجبك

وعندك ركن بالبيت حاب تحط فيه هالحيوانات بعد تحنيطها
ما عندك مشاكل ... رشتين بنزوات الصوديوم
تنشف عروقه تنشيف ..
بس ها ا ا ا ا ه
ابعد هالمركب عن جلد الضب لأنها كفيله بسلخه سلخاً مبرحاً ...
أما
حامض الستريك
لا .. لا ترى هذ ا المحلول طيووب مرة أليف ..
هو بس يخفف من كثافة البوية لما تبغى تلون جدران بيتك ...
بإختصار ..
هذه مكونات مشروب الطاقة ...
اللي راح يخليك حركات من أول شفطة تأخذها ...
زيه زي أي مشروب غازي

النتائج....

يساعد على الاسراع في :
الهشاشة المبكرة للعظام ...

يسبب القرحة ...

صفار الاسنان وضعفها ....

يسبب جفاف لقرنية العين ....

بمعنى أصح يساعد على فقدان البصر ...

واللي زاد الطيب بله ...
مدري إيش الطاقة اللي حاطينها فيه ...
يا خوفي انهم مكثرين من نسبة الكافيين فيه ..

يقولون إنه صار مشروب ممنوع ....
شي يضحك ... ما يدرون إن الممنوع مرغوب !!

تصدقون ...

عمري ما تخيلت إني في يوم راح اكتب عن هذا المشروب الغبي ..
إلا لما أيقنت انه ممكن يكون السبب في فقدان ناس نحبهم ..
ناس في عمر الزهور او آباء وأمهات..
يشربونه

في اي وقت .. ويكون الثمن حياتهم
:
:
عرفتوا ايش هي هالحركات حقت بايسن

وهل الجسم الميت .... تصدر عنه حركات


ولكم محبتي ....



وبتمنى استفتو منه

أوف كل هذا من هالبايسن

الله يكفينا الشر والمشكله كل شئ ممنوع هو مرغوب عندنا



لاهنتي روان

روان الله يجزاك خير آخذت نص ساعة ابي افهم العنوان اخر شيء آكتشفت .!!!

آنك ناسخة الكلمات الدليلية يوم جيتي تنقلين الموضوع وغير كذا موضوعك ملغم من نفس الموقع الي نقلتي منه

المهم مالك في الطويلة البايسن ما آشربة الا لا جاني حرارة وزكام آحس بعدها آتناشط

شكراً

موضوع رااااااااااايق من جد اصبتي كبد الحقيقه..!

ههههههههههههه شاهر الله يهداك الناس تعوف البارد بالزكام ههههههههه

وانت تقبه هههههههههههه

تشكوراتي بنوته

الحمدلله أنا عن نفسي أكره هالمشروبات اللي مدري كيف مصنوعة
حدي إذا اشتهيت شاني
الله يحمينا ويبعد الشر عن المسلمين
تسلمين

شربنا منه لين شبعنا..
والحمدلله كرهناه عقب بطا..

مشكوره على هذه التحذيرات مع انا نقراها بس نتجاهلها
عباطه بس نبي نشرب
كما يقال.. كل ممنوع مرغوب

والله أنا من فترة لفترة أقب لي علبة
ما أحب أكثر
وأحب بعد كود ريد
لكن من اليوم
لا مشروبات طاقة ولا خرابيط

شكراً روان

ههههه ياقدمك طبعي الوفا "شــــاني "
والله أنا ما أستغني عن البايسن<<ما تشوفوني في المنتدى كلي حركـــات خخخ
و في الاختبارات لازم ما أذاكر إلا واشرب بايسن
طيب عادي ابطل بايسن واشرب بربيكان ولا كود ريد <<خخخخخ
يسلموو خيتو ع النصيحه
بس كل ممنوع مرغووووب
ودي ..

!!!!
ماتوقعت إنه مضر لها لدرجة
الله يكفينا الشر بس
يعطيك العافية ياروان ع‘ هالموضوع المهم ..
و تسلم يمينك