|
||||||||||||||||||
ترحيبية الرحال بمناسبة زواج خالد بن زايد
أعضاء وزوار شبكة الشدادين السلام عليكم ورحمة الله وبركاته أقدم لكم هذه القصيدة الترحيبية في مناسبة زواج أبن عمي وأخي خالد بن زايد بن ضاوي الشدادي عسى الله يمد في عمره ويشفي والده يامرحبا ياضيوفنا ترحيبةٍ تنصى الجميع=في ثالث إليال العياد الله يعيد هلالها أبدابها وأعيدها بأسم الشجيع أبن الشجيع=والله يحيي من عنا لحفلته حتى جالها خالد ولد من يعشق القمة ومنزاله رفيع=والطايله لو هي على قمة جبل يرقالها من روس قومٍ تحتمي الحدان بالسيف الوريع=وتكحل عيونٍ بالقشر لو ماتلد أشوالها ربعي بني شداد في وقت القسى حصنن منيع=من جدها الأول على الطالات لا أتلى عيالها متوارثين العز والعاصي نطوعه ويطيع=والكايدة يالابتي حنا لها حنا لها واليوم في ضل الشريعه نرخص الروح ونبيع=أرواحنا دون الوطن مانتبع جهالها وأهل الضلاله والبدع لأرهابنا ماتستطيع=حنا حماة الدار حنا درعها ورجالها في ظل حكام الشريعه نتبع هدي الشفيع =اللي محى الأصنام من بيت الإله وزالها اليوم أهنيكم من الشيخ الكبير اليا الرضيع=بأجمل ليال العيد جعل الله يعيد إليالها
|
22 Dec 2011, 10:13 PM | [ 2 ] | ||||||||
شاعر
|
رد: ترحيبية الرحال بمناسبة زواج خالد بن زايد
صح لسانك يابو ضاوي وبيض الله وجهك وخالد يستاهل الطيب لاهنت وهان راسك |
||||||||
22 Dec 2011, 11:09 PM | [ 3 ] | ||||||||
|
رد: ترحيبية الرحال بمناسبة زواج خالد بن زايد
صح لسانك وبيض الله وجهك ياسنافــي وابوزايــد يستاهـتل الطيب لاهنت لاهنت لاهنت |
||||||||
|
|||||||||
29 Dec 2011, 06:52 PM | [ 4 ] | ||||||||||||||||||||||||||||
شاعر
|
رد: ترحيبية الرحال بمناسبة زواج خالد بن زايد
صح لسانك يالنشمي حتى ترضى ونعم فيك وفي ربعنا الشدادين قديما وحديثا ياسنايدي قصيده كالمعتاد تفوق مجالات الابداع ولاهي غريبه عليك تقبل مروري وخالص تحياتي |
||||||||||||||||||||||||||||
|
|||||||||||||||||||||||||||||
05 Jan 2012, 10:45 AM | [ 5 ] | ||||||||
مؤسس شبكة الشدادين
|
رد: ترحيبية الرحال بمناسبة زواج خالد بن زايد
كفو والله يا أبو ضاوي ومواقفك مع بني عمك تشرفك صح لسانك ملايين |
||||||||
|
|||||||||
05 Jan 2012, 10:56 AM | [ 6 ] | ||||||||
مراقب عام
|
رد: ترحيبية الرحال بمناسبة زواج خالد بن زايد
الرحال ونعم بك وبخالد وبيض الله وجهك شاعر وسطرت شعرك في مدح ابن عمك وقبيلتك وهذا لايجيدها غير الكفو ياحزامي. |
||||||||
|
|||||||||
05 Jan 2012, 02:40 PM | [ 7 ] | |||||||
شاعر
|
رد: ترحيبية الرحال بمناسبة زواج خالد بن زايد
صح السانك يالرحال خالد يستاهل كل خير |
|||||||
|
||||||||
06 Jan 2012, 12:53 AM | [ 8 ] | ||||||||||||||||||||||||||||
شاعر
|
رد: ترحيبية الرحال بمناسبة زواج خالد بن زايد
ووجهك أبيض وبالفعل يستاهل كل خير ومهما فعلت لن أوفيه ولو القليل من حقه أخ وأبن عم وخوين وافي |
||||||||||||||||||||||||||||