|
||||||||||||||||||
كيبوردية من الفرحة
يامحيل قل لسعيد إبن جابرإن كان=ماهو بداري عن تقاعد صحيبه يشق عنوانه لاكان اله عنوان=ولاعاد يضرب هاتفه وش يبيبه؟ وقله يبطل يوعد فلان وفلان=ترى صحيبه صار راعي زريبه مافاد يوم إن اله منصب وسلطان=ولاهو بفايد عقب صارت تعيبه ولا اسب إبن جابر ولافيه نقصان=والنعم فيه وعزوته تعتزي به لكن على من يامن الوقت شفقان=ولايامنون أهل العقول اللبيبه وصحبة ردي العزم خيبه وخذلان=ولابد من خاواه يدفع ضريبه اللاش وابن اللاش مع مرّ الازمان=ماسد له لازم ولاينغزي به فلاعمر صارت صبخة الأرض بستان=ولاعمر عود الحنظله فاح طيبه الطيب من وزعة طويلين الايمان=اللي رجل منهم يساوي كتيبه الطيب ماهو سلعةٍ جوف دكان=وتقدر عليه أهل الدراهم تجيبه الطيب ورث أبوان من بعد جدان=وطيبٍ بليا ساس مثل الذهيبه وكم واحدٍ لو طاب مره على شان=مصلوح دنيا يرتجيها غريبه تلقاه في نفسه على الطيب ندمان=ويموت ممتنه ونفسه كئيبه هذا وانا مازلت عاتب وشرهان=على ابن جابر حيث ماهي صعيبه وترى الهدف مابين حبه ونيشان=واللي بعيده عنه بكره قريبه
|
19 Oct 2012, 04:26 PM | [ 2 ] | ||||||||
مؤسس شبكة الشدادين
|
رد: كيبوردية من الفرحة
الله يديم عليك الأفراح والليال الملاح يا شاعرنا أبو أريج وبيض الله وجهك على طيب الحضور وصح لسانك ملايين |
||||||||
|
|||||||||