قصيده نخوه للشيخ نجر بن حواس الشريم

.
.

هذه مناسبه عسى يارب تكتمل ويفرج عنه
حيث أنه كان مشرف على القصاص يوم الثلاثاء الي فات
وتم تأجيله الى شهر محرم من قبل الشيخ نجر ابن حواس
ابن حماد الشريم الشمري جزاه الله الف خير ،
حيث انه طلب الملك عبدالله الله يديمه با الصحه
والعافيه وتمت الموافقه على تأجيله وهذه القصيده
للشاعر(فريح بن مروي الترقصي الشمري)
الى الشيخ(نجر ابن حواس الشريم الشمري)

ياشيـخ ياللـي للصعيبـات حـلال = يالحـر يـافـرز الـوغـا للهدادي
زبن العديم إن حده الضيق عالجـال = ستر العـذارى ياصطـام المعـادي
نجر عريب الساس يا ماضي الافعال = لاصاح في راس الطويلـه منـادي
إنتم حمول الخيل ياشبـال الأشبـال = لاثلثـت حـدر القـدور الهـوادي
لاجت بكم يبطل بهـا كـل عـذال = لاصار بالميـدان ضـرب الهنـادي
ركضاتكم تشهد لهـا كـل الاجيـال = قبل الخديوي وقبـل دور المهـادي
ننخاك يا بن شريـم ياطيـب الفـال = الوقت ضيـق ياعريـب الجـدادي
نجر نجر ياالليث يانسـل الأبطـال = من بعد عون الله عليـك اعتمـادي
حلالها وإن عقـدت روس الأحبـال = بالسيـف للـي يطلبـون السـدادي
اللي زبنكـم زابـن روس الاجبـال = يضرب بكم طيب المثل با البـوادي
ترى دمنا من دمكم نفـس مكيـااال = الجسـم واحـد والفـؤاد الفـؤادي
حنا لكم وانتم لنـا بكـل الأحـوال = مانـا وماكـم مـن مجاذيـف وادي
أفزع لنا ترى حامي القـوم خيـال = لاثقلت خيل الرمـك بـا الطـرادي
يجزاك رب البيت في حسن الأعمال = ويجنبـك شـر العـدا والفسـادي

.

لاهنت أخوي
ع الايراد الطيب
كل الشكر والتقدير

بارك الله فيك..
نقل رائع شكراً لكْ

اشكركم على المرور الاكثر من رائع

الله يكتب له الأجر
أهل الخير واجد
والله يحييك أخوي
ويا هلا بك ويا هلا بطيب مشاركاتك

الله يفرج كربة السجين ويعفى عنه بأذن الله
والله يثيب من سعى له ويجزاه خير
لدي سؤال لك اخي(الترقصي) اسم عائله لأن لي اكثر من عشر سنوات بوسط شمر ماسمعت هالاسم