الى الوطن

مـجـمـوع الأوسـمـة · توقيع : حمد المحياني

.

بديت بذكر من يحيي النفوس وعالم الاوضاع = خلق ويميتها وبقدرته للحشر يجمعها
بعد ما هبت ابيات القصيدة كنها الذعذاع = محبة موطني من خافقي بالشوق تدفعها
ترى لك حق ياهذا الوطن لا ضاعت الاسناع = من حقوقك رقاب المعتدي غصبا نطوعها
ترانا مالنا لاجت لزومك ياوطن مرجاع = عن الغاية نفوس رجال ما تقدر ترجعها
وترانا اجسادنا دونك وطنا لادعيت دفاع = تجيك ارواحنا كلٍ لاجل عيناك بايعها
حدودك نحتميها من يدين الحقد والطماع = تبي تكسب طمايع مير ماحنا طمايعها
وحنا ابشر بنا في كل وقت ولا دعانا الداع = ولا نخلف لو رخوم العرب تخلف روابعها
وكم هامه طرحناها دفاعٍ عنك حدر القاع = وكم غارة كسرنا فالوغا مقدم طلايعها
ترا حبك وداعة لو سكنا تحت ظل شراع = ولا حنا من اللي ضيعت مرة ودايعها
وطنا قانعين بصيفك اللي حار والمرباع = ولا نرضى بديلك لو هي اللقمة نتوزعها
ومن خيرك حصدنا كل زرع بهمة الزراع = زرع فيك الوفا والطيب والعادات زارعها
وكم ناسٍ تحسر تضرب الاخماس بالارباع = وتحكمنا شريعتنا بعد ضاعت شرايعها
نشاهد كم شعوبٍ في خلافات وفتن وصراع = ولو تخفي عن الانظار شفنا كيف واقعها
وحنا ضد من يبغى لشهوات النفوس اشباع = على خبث العمل والمفسدة تهوى مصارعها
ولا حنا لمن ضاعت عقايدهم حزب واتباع = نفوسٍ ضيعت درب السراط وضاع وازعها
وحنا تحت راية راعي النخوة طويل الباع = ابو متعب ليا من قال كلمة ما يرجعها
ايادية الكريمة حفت الايتام والجياع = وكم عالج نفوسٍ زاد فيها السقم واوجعها
وولي العهد قيدوم السرايا صيرمٍ بتاع = كم عيونٍ تدامع بالبذل يمسح مدامعها
وحنا في ذراهم نكًد البيعة وبالاجماع = بلد خيرٍ مادام الحق يصدح في جوامعها

مـجـمـوع الأوسـمـة · توقيع : بنت النشامى

كفو والله ياشاعرنا
صح لسانك مليون ولايسدون

مـجـمـوع الأوسـمـة · 06 May 2013, 08:39 AM

.

فَاخِرَّة يَفتخِر بـ/ قوافيِها الوُطَّنْ وَ يترنَّم الطيِرُ بـ/ عذبَّاتُ الحَانُها
صَّح الله بوُحكْ حتىَّ تَرضىَّ وَ سَلِمْ هذا الشعوُر الوُطنيْ المُنغمِسْ
بـ/ حُبْ الوُطَّنْ وَ قائِدَّهُـ ’

إِعتلاءْ لـ/ الثُريَّا + تُوشَّمْ بالتميَّز

مـجـمـوع الأوسـمـة · توقيع : بدر الشدادي

المشاركة الأصلية بواسطة : حمد سلطان المحياني

اقتباس

.

بديت بذكر من يحيي النفوس وعالم الاوضاع = خلق ويميتها وبقدرته للحشر يجمعها
بعد ما هبت ابيات القصيدة كنها الذعذاع = محبة موطني من خافقي بالشوق تدفعها
ترى لك حق ياهذا الوطن لا ضاعت الاسناع = من حقوقك رقاب المعتدي غصبا نطوعها
ترانا مالنا لاجت لزومك ياوطن مرجاع = عن الغاية نفوس رجال ما تقدر ترجعها
وترانا اجسادنا دونك وطنا لادعيت دفاع = تجيك ارواحنا كلٍ لاجل عيناك بايعها
حدودك نحتميها من يدين الحقد والطماع = تبي تكسب طمايع مير ماحنا طمايعها
وحنا ابشر بنا في كل وقت ولا دعانا الداع = ولا نخلف لو رخوم العرب تخلف روابعها
وكم هامه طرحناها دفاعٍ عنك حدر القاع = وكم غارة كسرنا فالوغا مقدم طلايعها
ترا حبك وداعة لو سكنا تحت ظل شراع = ولا حنا من اللي ضيعت مرة ودايعها
وطنا قانعين بصيفك اللي حار والمرباع = ولا نرضى بديلك لو هي اللقمة نتوزعها
ومن خيرك حصدنا كل زرع بهمة الزراع = زرع فيك الوفا والطيب والعادات زارعها
وكم ناسٍ تحسر تضرب الاخماس بالارباع = وتحكمنا شريعتنا بعد ضاعت شرايعها
نشاهد كم شعوبٍ في خلافات وفتن وصراع = ولو تخفي عن الانظار شفنا كيف واقعها
وحنا ضد من يبغى لشهوات النفوس اشباع = على خبث العمل والمفسدة تهوى مصارعها
ولا حنا لمن ضاعت عقايدهم حزب واتباع = نفوسٍ ضيعت درب السراط وضاع وازعها
وحنا تحت راية راعي النخوة طويل الباع = ابو متعب ليا من قال كلمة ما يرجعها
ايادية الكريمة حفت الايتام والجياع = وكم عالج نفوسٍ زاد فيها السقم واوجعها
وولي العهد قيدوم السرايا صيرمٍ بتاع = كم عيونٍ تدامع بالبذل يمسح مدامعها

وحنا في ذراهم نكًد البيعة وبالاجماع = بلد خيرٍ مادام الحق يصدح في جوامعها

الله يعز حكامنا ال سعود ولايعز عليهم
ويحمي وطنا من كل مفسد وطماع
وصح السانك وقلبك مليون
على مشاعرك الطيبة اتجاه الوطن واسيادة
لاهنت ولاهان راسك

لك اعذب التحايا