ليلة البارح

ياطول ليل الطوى ياليلة البارح=والذيب يقنب بها عجل ويقضاني
جالت على خاطر السواح والسايح=واحد تروّى وواحد منه ضمياني

ياصاحبي كل من فوق الثرى رايح=والخاسر اللي على دنياه شفقاني
ياكيف ابطرح جلاميده وهو طايح=او كيف اباافتكّ من سهم تقفّاني

شانت نوايا الصدور وقدرها فايح=واحترت مابين خلاني وعدواني
لاثارت الثايره ماينفع الصايح=وان صابت الصف الاول تطرح الثاني

بيض السحايب ليا جا برقها لايح=لاتامن السيل لا خيّلت الامزاني
الكل يروى حسب مايجبد المايح=وتجيك من كف من لا كان متواني

وان شفت وجه الردي عن طلّتك شايح=خلّه فلا خير به قاصي ولا داني
وش عاد ترجي بعد فرقاه يالنايح=لا لا تحسف على شي وهو فاني

الله الله
يا أبو فهد

شاعر كبير ومبدع
تسلم يمينك ويعيش قافك
وصح لسانك ملايين

صح ومنطوقك
على الابيات قلم فاق حدود الخيال
سطورك رائعه
امتعتنا بها سفير وشاعر
كون بخير وسعادة

اسمح لى ارفع اعقالى احترام لهذا النص الخرافى نص ولا كل النصوص من اروع ماقرئته شاعر فحل تستحق التصفيق

		المشاركة الأصلية بواسطة : السلطان اقتباس
	الله الله يا أبو فهد شاعر كبير ومبدع تسلم يمينك ويعيش قافك وصح لسانك ملايين

لاهنت اخي السلطان
فبتضافر الجهود نرتقي
وصح بدنك
وفي رعاية الله وحفظه

		المشاركة الأصلية بواسطة : عشقك خفوقي اقتباس
	صح ومنطوقك على الابيات قلم فاق حدود الخيال سطورك رائعه امتعتنا بها سفير وشاعر كون بخير وسعادة

عشقك خفوقي
اشكرك على هذا التواصل
وهذا الرد الراقي
ولاهنتي

		المشاركة الأصلية بواسطة : الشاعر كامش العنزى اقتباس
	اسمح لى ارفع اعقالى احترام لهذا النص الخرافى نص ولا كل النصوص من اروع ماقرئته شاعر فحل تستحق التصفيق

اسمح لي اخي العزيز كامش
بأن ارفع لك البيض
تتوشحك من رأسك
الى اخمص قدميك
على هذا الانصاف
وهذا الرد الراقي
ولاعليك زود
بيض الله وجهك
ولاهنت ولاعدمناك

شانت نوايا الصدور وقدرها فايح=واحترت مابين خلاني وعدواني

لاثارت الثايره ماينفع الصايح=وان صابت الصف الاول تطرح الثاني

بيض السحايب ليا جا برقها لايح=لاتامن السيل لا خيّلت الامزاني

سفير وشاعر

صح لسانك ياالامير على هاالدره وجزله من راس جزل وتقبل مروري وفائق احترامي

		المشاركة الأصلية بواسطة : احمد الروقي اقتباس
	شانت نوايا الصدور وقدرها فايح=واحترت مابين خلاني وعدواني لاثارت الثايره ماينفع الصايح=وان صابت الصف الاول تطرح الثاني بيض السحايب ليا جا برقها لايح=لاتامن السيل لا خيّلت الامزاني سفير وشاعر صح لسانك ياالامير على هاالدره وجزله من راس جزل وتقبل مروري وفائق احترامي

حياك الله اخوي احمد
وصح بدنك يالنشمي
وماعليك زود
ولاهنت ولاعدمناك

الله يعطيك العافية ع الايراد الاكثر من رائع
شكري وتقديري ..