الألف عني قليلة (تهنئة عشرة أعوام)

الاخوه الكرام اداري واعضاء
(شبكة الشدادين الرسميه)الموقرين
اسعدالله اوقاتكم بكل خير
بالاصاله عن نفسي وبالنيابه عن((شبكة ومنتديات بنيوس الغوريه الرسميه))ارفع اسمى ايات التهاني بمناسبة مرور عشر اعوم على انشاء هذالصرح الشامخ
الذي هوفخر لعموم قبائل بني الحارث كافه والقبائل بنيوس خاصه وان ليؤسفن انتها الفتره المحدده لقبول التهاني والتبريكات والحضور في الوقت المناسب
لها ولكن التمس العذر منكم جميعا بلاء استثناء على القصور في ذلك لعدم الانتباه ولكثرة المشاكل التي تواجهني في هذه الفتره
ويسفني ايضا ان المقال لم يكن على مستوى المقام بشكل مستوفي لاني كتبت على عجله من امري ولكن لاعتزازي بهذا الصرخ ولحبي في المشاركه
بافراحه اطرح على انضاركم هذه القصيده المتواضعه امل ان تحوز على رضاكم والسلا عليكم ورحمة الله وبركاته

((الف الف مبروك لصرحنا الشامخ))

تدوم بعد العشر عاما بعد عام=من خاطري والأالف عندي قليله
رقيت هام السحب في عصر الاعلام=وسميت باسمى منطلق للقبيله
تدوم يامرسى الشدادين بانعام=على المكارم والتقى والفضيله
مقام فخر وعز ترويه ألأيام=لتراثنا ومعاصرينا وجيله
عيال عمي حاضراليوم قدام=دم وكرياته وجين وفصيله
عوال ملفي مروي الحد وحسام=راس الطويله لابدى بالطويله
غيث القصير وفزعة النصر لاقام=بصبي جاره مابخل بالحصيله
نقاه سبعه،في ولد جاره أكرام=للجار والشيمه مهي بالثميله
لو للمراجل حلم في روس الأقزام=تخلخلت بالعارفه للكليله
وماللعواني كود عاني وضرغام=وماللمهيله غير فعل المهيله
والروس تعلوا بالقيم فوق ألأجسام=وعمر اللوازم ماتجي مستقيله
وفي ماقفي لاقمت مخدوم خدام=ماجيت بالصوره وهي مستحيله
لاخضرم الصوره على السطر رسام=يشوف بالكهرب ونور الفتيله
تدوم يامرسى الشدادين لاعوام=اصالتا متوثقه بالاصيله

حياك الله أخوي
وصح لسانك ملايين
ولاهنت على القصيدة الجزلة

يا هلا والله وألف مرحبا بشاعرنا الكبير
أبو محمد
وعسى الله يديم المحبة والأخوة بيننا
ما بك شك الله يطول بعمرك ونعلم مدى انشغالك
وحضورك شرف لنا وعساك على القوة اليوم ودوم
والشكر الجزيل لك على طيب ما شاركت به
وتسلم يمينك وصح لسانك

حياك الله وَ ربي يعطيك العافية ..

أشكرك على مشاعرك الطيب
صح لسانك
لاهنت يا شاعرنا على هذه القصيده الرائعه

.













حُييتْ وَ أهلاً وَ مَرحباً بـ الجزلْ خيِركْ سَابِقْ
وَ بحَّر القوافيْ زاخِر دوُماً وَ أبداً بـ شوامِخ
قوافيكْ حتىَّ وَ إنْ طَال غيابكْ نَبقىَّ
مُنصتيِنْ وَ منتظريِنْ لـ وفاءٌ أنتَ أهلهُ
فَ صَّح الله بوُحكْ وَ سَلِمْ حضوُركْ
لا هِنتْ ’

# توُشَّمْ بالتميَّز

حياكـ اخوي جزل البيان
صح لسانكـ و دمت بالف خير