عويل النساء..

من المعروف ان نساء البدو يذكرن في الافراح والاتراح ببعض القصائد ويتغنين بها في شيوخ وفرسان قبيلتهم حيث تصبح شاهدا على هذه المناسبة ان كانت حزينه أو سعيده بالنسبة للقبيله بوجه عام وبالنسبة لنساء القبيلة بوجه خاص.
وهذه القصائد ذكرها ديكسون في كتابه ( عرب من الصحراء ):


قصيدة نساء مطير بعد مقتل الدويش:
بعد قضاء الملك عبدالعزيز بن سعود على تمرد الاخوان بقيادة الشيخ فيصل بن سلطان الدويش شيخ قبيلة مطير وبعد تسليم الانجليز لفيصل الدويش لابن سعود في خباري وضحه عام 1930 اصبحت نهاية هذا الفارس الشجاع نهاية حزينه فأصبحت نساء قبيلة مطير يتوجدن على فقد هذا الزعيم بهذه القصيده التي ذكرها ديكسون في كتابه عرب الصحراء وهي:

يا قلبي اللي غـدا خريـش= حدر السما حـس طيّـاره
طيـارة شالـت الدويـش= ما عاد يرجـع إلـى داره
وعويله في أطراف العشيش=وأخته على الحزن صَبّاره

أغنية نساء قبيلة العجمان بعودة الشيخ راكان:

بعد رجوع الشيخ راكان من السجن في إستانبول مزهوا بإنتصاراته مع العثمانيين ضد الصرب والروس وبعد إكرام الدولة العثمانية لشيخ راكان بن حثلين له تهللت نواظر نساء قبيلة العجمان بعودة شيخهم غانما فأستمرت الافراح أياما وأسابيع وشهورا فأصبح نساء قبيلة العجمان يرددون قصيدة الشيخ راكان بعودته وهي :

ياالله يا مخرج من المكرهيه=مَدك ومعروفك وفضلك كفاني
يا عالم باسرار(ن) علينا خفيه= يا واحد(ن) ماله شريك(ن) وثاني
يا راكب(ن) حمرا ضد السريه= حراب يام(ن) والوصايف عماني
يا فاطري خبي طـوارف طميـه=الى زمان لك لو خشم الحصانـي
ذبي خبيب الذيب فـي جرهديـه= لا طالع الشـوان والليـل دانـي
خبـي طميـة وريـاض العذيـه=وتنحري برزان زيـن المبانـي
تنحـري لطـام خشـم السريـه=فرز الوغا لا جا نهار الوحانـي
آصل اخو نـوره لـزوم عليـه= قبل الحبيب وقبل قاصي ودانـي
وإليا قضيت اللازم اللـي عليـه=اللازم اللي مـا قضـاه الهدانـي
وتذكر المشحـون ديـران حيـه=مسوا حبـال اكوارهـا بالمثانـي
الجدي يخلا فـوق ورك المطيـه=بنورحها يبـدي سهيـل اليمانـي
نبغـي نـدور طفلـة عسوجيـه=ريحة نسمهـا كالزبـاد العمانـي
لي صاحبٍ ما نيتـي عنـه نيـه= واثره قضى له حاجةٍ مـا تنانـي
تباشروا بي عقب سابـع ضحيـه=وأنا علي أبـرك ليالـي زمانـي
أشره على الطيب ويشـره عليـه=يومه يزوج عشقتـي مـا تنانـي
ليته صبر عاميـن ولا ضحيـه=ولا تنشد صاحبي ويـش جانـي
اما قعـد راكـان ذيـب السريـه= والا يجي يصهل صهيل الحصاني
حريبنا لا اهـدى علينـا هديـه=عندي مجازاته مثل مـا جزانـي
نسهج محله ليـن يخلـف نويـه=يصوي كما يصوي مجدع الاذاني
من القطيف الى النفـوذ محميـة=ماهو يجيهـا الا خـويٍ وعانـي
أفعالنـا هـاذي علينـا وصيـه=فرضٍ علينا مثل صوم رمضاني
لا بد من جمـعٍ يزرفـل كميـه= جموعنا تاطـا الغبـا والبيانـي
في ساعـةٍ كـلٍ يهمـل خويـه=لا شاف ضرب مصقلات السناني
الصدق يظهر من حبالـه رديـه= والكذب يقطع من حبالـه متانـي
روحي وأنا راكان زبـن الونيـه= ما ياخذ العقبـات كـود الهدانـي

تسلمين على الموضوع الجميل

ياأستاذه المستحيله

1000 شكر ياأختي

نعم والله يالمستحيلة هكذا هن نساء العرب

للفرح صياح وللحزن نواح وللحرب تشجيع

عطرتي صفحات هذا القسم بروائع مشاركاتك

ويكفي تسيدك تثريباً لجميع مواضيعه

لا عدمنا مشاركاتك الله يطول في عمرك

الله يسلمك يابو سعود

الله يسلمك يالسلطان ياهلا بتواجدك هنا

مشكوره اختي على مواضيعك

الرااائعه في هذا القسم رااائع

لاهنتي وتحيتي لك

الله يحييك ياعبدالله ...

اختي الكريمه

مشكوره على الموضوع

الجميل والجهد الرائع والاختيار المميز

تحيااتي